စည်းမျဉ်းစည်းကမ်းနှင့်မညီ ဆောက်လုပ်သော အထပ်မြင့်တိုက်များကို လွှတ်တော်စောင့်ကြည့်မည်ဟုဆို

ပြည်နယ်နှင့်တိုင်း ဒေသကြီးများတွင် တည်ဆဲဥပဒေ၊ စည်းမျဉ်းစည်းကမ်းများနှင့် မညီဘဲ ဆောက်လုပ်နေသည့် အထပ်မြင့် အဆောက်အအုံများ ကို ဥပဒေနှင့်အညီ
ပြန်လည်လုပ်ဆောင်ခြင်းရှိ၊မရှိ ပြည်သူ့လွှတ်တော်ကစောင့်ကြည့်မည်ဟု ယမန်နေ့တွင် ကျင်းပသည့် လွှတ်တော်၌ ဆုံးဖြတ်ခဲ့သည်။

အမျိုးသားဒီမိုကရေစီ အဖွဲ့ ချုပ်မှ လွှတ်တော်ကိုယ်စား လှယ်ဒေါက်တာမေ၀င်းမြင့်က ရန်ကုန်မြို့တွင် စည်းမျဉ်းနှင့်မညီ ဘဲ
ဆောက်လုပ်နေသည့် အထပ် မြင့် အဆောက်အအုံများကို ဥပဒေအရ စည်းမျဉ်းစည်းကမ်းနှင့် အညီ ဆောင်ရွက်ပြီးသည်အထိရပ်ဆိုင်းထားရန်
ပြည်ထောင်စု အစိုးရအား တိုက်တွန်းကြောင်း အရေးကြီး အဆိုတစ်ရပ်ကို ဇန်န၀ါရီ ၇ ရက် ပြည်သူ့လွှတ်တော် အစည်းအဝေးသို့ တင်သွင်းခဲ့သည်။

ရန်ကုန်မြို့တွင် ဆောက် လုပ်နေသည့် ရှစ်ထပ်ခွဲနှင့်အ ထက် အဆောက်အအုံများသည် စည်ပင်သာယာရေးကော်မတီက သတ်မှတ်ထားသည့်
စည်းကမ်း များ မလိုက်နာခြင်း၊ သတ်မှတ် ဥပဒေစည်းမျဉ်းများမလိုက်နာဘဲ ဆောက်လုပ်နေခြင်းတို့
ကြောင့်တည်ဆဲဥပဒေများနှင့်အညီတိကျစွာဆောင်ရွက်ပြီးသည် အထိ ရပ်ဆိုင်းထားရန် အဆိုတင် ရခြင်းဖြစ်ကြောင်း ဒေါက်တာမေ၀င်းမြင့်က ပြောကြားသည်။

‘‘ဆေးရုံကြီးဝင်းထဲမှာ ၁၂ ထပ် အမြင့်ရှိတဲ့ အဆောက်အအုံ တစ်ခု ဆောက်နေတယ်။ ဒါက နိုင်ငံတော်ဘတ်ဂျက်ကို တင်ပြထားခြင်းလည်းမရှိဘူး။စံချိန်စံ ညွှန်းနဲ့မညီဘဲ ဆောက်နေတာ အခုဆို လေးထပ်တောင်ရောက် နေပြီ။ ဒါတွေကို ရပ်ဆိုင်းဖို့လိုပါ တယ်’’ ဟု ဒေါက်တာမေ၀င်းမြင့် က လွှတ်တော်သို့တင်ပြခဲ့ရာကျန်းမာရေးဝန်ကြီးဌာန
ပြည်ထောင်စုဝန်ကြီး ဒေါက်တာသန်းအောင်က ယင်းတင်ပြချက်ကြောင့် အဆိုပါ ဆောက်လုပ်မှုကို ရပ်ဆိုင်းထားပြီးဖြစ်ကြောင်း ပြန်လည်တင်ပြခဲ့သည်။

