မြောက်ဦးဒေသ ရေဘေးလွန်ကာလ ပြန်လည်ထူထောင်ရေး အတွက် ကျေးရွာသုံးရွာတွင် အိမ်ခြေ ၁၁၈ လုံး ဆောက်လုပ်လှူဒါန်း

CB-KMA Foundation မှ မြောက်ဦးဒေသ ရေဘေးလွန် ကာလ ပြန်လည်ထူထောင်ရေးအတွက် ဆောင်ရွက်ရာတွင် မြေ ရှစ်ဧကကို ဝယ်ယူခဲ့ပြီး စုစုပေါင်း အိမ်ခြေ ၁၁၈ လုံး ကို ရေဘေးသင့်ပြည်သူများအတွက်တည်ဆောက်ပေးနိုင်
ခဲ့ကြောင်း၊ စီမံကိန်း မှာ နိုဝင်ဘာလ ကုန်တွင် ပြီးစီးတော့ မည်ဖြစ်ကြောင်း သိရသည်။

ရခိုင်ပြည်နယ် မြောက်ဦးမြို့နယ်သည် ဆိုးရွား ပြင်းထန် သည့် ရေးဘေးဒဏ် ခံရသော ဒေသထဲတွင် တစ်ခု အပါအဝင်ဖြစ် သည်။ ရေဘေးကြောင့် နေထိုင်ရေး အတိ ဒုက္ခရောက်ရှိခဲ့ သည့် ပြည်သူများ မှာ ဖောင်းဒေးရှင်း၏ ကူညီထောက်ပံ့မှုဖြင့် မူလထက်သာ လွန်ကောင်း မွန်သော နေထိုင်မှုကို ရရှိပိုင်ဆိုင်နိုင်တော့မည်ဖြစ်ကြောင်း သိရသည်။

''ရေဘေးကြောင့် အတိဒုက္ခရောက်ရတဲ့ ပြည်သူတွေကို ကျွန်တော်တို့ ဖောင်ဒေးရှင်းအနေနဲ့ အချိန်နှင့်တစ်ပြေးညီ အကူအညီပေးခဲ့ပါတယ်။ သမ္မတကြီးရဲ့ လမ်းညွှန်မှု၊ အလိုတော်ပြည့် ဆရာတော်ကြီး၏ ဦးဆောင်မှုတွေ၊ အလှူရှင်တွေရဲ့ပူးပေါင်းပါဝင်မှုတွေနဲ့ ရခိုင်မြောက်ဦး ဒေသအတွက် အကောင်းဆုံး စီစဉ်ဆောင်ရွက်နိုင်ခဲ့ပါ တယ်။

CB-KMA Foundation အနေနဲ့ ဒေသခံပြည်သူ များရဲ့ လူမှုရေး၊ ကျန်းမာရေး၊ အခြေတကျနေထိုင်ရေး၊ ပညာရေး အစရှိတဲ့ လိုအပ်ချက်တွေအတွက် ငွေကျပ် သိန်း နှစ်သောင်းကျော် အကုန်အကျခံကာ ဆောင်ရွက်ခဲ့ တာဖြစ်ပါတယ်'' ဟု နိုဝင်ဘာ ၁ ရက်မှ ၃ ရက်ထိ အဆိုပါ ဒေသတွင် တည်ဆောက်ရေးလုပ်ငန်းများကို သွားရောက် ကြည့်ရှုစစ်ဆေးခဲ့သည့် ဖောင်းဒေးရှင်းဥက္ကဋ္ဌ ဦးခင်မောင်အေးက ပြောသည်။

