ငွေဆောင်ကမ်းခြေ အပန်းဖြေအိမ်ရာများ ပထမအဆင့် စတင်ရောင်းချ

ငွေဆောင်ကမ်းခြေတွင် တည်ဆောက်ထားသည့် အပန်းဖြေအိမ်ရာ ငွေဆောင်ဗီလာ၏ ပထမအဆင့်ကို ဇန်န၀ါရီ ၈ ရက်၌ စတင်ရောင်းချခဲ့ရာ ဖွင့်ပွဲပြုလုပ်သည့် တစ်ရက်အတွင်း အိမ်အလုံးပေါင်း ၆၀ ခန့် ရောင်းချခဲ့ရသည်ဟု Ayeyarwaddy Resort and Villa Development ကုမ္ပဏီမှ သတင်းရရှိသည်။

‘‘ကျွန်တော်တို့ ဖွင့်ပွဲနေ့မှာ ပထမအဆင့်ရဲ့ အပိုင်း A ကို ရောင်းချပေးမယ်လို့ စီစဉ်ခဲ့ပေမယ့် ၀ယ်တဲ့လူ အရမ်းများတာကြောင့် အပိုင်း B ကိုပါ ဖွင့်ပြီးရောင်းပေးခဲ့ရတယ်။ အခုလို ကမ်းခြေမှာ အပန်းဖြေအိမ်ရာမျိုးက ပြည်တွင်းမှာ ပထမဆုံး ဖြစ်တဲ့အတွက် လူစိတ်ဝင်စားမှု များတာကို တွေ့ရပါတယ်’’ဟု ငွေဆောင်ဗီလာ စီမံကိန်းဖွံ့ဖြိုးတိုးတက်ရေးနှင့် ဈေးကွက်ရှာဖွေရေး ဒါရိုက်တာ ဦးစိုးသီဟလှိုင်က ပြောသည်။

ငွေဆောင်ဗီလာ အဆင့်မြင့် အိမ်ရာစီမံကိန်းကို မြေဧက ၁၆၀ ပေါ်တွင် အဆင့် ၃ ဆင့်ခွဲ၍ တည်ဆောက်သွားမည်ဖြစ်ပြီး အိမ်ရာ ၄၄၆ လုံး ပါရှိမည်ဖြစ်ကာ ပထမအဆင့်တွင် အဆင့်မြင့်အိမ်ရာ ၁၃၆ လုံး ပါရှိပြီး ၂၀၁၇ ဒီဇင်ဘာ၌ အပြီးတည်ဆောက်မည်ဟု ဆိုသည်။

ပထမအဆင့် တည်ဆောက်ရာတွင် အပန်းဖြေအိမ်ရာများနှင့်အတူ ရေကူးကန်၊ အားကစားခန်းမ၊ ဂေါက်ကွင်း၊ အသေးစား ဈေးဝယ်စင်တာ၊ Spa နှင့် ကမ်းခြေကလပ် စသည်တို့ ပါဝင်မည်ဖြစ်သည်။

အပန်းဖြေအိမ်ရာများကို ရောင်းချရာတွင် Holiday ဗီလာအတွက် အနည်းဆုံး ကျပ်သိန်း ၂,၆၀၀ မှစတင် ရောင်းချသွားမည်ဖြစ်ပြီး တောင်ကုန်းများပေါ်၌ တည်ဆောက်ထားသည့် Deluex ဗီလာအတွက် အနည်းဆုံး ကျပ်သိန်း ၃,၉၀၀ မှစတင်၍ တည်နေရာပေါ်မူတည်ပြီး ဈေးနှုန်းကွာခြားနိုင်ကြောင်း သိရသည်။

‘‘ကျွန်တော်တို့ အနေနဲ့ အိမ်ရာတွေကို 4 Star၊ 5 Star ဟိုတယ်တစ်ခုလို အမြဲတမ်း ပြုပြင်ထိန်းသိမ်းပေးထားမှာဖြစ်ပြီး ၀ယ်ယူထားသူက အမြဲတမ်း မနေဖြစ်ဘူးဆိုရင် အခန်းငှားပြီး နေချင်သူတွေကို ငှားပေးပြီး ငှားရမ်းခအနေနဲ့ ၀င်ငွေပြန်ရနိုင်အောင်လည်း လုပ်ပေးသွားမှာ ဖြစ်ပါတယ်’’ဟု ဦးစိုးသီဟလှိုင်က ပြောသည်။

ငွေဆောင်ဗီလာ စီမံကိန်းကို ဧရာဝတီတိုင်းဒေသကြီးရှိ ကုမ္ပဏီ ၂၀ က ပူးပေါင်းကာ Ayeyarwaddy Resort and Villa Development ကုမ္ပဏီအဖြစ် တည်ထောင်၍ ရင်းနှီးမြှုပ်နှံထားသည့် စီမံကိန်းတစ်ခုဖြစ်ကြောင်း သိရသည်။

Credit: 7Day News