ယင်းအဆိုကို ကိုယ်စားလှယ် နှစ်ဦးက ထောက်ခံဆွေးနွေးခဲ့ကြ ရာ၌ အဆိုပါ ဖြစ်စဉ်များသည်ရန်ကုန်မြို့တွင်းသာမက
ပြည်နယ်နှင့် တိုင်းဒေသကြီးအနှံ့ရှိ မြို့ကြီးအများစု၌လည်း ဖြစ်ပေါ်နေသဖြင့် ပြည်နယ်နှင့်
တိုင်းဒေသ ကြီးဟူသော စကားရပ်ဖြင့် အဆို ကို အစားထိုးပြောင်းလဲရန် တင် ပြခဲ့သည်။

သက်ဆိုင်ရာ ၀န်ကြီးဌာန များဖြစ်သည့် ဆောက်လုပ်ရေး ၀န်ကြီးဌာနနှင့် ကျန်းမာရေးဝန် ကြီးဌာနတို့ကလည်း အဆိုကို ထောက်ခံသည့် သဘောဆွေးနွေး ခဲ့ပြီး အဆိုရှင်၏ သဘောထားကို လွှတ်တော်ဒုတိယဥက္ကဋ္ဌက မေး မြန်းရာ မဲခွဲဆုံးဖြတ်ခြင်း မပြုဘဲ မှတ်တမ်းတင်ထားရှိပြီး လွှတ် တော်မှ စောင့်ကြည့်ရန်ဆန္ဒ ပြုခဲ့သဖြင့်
ဒေါက်တာမေ၀င်းမြင့် တင်ပြချက်အတိုင်း လွှတ်တော် က ဆောင်ရွက်ခဲ့ခြင်း ဖြစ်သည်။

‘‘ရန်ကုန်မြို့မှာ အထပ်မြင့် အဆောက်အအုံတွေ ခွင့်ပြုချက် မရှိဘဲ ဆောက်နေကြတယ်။ ဒဏ် ကြေးဆောင်ပြီး ဆောက်ကြတယ်။ ဒဏ်ကြေးက အများဆုံးမှ တစ်နေ့တစ်သိန်းလောက်ဆောင်ပြီး တစ်လ သိန်းသုံးဆယ်လောက် ဆောင်တယ်။ အကုန်လုံးဆောက် ပြီးသွားမှအခွန်ပြန်ဆောင်တယ်။စည်ပင်ဥပဒေတွေက ကောင်း တယ်။ အကောင်အထည်ဖော် နေတဲ့ သူတွေမကောင်းလို့အခုလို ဖြစ်နေတာ’’ဟုရန်ကုန်မြို့တော်စည်ပင်သာယာရေး ကော်မတီဝင် ဦးခင်လှိုင်(ဇောတိက) က ပြောသည်။

သို့သော် ရန်ကုန်မြို့တော် စည်ပင်သာယာရေးကော်မတီဝင် ဦးဌေးအောင်ကမူ ‘‘စည်းမျဉ်းနဲ့မညီဘဲ ဆောက်နေတာတော့ မရှိပါဘူး။ ဒါပေမဲ့ တချို့ခွင့်မပြု သင့်တဲ့ နေရာတွေမှာ ခွင့်ပြုထား တာတော့ ရှိတယ်။ အရင်က စည်းမျဉ်းစည်းကမ်းတွေ မထွက် ခင်က လုပ်ကိုင်ခွင့်ပါမစ်ကျပြီး ဆောက်လုပ်နေတာတွေတော့ ရှိ တယ်။
ဆိုးဆိုးရွားရွားကြီး စည်းမဲ့ ကမ်းမဲ့ ဆောက်နေတာ မရှိပါ ဘူး။ တမင်တကာ ဥပဒေမဲ့ ခွင့်ပြု ထားတာ မရှိပါဘူး’’ဟု သုံးသပ် ပြောကြားသည်။

