မြန်မာနိုင်ငံတွင် ပထမဆုံး ဖွင့်လှစ်လိုက်သည့် ရန်ကုန်စတော့ အိတ်ချိန်းတွင် မြန်မာနှင့် ထိုင်းတို့ အကျိုးတူလုပ်ငန်းများ ပူးပေါင်းဆောင်ရွက်မည့် KTZ Ruby Hill Securities Co., Ltd .၏ လုပ်ငန်းစဉ်များ မိတ်ဆက်ပွဲကို ဒီဇင်ဘာ ၈ ရက် ညပိုင်းက မရမ်းကုန်းမြို့နယ်ရှိ ဦးထွန်းငြိမ်းလမ်း၌ ကျင်းပသည်။
အခမ်းအနားတွင် ရှေးဦးစွာ ဘဏ္ဍာရေးဝန်ကြီးဌာန ဒုတိယဝန်ကြီး ဒေါက်တာ မောင်မောင်သိမ်းက အဖွင့်အမှာစကားပြောကြားပြီး Loi Hein Group and KTZRH ဥက္ကဋ္ဌ ဒေါက်တာစိုင်းဆမ်ထွန်းက အမှာစကား ပြောကြားသည်။
ယင်းနောက် ထိုင်းနိုင်ငံမှ KTZ mico Securities Co., Ltd. CEO Mr.Khun Chaipatr Srivisarvacha က အမှာစကားပြောကြားပြီး ကုမ္ပဏီ၏လုပ်ငန်းစဉ်များအား ပရိုဂျက်တာဖြင့် ပြသသည်။
ဆက်လက်၍ ပြည်ထောင်စုသမ္မတ မြန်မာနိုင်ငံတော်ဆိုင်ရာ ထိုင်းနိုင်ငံသံအမတ်ကြီး H.E. Pisanu Suvanjata က အမှာစကားပြောကြားပြီး Loi Hein Group and KTZRH ဥက္ကဋ္ဌ ဒေါက်တာစိုင်းဆမ်ထွန်းက အမှတ်တရလက်ဆောင် ပေးအပ်သည်။
ရန်ကုန် စတော့အိတ်ချိန်းကို ဒီဇင်ဘာ ၉ ရက်က စတင်ဖွင့်လှစ်ခဲ့ပြီး မြန်မာနိုင်ငံသားများအတွက် စီးပွားရေးအခွင့်အလမ်းများ ပိုမိုရရှိလာနိုင် မည်ဖြစ်သည်။ ရန်ကုန်စတော့ အိတ်ချိန်းကို ကုမ္ပဏီအများစုဖြင့် စတင်မည်ဖြစ်ပြီး KTZRH ကုမ္ပဏီ လည်း အပါအဝင်ဖြစ်သည်။
''စတော့ အိတ်ချိန်းဆိုတာ နိုင်ငံတကာမှာ လုပ်ကိုင်နေတာကြာပြီဖြစ်ပြီး မြန်မာနိုင်ငံမှာတော့ အခုမှလုပ်ဆောင်ရမှာပါ။ နိုင်ငံတကာမှာ စတော့အိတ်ချိန်း မရှိတာ နိုင်ငံအနည်းငယ်ပဲ ရှိပါတော့တယ်။
ကျွန်တော်တို့အနေနဲ့လည်း နိုင်ငံသူ နိုင်ငံသား အကျိုးရှိစေဖို့ ထိုင်းကုမ္ပဏီနဲ့ ပူးပေါင်းဆောင်ရွက်မှာပါ။ ကျွန်တော်တို့က စတော့အိတ်ချိန်းနဲ့ ပတ်သက်ပြီးတော့ အတွေ့အကြုံ မရှိသေးတာကြောင့် လောလောဆယ်တော့ ငွေကြေးစိုက်
ထုတ်ပြီး လုပ်ဆောင်မှာပါ။ သူတို့ဆီက လုပ်ပုံကိုင်ပုံ၊ နည်းလမ်းတွေကို လေ့လာသွားမှာပါ။
ဒီမှာက စတော့အိတ်ချိန်းနဲ့ ပတ်သက်ပြီးသိရှိသေးတာနည်းသေးတဲ့အတွက် အသေးစိတ်ကအစ ရှင်းပြသွားမှာပါ။ နိုင်ငံအတွက် ကောင်းမွန်တဲ့ လက္ခဏာဖြစ်ပြီး စီးပွားရေးအခြေအနေလည်း ပို၍တိုးတက်လာနိုင်ပါတယ်'' ဟု Loi Hein Group and KTZRH ဥက္ကဋ္ဌ ဒေါက်တာစိုင်းဆမ်ထွန်းက ရှင်းလင်းပြောကြားခဲ့သည်။
Credit: MOI Webportal Myanmar