ကမ္ဘောဇကုမ္ပဏီအုပ်စု ရန်ကုန်စတော့အိတ်ချိန်းလုပ်ငန်းစတင်ရန်ရှင်းလင်း၊ အရင်းအနှီးတိုးပွားအောင် ရှယ်ယာများရောင်းချပေးမည်

မြန်မာနိုင်ငံ၌ ပထမဆုံးဖွင့်လှစ် လိုက်သည့် ရန်ကုန်စတော့အိတ်ချိန်းတွင် ကမ္ဘောဇကုမ္ပဏီများအုပ်စုနှင့် စင်ကာပူနိုင်ငံ Stirling Coleman Securities Co., Ltd. တို့ အကျိုးတူ ပူးပေါင်းထားသည့် KBZ Stirling Coleman Securities Co., Ltd. (KBZ SC Securities) ၏ လုပ်ငန်းစဉ်များ မိတ်ဆက်ပွဲကို ဒီဇင်ဘာ ၁၅ ရက် ညပိုင်းက ရန်ကုန်မြို့ရှိ ဆူးလေ ရှန်ဂရီလာဟိုတယ်ခန်းမ၌ ကျင်းပခဲ့ကြောင်းသိရသည်။

အခမ်းအနားတွင် အကြီးတန်း အုပ်ချုပ်မှုဒါရိုက်တာ ဦးညိုမြင့်က အမှာစကားပြောကြားပြီး (အပေါ်ယာပုံ) KBZ SC Securities မှ အုပ်ချုပ်မှု ဒါရိုက်တာ Mr. Rudolf Rolles နှင့် Mr. Yap Yeong Keen? Mr. Ang Lian Kiat နှင့် ဒါရိုက်တာ ဦးဇော်လင်းအောင်တို့က လုပ်ငန်းစဉ် များကို ရှင်းလင်းတင်ပြသည်။ ထို့နောက် တက်ရောက်လာသော စီးပွားရေး လုပ်ငန်းရှင်များ၊ စတော့ရှယ်ယာတွင် ရင်းနှီးမြှုပ်နှံလိုသူများ၏ မေးမြန်းမှု များကို ရှင်းလင်းပြောကြားကြသည်။

ရန်ကုန် စတော့အိတ်ချိန်းကို ဒီဇင်ဘာ ၉ ရက်မှ စတင်ဖွင့်လှစ်ခဲ့ရာ ကနဦးအနေဖြင့် မြန်မာကုမ္ပဏီ ခြောက်ခုက ငွေချေးသက်သေခံ လက်မှတ်များကို ရန်ကုန်စတော့ အိတ်ချိန်းတွင် ရောင်းချရန်စီစဉ်လျက်ရှိပြီး ယင်းတို့ကို တာဝန်ခံ ရောင်းချပေးရန် ကုမ္ပဏီ ၁ဝ ခုကို ပဏာမ အဖြစ် ရွေးချယ်ခဲ့ကြောင်း သိရသည်။ ကုမ္ပဏီ ၁ဝ ခုတွင် KBZ SC Securities သာ လုပ်ငန်းလုပ်ကိုင် ခွင့်လိုင်စင်ရရှိထားပြီး ကျန်ရှိသော ကုမ္ပဏီများမှာလည်း လိုင်စင်ရရှိရေးအတွက် လိုအပ်ချက်များကို ဆက်လက် ဖြည့်ဆည်း ဆောင်ရွက်လျက်ရှိ သည်။