‘‘တာဝါကြီးတွေ၊ အဆောက်အအုံတွေ ဆောက်မယ့်လုပ်ငန်း ရှင်က ဘယ်တော့မှ စည်းကမ်းမဲ့ မလုပ်ဘူး။ ဒီလောက်အများကြီး ရင်းနှီးမြှုပ်နှံမှာကို သေချာစိစစ်ပြီး မှ လုပ်ပါတယ်။ ဒီမှာက လုပ် ငန်းခွင်တစ်ခု ခွင့်ပြုပြီးသွားရင် နိုင်ငံရေးရည်ရွယ်ချက်တစ်ခု ဒါမှ မဟုတ် တခြားရည်ရွယ်ချက်တစ် ခုနဲ့ လိုက်ကန့်ကွက်ကြတယ်။ ဒါက ရင်းနှီးမြှုပ်နှံမယ့်သူကိုလည်း ထိခိုက်စေတယ်။ နိုင်ငံတော်ရဲ့ တရားဥပဒေစိုးမိုးရေး အပိုင်းကိုလည်း ထိခိုက်စေတယ်။ အစကတည်းက ခွင့်ပြုသင့်၊ မသင့် သေချာစဉ်းစားသင့်တယ်။ လုပ်ငန်းလုပ်တော့မှ ပြန်ဖျက်ခိုင်းတာက ရင်းနှီးမြှုပ်နှံမှုကို ထိခိုက်စေတယ်’’ဟုThreeFriend ဆောက်လုပ်ရေးဒါရိုက်တာ ဦးကိုကိုလေးက လည်း ၎င်း၏အမြင်ကို ပြောသည်။

‘‘ဘာကြောင့် မဲမခွဲခဲ့တာလဲ ဆိုတော့ ကျွန်မတို့တင်တဲ့ အဆို တော်တော်များများက လွှတ် တော်မှာ မဲခွဲလိုက်ရင် ရှုံးတာများ တယ်လေ။ အဲဒီလို ရှုံးသွားရင် ကျွန်မအဆိုက အလကားဖြစ် သွားမှာစိုးလို့ မှတ်တမ်းတင်ပြီး လွှတ်တော်က စောင့်ကြည့်ဖို့ သဘောထားပေးလိုက်တာ။ အဲဒီ အတွက် နောက်လွှတ်တော်မှာဒီကိစ္စကို
ဆက်လက်ဆောင်ရွက်သွားလို့ရတယ်’’
ဟုဒေါက်တာမေ၀င်းမြင့်က ပြောသည်။

ယခုအဆို ကို မှတ်တမ်းတင်ခဲ့ခြင်းဖြင့် အထပ်မြင့် အဆောက်အအုံ ဆောက်လုပ်မှု ရပ်ဆိုင်းရေးကို တိုက်ရိုက်ဖိအားပေးနိုင်မည် မဟုတ်သော်လည်း
တပ်လှန့်လိုက်သည့် အနေအထားဖြစ်ကြောင်း လွှတ်တော်ကိုယ်စားလှယ်အချို့ကဆိုသည်။

‘‘၁၉၉၄ ကတည်းက ရွှေတိ ဂုံစေတီတော်ရဲ့ ဂုဏ်ကိုကွယ်နိုင် မယ့် အဆောက်အအုံတွေကို ခွင့် မပြုဖို့ သတ်မှတ်ထားတာတွေရှိ တယ်။ ဥပမာ ယောမင်းကြီးလမ်း၊
ကမ္ဘာအေးဘုရားလမ်း၊ တက္က သိုလ်ရိပ်သာလမ်းတွေမှာ အထပ် မြင့်ကို ဆောက်ခွင့်မပေးဘူး။ ဒါ တွေကို အခုအစိုးရလက်ထက်မှာ ဆောက်ချင်သလို ဆောက်နေကြတာ။ အခုလို လွှတ်တော်မှာ ဆွေးနွေးတာကောင်းတယ်၊ ကြိုဆိုပါတယ်’’ဟု ဦးခင်လှိုင်က ဆိုသည်။

Credit: MyanmarTines