အာရှတွင် ခရီးသွားလို့ အကောင်းဆုံးနိုင်ငံအဖြစ် မလေးရှား ရပ်တည်

ယခုနှစ် ကမ္ဘာ့ခရီးသွားဆုများ ပေးအပ်ချီးမြှင့်ရာတွင် အာရှတိုက်၌ မလေးရှားသည် ခရီးသွားလို့ အကောင်းဆုံးနိုင်ငံဆု လက်ခံရရှိခဲ့သည်။

ကဏ္ဍတစ်ခုချင်း အလိုက်တွင် ထိုင်းနိုင်ငံသည် အာရှတွင် ကမ်းခြေအပန်းဖြေလို့ အကောင်းဆုံး နိုင်ငံဆုကို ဆွတ်ခူးသည်။ ကမ္ဘောဒီးယားမှ အန်ကေ ၀တ်ကျောင်းတော်က ကမ္ဘာလှည့်ခရီးသည် အဆွဲဆောင်နိုင်ဆုံးဆု၊ ဟောင်ကောင်က အာရှတွင် ခရီးတစ်ထောက်နားလို့ အကောင်းဆုံးဆု ရရှိသည်။

ဟောင်ကောင်သည် အာရှတွင် နိုင်ငံတကာ အစည်းအဝေးများ ကျင်းပလို့ အကောင်းဆုံး နိုင်ငံဆုလည်း ဆွတ်ခူးသည်။ စင်ကာပူမှ Suntec Singapore Convention and Exhibition Centre က အစည်းအဝေး ကျင်းပလို့ အကောင်းဆုံး စင်တာဆု ရရှိသည်။

စင်ကာပူ လေကြောင်းလိုင်းသည် အာရှအကောင်းဆုံး လေကြောင်းလိုင်းဆု ရရှိသည်။ မလေးရှား ဘတ်ဂျတ် လေကြောင်းလိုင်း AirAsiaက လေယာဉ်ပေါ် ၀န်ဆောင်မှု အကောင်းဆုံး ၀န်ထမ်းဆု ရရှိသည်။

စင်ကာပူ ချန်ဂီလေဆိပ်က အာရှအကောင်းဆုံး လေဆိပ်ဆု ဆွတ်ခူးသည်။ Singpore Cruise Centre သည်လည်း အာရှအကောင်းဆုံး ဆိပ်ကမ်းအဖြစ် သတ်မှတ်ခံရသည်။

Star Cruises က အာရှအကောင်းဆုံး ခရီးသည်တင် သင်္ဘောလိုင်းအဖြစ် သတ်မှတ်ခံရသည်။ စင်ကာပူမှ Marina Bay Sands သည် အာရှအကောင်းဆုံး အဆင့်မြင့် အပန်းဖြေရာ နေရာအဖြစ် သတ်မှတ်ခံရသည်။

အာရှအကောင်းဆုံးများသည် အခြားတိုက်များမှ အကောင်းဆုံးများနဲ့ ယှဉ်ပြိုင် ရွေးချယ်ခံရမည် ဖြစ်ပြီး၊ ဒီဇင်ဘာလတွင် မိုနာကို နိုင်ငံ၌ ကမ္ဘာ့အကောင်းဆုံး ဆုပေးပွဲကို ကျင်းပမည် ဖြစ်သည်။

Credit: Messenger