ရွေးကောက်ပွဲအလွန် မန္တလေး အိမ်ခြံမြေအရောင်းအဝယ်ပြန်ဖြစ်

မန္တလေးအိမ်ခြံမြေဈေး ကွက်သည် တစ်နှစ်ကျော် ငြိမ် သက်နေရာမှ ရွေးကောက်ပွဲကျင်း ပပြီး နောက်ပိုင်းမှ စ၍ အရောင်း အဝယ်ပြန်ဖြစ်လာကြောင်း မန္တ လေးအိမ်ခြံမြေအကျိုးဆောင် လုပ်ငန်းများမှ သ တင်းရရှိသည်။

နိုင်ငံရေး၊ စီးပွားရေး မတည် ငြိမ်မှုများကြောင့် တစ်နှစ်ကျော် ကြာအေးစက်နေသည့် မန္တလေး အိမ်ခြံမြေဈေးကွက်သည် နိုဝင် ဘာလလယ်ခန့်မှ စတင်ကာ အ ရောင်းအဝယ်ပြန်ဖြစ်လာသည် ဟု မန္တလေးတိုင်းအိမ်ခြံမြေကိုယ် စားလှယ်များ ဖွံ့ဖြိုးတိုးတက်ရေး အသင်းဥက္ကဋ္ဌ ဦးတင်မောင်က ပြောကြားသည်။

‘‘၂၀၁၅ တစ်နှစ်လုံးလိုလို အေးနေရာကနေ အခုရက်ပိုင်း အတွင်းမှာ ပြန်အသက်ဝင်လာ တယ်။ လာမေးတဲ့သူတွေ များ လာတယ်။ အရောင်းအဝယ်ပြန်စ တက်လာတယ်။

အရင်တုန်းက ဘယ်လိုဖြစ်မယ်မှန်း မသိလို့ စောင့်ကြည့်ဆဲကာလကနေ အခု နိုင်ငံရေးမှာ အဖြေတစ်ခုထွက် သွားပြီဖြစ်တဲ့အတွက် ပြန်လှုပ် ရှားလာတဲ့ သဘောပေါ့’’ဟု ၎င်း က ပြောသည်။

နိုဝင်ဘာအတွင်း တစ်နိုင်ငံ လုံးရွေးကောက်ပွဲအောင်မြင်စွာ ကျင်းပနိုင်ခြင်းနှင့်အတူ ရွေး ကောက်ပွဲ၌ ဒီချုပ်ပါတီအနိုင်ရရှိ ခဲ့ခြင်း၊ အစိုးရနှင့် တိုင်းရင်းသားအဖွဲ့ အစည်းအချို့ ငြိမ်းချမ်းရေး ဆွေးနွေးပွဲများ ပြန်လည်ကျင်းပနိုင်ခြင်းတို့ကြောင့် စီးပွားရေးလုပ်ငန်းရှင်များက ပြန်လည်ဝယ်ယူလာကြခြင်းဖြစ်သည်ဟု အိမ်ခြံမြေအ ရောင်းအဝယ်ကျွမ်းကျင်သူ တစ် ဦးက ပြောသည်။

လက်ရှိ မန္တလေးအိမ်ခြံမြေ ဈေးကွက်တွင် မြို့ထဲ၊ မြို့သစ်၊ သိပ္ပံလမ်းဝန်းကျင်ရှိ မြေကွက် များဝယ်ယူမှုရှိနေပြီး ကျပ်သိန်း သုံးထောင်၊ ငါးထောင်၊ တစ် သောင်းခွဲမှ သုံးသောင်းကျော် ဈေးနှုန်းရှိသော မြေကွက်များ၊ နယ်ဘက်မှ သိန်းရာကျော်တန် အကွက်များ အရောင်းအဝယ် ဖြစ်နေကြောင်း ရွှေမန္တလေး အိမ်ခြံမြေအကျိုးဆောင်လုပ်ငန်း မှ ဦးနေလင်းအောင်က ပြောသည်။

Credit : 7Day Daily