မြောက်ဦးမြို့နယ်ရှိ ရေဘေးဒဏ်ခံခဲ့ရသည့် ကျေးရွာများဖြစ်သော ထမ္မရာဇ်ကျေးရွာတွင် မြေငါးဧက၊ ရော်မနီကျေးရွာတွင် ၂ ဒသမ ၅ ဧက နှင့် ရွှေထွန်းဖြူ ကျေးရွာတွင် မြေ သုည ဒသမ ၅ ဧကဝယ်ယူပြီး နေအိမ် များဆောက်လုပ်ပေးခြင်းဖြစ်သည်။ ထမ္မရာဇ်ကျေးရွာတွင် အိမ် ၆၄ လုံး၊ ရော်မနီကျေးရွာတွင် အိမ် ၃၈ လုံး၊ ရွှေထွန်းဖြူကျေးရွာတွင် အိမ် ၁၆ လုံး စုစုပေါင်း ၁၁၈ လုံး ဆောက်လုပ်ပြီးစီးတော့မည်ဖြစ်ကြောင်း သိရသည်။

ယင်းအိမ်တစ်လုံးအတွက် မြေအကျယ်အဝန်းမှာ ပေ(၃ဝ ထ ၄ဝ)နှင့် အိမ်အကျယ်အဝန်းမှာ (၁၅ ထ ၂ဝ)ပေရှိသည်။ ယခုနိုဝင်ဘာလဆန်းတွင် အဆိုပါ ကျေးရွာသုံးရွာတွင် အိမ် ၉၈ လုံး ဆောက်လုပ်ပြီးစီးသွားပြီဖြစ်ကြောင်း သိရသည်။

''နေအိမ်တွေကတော့ အားလုံးဆောက်လုပ်ပြီးစီး တော့မှာ ပါ။ ဖောင်ဒေးရှင်းအနေနဲ့ နှစ်လအတွင်း အားလုံး တည်ဆောက်ပြီးစီးနိုင်အောင် ကြိုးစားနေပါတယ်။ လက်ရှိ မှာတော့ ၈ဝ ရာခိုင်နှုန်းကျော်အထိ တည်ဆောက်ပြီးစီး သွားပါပြီ။ ဒေသခံပြည်သူတွေ အနေနဲ့ ယခင်ကထက် လူနေမှုအဆင့်အတန်း ပိုပြီးမြင့်မားလာမှာဖြစ်ပြီး ရေ၊ မီးအပြည့်အစုံ အားလုံး စုံလင်စွာနေထိုင်နိုင်အောင် လုပ်ဆောင်ပေးနေ ပါတယ်။ ရေကိုလည်း ပိုက်လိုင်းနဲ့ သွယ်တန်းပေးထားပြီး မီးရရှိအောင် ဆိုလာစနစ်နဲ့ ဆောင်ရွက်ပေးထားပါတယ်'' ဟု CB-KMA Foundationတွင်ပါဝင်သော ကောင်းမြန်မာအောင် ဆောက်လုပ်ရေးမှ အင်ဂျင်နီယာ ဦးဝင်းမင်းသန်း က ပြောသည်။

နိုဝင်ဘာလကုန်တွင် ဒေသဆိုင်ရာအုပ်ချုပ်ရေး အဖွဲ့များ၏ အစီအစဉ်ဖြင့် ဒေသခံပြည် သူများကို မဲနှိုက် နေရာချထားပေး သွားမည်ဖြစ်ကြောင်း အဆိုပါတာဝန်ရှိ သူက ပြောသည်။ ယင်းအပြင် အမှတ်(၃) အခြေခံ ပညာအလယ်တန်းကျောင်းဆောင်သစ် ဆောက်လုပ်ခြင်း၊ အလက(၁)ကျောင်း ပြုပြင်တည်ဆောက်ခြင်း၊ ဆင့်အိုး အမက(၂) ၊ကျောင်းတောင် အမကတို့ကိုလည်း ပြုပြင် တည်ဆောက်ခြင်းတို့ကို ဆောင်ရွက်လျက်ရှိပြီး နိုဝင်ဘာ လကုန်တွင် အပြီးသတ်စီစဉ်သွားမည်ဖြစ်ကြောင်း သိရသည်။

Credit: MOI Webporital Myanmar