''ကမ္ဘောဇကုမ္ပဏီ အုပ်စုအနေနဲ့ တိုင်းပြည်ဖွံ့ဖြိုးတိုးတက်ရေးမှာ အဓိက ကျတဲ့ငွေကြေးကဏ္ဍ ဖွံ့ဖြိုးတိုးတက် ရေးအတွက် ပိုမိုအလေးထားကြိုးပမ်း လုပ်ဆောင်နေတာမှာ ပုဂ္ဂလိက ဘဏ်လုပ်ငန်းနဲ့ ပုဂ္ဂလိကအာမခံ လုပ်ငန်းတွေမှာ ဈေးကွက်ဝေစု အများ ဆုံးနဲ့ ဖြည့်ဆည်းဆောင်ရွက် ပေးလျက်ရှိပါတယ်။
နိုင်ငံရဲ့ စီးပွားရေး ဖွံ့ဖြိုးတိုးတက်မှုမှာ အဓိကအရေး ပါတဲ့ ငွေကြေး အရင်းအနှီးဈေးကွက်လုပ်ငန်းဆိုင်ရာဖြစ်တဲ့ ရန်ကုန် စတော့အိတ်ချိန်းရဲ့ ငွေချေး သက်သေခံ လက်မှတ် ရောင်းဝယ် ရေးလည်း ပါဝင်ဆောင်ရွက်နိုင်ဖို့ အင်တိုက် အားတိုက် ပြင်ဆင် ဆောင်ရွက်နေရာမှာ မြန်မာ့ စတော့ ရှယ်ယာဈေးကွက် သမိုင်းမှာ ငွေချေး သက်သေခံလက်မှတ်တွေကို တာဝန်ခံ ရောင်းချပေးမယ့် ပထမဆုံး Underwriter ကုမ္ပဏီအဖြစ် တရားဝင်လိုင်စင် ရရှိခဲ့ပါတယ်။ ရန်ကုန်စတော့အိတ်ချိန်း Listing ကုမ္ပဏီတွေရဲ့ အရင်းအနှီးတိုးမြှင့်ရေး ပြည်သူတွေက ရှယ်ယာတွေ ဝယ်ယူပြီး စီးပွားရေးမြှုပ်နှံမှုတွေ ပြုလုပ်ဖို့ စတာတွေအတွက် တာဝန်ယူရောင်းချ ဆောင်ရွက်ပေးမှာ ဖြစ်ပါတယ်။ ရန်ကုန်စတော့ အိတ်ချိန်းမှာ ရောင်းဝယ်မှုတွေ အပေါ် ငွေပေးချေမှုတွေကို ဆောင်ရွက်ပေးမယ့် ဘဏ်ကိုလည်း KBZ Bank ကို Authorized Fund Settlement Bank အဖြစ် ရွေးချယ်ထားတာဖြစ်လို့

ရန်ကုန်စတော့အိတ်ချိန်းရဲ့ လုပ်ငန်း တွေအောင်မြင်ဖို့အတွက် အဆင်ပြေ ချောမွေ့စွာ ချိတ်ဆက်ဆောင်ရွက် ပေးသွားမှာဖြစ်ပါတယ်။ အထူးသဖြင့် အရင်းအနှီးတိုးမြှင့်လိုတဲ့ စီးပွားရေးလုပ်ငန်းကုမ္ပဏီတွေကို သတ်မှတ်ထားတဲ့ စံချိန်စံညွှန်းတွေနဲ့ အညီ အစစအရာရာ တာဝန်ယူ ဆောင်ရွက်ပေးပြီး အရင်းအနှီးတိုးပွားအောင် သူတို့အတွက် ရှယ်ယာတွေကို တာဝန်ခံရောင်းချပေးမှာဖြစ်ပါ တယ်''ဟု အကြီးတန်းအုပ်ချုပ်မှု ဒါရိုက်တာ ဦးညိုမြင့်က ရှင်းလင်းပြောကြားသည်။ ၏

KB Z SCSecurities ၏ လုပ်ငန်း များကို ရန်ကုန်မြို့ ကမ်းနားလမ်းရှိ Strand Square (ယခင်နိုင်ငံတော် ခြောက်ထပ်ရုံး)၌ ရုံးခန်းဖွင့်လှစ်၍ လုပ်ငန်းများ ဆောင်ရွက်လျက်ရှိကြောင်း သိရသည်။

Credit: MOI Webportal Myanmar