မန္တလေးမြို့၏ ရေသယံဇာတစီမံခန့်ခွဲမှုကို အဆင့်မြှင့်တင်ခြင်းဖြင့် မြို့ပြပတ်ဝန်းကျင်နှင့်
လူထုကျန်းမာရေးတို့ကိုပါ မြှင့်တင်ပေး မည့် စီမံကိန်းတစ်ရပ် အကောင်အထည်ဖော်ရန် အာရှဖွံ့ဖြိုးရေးဘဏ်က အမေရိကန်ဒေါ်လာ သန်း ၆၀ ချေးငွေအကူအညီ
ပေးရန် အတည်ပြုလိုက်ကြောင်း အဆိုပါ ဘဏ်က
ယခုလ ၁၃ ရက်စွဲဖြင့်သတင်းထုတ် ပြန်လိုက်သည်။
ခုနစ်နှစ်ခန့် အချိန်ယူပြီး ၂၀၂၃ ခုနှစ်၊ မတ်လတွင် ပြီးစီးရန် ခန့်မှန်းထားသောအဆိုပါ စီမံကိန်းတွင် ရေသန့်စင်
စက်ရုံသစ် တစ်ရုံ တည်ဆောက်ကာ လက်ရှိ
ရေပေး ဝေနေသော ကွန်ရက်ကို မွမ်းမံတိုးချဲ့ပြီး လူဦးရေ ၁၂၄, ၀၀၀ ကျော်ကိုသန့်ရှင်းသော ရေ စဉ်ဆက်မပြတ်ရရှိရန် ဆောင်ရွက်သွားမည်ဖြစ်သည်။
ထို့ပြင်မြို့၏ ပထမဆုံးသော ရေဆိုးသန့်စင်စက်ရုံကို တည်ဆောက်သွားမည်
ဖြစ်ပြီး ရေဆိုးရေညစ်များကို ချောင်းမြောင်း များအတွင်း တိုက်ရိုက် စွန့်ထုတ်မှုကိုလျှော့ ချသွားမည်ဖြစ်ကာ ပတ်ဝန်းကျင်နှင့် ကျန်းမာရေးဆိုင်ရာ လူထုပညာပေး
အစီ အစဉ်များလည်း စီမံကိန်းတွင် ပါဝင်သည်။
စီမံကိန်းတွင် စွန့်ထုတ်ပြုပြင်
အညစ် အကြေးများကို အသုံးပြု၍ ဇီဝဓာတ်ငွေ့ ထုတ်ယူကာ ယင်းဓာတ်ငွေ့ဖြင့်လျှပ်စစ် ဓာတ်အားထုတ်ရန်လည်း စီမံထားပြီး ရေဆိုးသန့်စင်စက်ရုံ လည်ပတ်ရန်
လိုအပ် သော လျှပ်စစ်ဓာတ်အား စုစုပေါင်း၏ ထက်ဝက်ခန့်ကို ယင်းထုတ်လုပ်မှုက
ရနိုင်မည်ဖြစ်သည်။
အိန္ဒိယနှင့် တရုတ်နိုင်ငံတို့ကို ချိတ်ဆက် ထားသောစီးပွားရေးစင်္ကြံမှာ
မန္တလေးမြို့ကို ဖြတ်သန်းသွားပြီး စင်္ကြံလမ်းတစ်လျှောက် တိုးတက်မှုနှင့်အတူမန္တလေးမြို့မှာလည်း စီးပွားရေးအချက်အချာနေရာတစ်ခု ဖြစ်လာရန် အလား
အလာကြီးမားကြောင်း၊ သို့သော် မြို့ပြ၀န်ဆောင်မှုလုပ်ငန်းများမှာမူ အားနည်းချက်
များရှိနေကြာင်း အာရှဖွံ့ဖြိုး ရေးဘဏ် အရှေ့တောင်အာရှဌာန မြို့ပြ ဖွံ့ဖြိုးတိုးတက်မှု
ဦးဆောင်ပညာရှင် အဲလ်ရီဟွန်ဒါက ပြောသည်။
"မြို့အနေနဲ့ ရာသီဥတု ပြောင်းလဲမှုရဲ့ သက်ရောက်မှုဒဏ်တွေကို ခံနိုင်ရည် အတော်နည်းပါးပါသေးတယ်။
ခေတ်မီ ရေပေးဝေရေးစနစ်နဲ့ ရေဆိုးစွန့်ထုတ်
စီမံခန့်ခွဲမှုတွေ ဖြစ်ပေါ်အောင်၊ ဒီစနစ်တွေ ရေရှည်တည်တံ့ကောင်းမွန်အောင်
အခု အကူအညီနဲ့ ဦးတည်လုပ်ဆောင်သွားမှာ ပါ"ဟု အဲလ်ရီဟွန်ဒါ ကပြောသည်။
အာရှဖွံ့ဖြိုးရေးဘဏ်၏ ထုတ်ပြန်ချက် အရ မန္တလေးမြို့မှာ
နိုင်ငံဂျီဒီပီ၏ ရှစ်ရာခိုင် နှုန်းခန့်ကို ရယူပေးနေသော်လည်း အခြေခံအဆောက်အအုံနှင့် မြို့ပြ၀န်ဆောင်မှုများ ပေးရာတွင် အလွန်အားနည်းနေကြောင်း၊ပိုက်လိုင်းဖြင့် ရေပေးဝေမှုကို
နေထိုင်သူအားလုံး၏ ၅၅ ရာခိုင်နှုန်းခန့်သာ ရရှိနေပြီး
ရေဆိုးနှင့် မိလ္လာစွန့်ထုတ်မှုမှာ စနစ်တကျမရှိဘဲ အညစ်အကြေးများကို ရေမြောင်း
များ၊ ချောင်းများသို့ စွန့်ထုတ်လျက်ရှိကြောင်းနှင့် မိုးရာသီကာလတွင် ဆိုးဝါးသော
ရေဘေး ကြုံရန် အလားအလာများလျက် ရှိသည်။
ဖိလစ်ပိုင်နိုင်ငံ မနီလာအခြေစိုက် အာရှ ဖွံ့ဖြိုးရေးဘဏ် (ASIAN DEVELOPMENT
BANK-ADB)ကို အဖွဲ့ဝင် ၆၇ နိုင်ငံက ပိုင်ဆိုင်ပြီး စီးပွားရေးဖွံ့ဖြိုးရေး၊ ပတ်ဝန်းကျင်
မထိခိုက်ဘဲ ရေရှည်တည်တံ့စေမည့် ဖွံ့ဖြိုးရေးနှင့် ဒေသတွင်း ပူးပေါင်း ဆောင်ရွက်မှု
တိုးမြှင့်စေရေးတို့ကို လုပ်ဆောင်နေကာ အာရှနှင့် ပစိဖိတ်ဒေသတွင်း ဆင်းရဲမှု
လျှော့ချရေးကို ဦးတည်ချက်ထား လုပ်ဆောင်လျက်သည်။
ယခုစီမံကိန်းတွင် အဆိုပါဘဏ်အပြင် ဖွံ့ဖြိုးမှု မိတ်ဖက် အဖွဲ့ အစည်းများ၏ဒေါ်လာ ၅၆ ဒသမ ၈ သန်း ပူးတွဲ ထည့်ဝင်မှုအပြင် မြန်မာနိုင်ငံအစိုးရ
ကလည်း ဒေါ်လာ ၁၃ ဒသမ ၁ သန်း စိုက်ထုတ် သုံးစွဲသွားမည်ဖြစ်သည်။
Credit: MyanmarTimes