ဂျပန်အပြည်ပြည်ဆိုင်ရာပူးပေါင်းဆောင်ရွက်ရေး အေဂျင်စီ (JICA) ၏ နည်းပညာနှင့် ငွေကြေး ထောက်ပံ့မှု အကူအညီဖြင့် ရေးဆွဲဆောင်ရွက်ခဲ့သည့်ျာေအနမ စူညေ ပါစီမံကိန်းများအတိုင်း ရန်ကုန်မြို့ တော်၏ နယ်နိမိတ်ကို တဖြည်းဖြည်းချဲ့ထွင်သွားမည်ဖြစ်ကြောင်း ရန်ကုန်မြို့တော် စည်ပင်သာယာရေး ကော် မတီထံမှ သိရသည်။
”၂ဝ၄ဝ ပြည့်နှစ်မှာ လူဦးရေ ၁ဝ သန်းလောက် ဖြစ်လာနိုင်လို့မြို့ကို master plan အတိုင်း ချဲ့သွား မယ်။ YCDC ရဲ့ plan အတိုင်းလုပ်သွားမယ်။ ဘယ်နေရာတွေချဲ့မလဲဆိုတော့ လူဦးရေ တိုးတက်လာတာနဲ့အမျှ အရှေ့၊အနောက်၊တောင်၊ မြောက်ကို စူညေ အတိုင်းပဲ ချဲ့ပေးသွားဖို့ ရှိတယ်”ဟု ရန်ကုန်မြို့တော် စည်ပင်သာယာရေး ကော်မတီ မြို့ပြနှင့် မြေစီမံခန့်ခွဲရေးဌာနမှ ဌာနမှူးဦးသန်းလွင်ဦးက ပြောသည်။
အကျယ်အဝန်းအားဖြင့် ၃ဝ၆ ဒသမ ၇၃ စတုရန်းမိုင် ရှိသောရန်ကုန်တိုင်းဒေသကြီးတွင် မြို့နယ် ပေါင်း ၄၅ မြို့နယ် ရှိပြီး ၂ဝ၁၄ ခုနှစ် ၌ ကောက်ယူထားသည့် သန်းခေါင်စာရင်းအရ ရန်ကုန်မြို့တော်တွင် နေထိုင်သူ ၅ ဒသမ ၂၂ သန်းအထိ ရှိလာသည့်အပြင် ခန့်မှန်းတွက်ချက်ထားမှုများအရ ၂ဝ၄ဝ ပြည့်နှစ်တွင် ရန်ကုန်မြို့တော်တွင် နေထိုင်သူ ၁ဝ သန်းခန့်အထိ ဖြစ်ပေါ်လာနိုင်သည့်အတွက် မြို့ဧရိယာများကိုမဖြစ်မနေ ချဲ့ထွင်ရန် လိုအပ်ကြောင်းပညာရှင်များက ပြောသည်။
”အသစ်ထပ်ချဲ့မယ့် နေရာတွေထဲမှာ စက်မှုဇုန်တွေ၊ အပန်းဖြေနေရာတွေပါမယ်။ လူဦးရေတိုးတက် လာလို့ လူကြီးတွေက မြို့ကွက်ချဲ့မယ်ဆိုလာရင်လည်း ဒီ plan တွေအတိုင်း တင်ပြသွားမယ်။ အဲဒီအတွက် ကြောင့် plan တွေကိုအဆင်သင့်ပြင်ထားတာ”ဟု ဦးသန်းလွင်ဦးက ဆက်လက်ပြောသည်။
၂ဝ၁၃ ခုနှစ်၊ ဧပြီလ ရက်စွဲဖြင့်ထုတ်ပြန်ခဲ့သည့် The Project for strategic urban development plan of the greater Yangon အရမြို့တော်၏ အကျယ်အဝန်းအားမြို့တော်အလယ် ဗဟိုမှစ၍ ၂ဝ ကီလို မီတာမှ ၃ဝ ကီလိုမီတာ အထိတဖြည်းဖြည်း ချဲ့ထွင်သွားမည်ဖြစ်သည့်အပြင် တိုးတက်လာသည့်လူဦးရေ အတွက် ဝန်ဆောင်မှုပေးနိုင်သည့် ရေ၊ လျှပ်စစ်မီး၊ မိလ္လာစနစ်များကိုလည်း တစ်ပါတည်း ထည့်သွင်း တည်ဆောက်သွားရန် ရည်ရွယ်ထားကြောင်း သိရသည်။
”ဇုန်အနေနဲ့ ၁ဝ ဇုန်နဲ့ ရေဆိုးထုတ်မယ့် အစီအစဉ်ကိုလည်း ရှစ်ခုလျာထားပါတယ်။ ဒါ့အပြင် လူဦးရေ များလာတာနဲ့အမျှ အမှိုက်တွေစွန့်ပစ်တာ များလာနိုင်တဲ့အတွက်လည်း အမှိုက်စွန့်ပစ်ဖို့နေရာ နှစ်နေရာ စီစဉ်ထားပါတယ်။ plan အတိုင်းလုပ်သွားဖို့ ရှိပါတယ်”ဟု ရန်ကုန်မြို့တော်ဝန် ဦးလှမြင့်က လွှတ်တော်သို့ တင်ပြခဲ့သည်။
အလုပ်အကိုင် အခွင့်အလမ်းလိုအပ်ချက်ကြောင့် နယ်ဒေသများမှပြောင်းရွှေ့အခြေချ နေထိုင်သူများ တဖြည်းဖြည်း များပြားလာနေသည့်အတွက် အိမ်ရာ လိုအပ်ချက်များနှစ်စဉ် မြင့်တက်နေခြင်းကြောင့် နိုင်ငံ တော်က တန်ဖိုးမျှတ အိမ်ရာစီမံကိန်းများကို ဖော်ထုတ်ပေးနေသော်လည်းအိမ်ရာလိုအပ်သူများ၏ လိုအပ်ချက် ကို ပြည့်မီအောင် ဖြည့်ဆည်းမပေးနိုင်သည့်အတွက် အိမ်ခြံမြေဈေးနှုန်းများ မြင့်တက်လာသည့် နည်းတူ ငှားရမ်းခနှုန်းထားများပါ မြင့်တက်လာနေသည့်အတွက် နောက်ဆက်တွဲ ပြဿနာအနေဖြင့် ရန်ကုန်မြို့အနှံ့တွင် ကျူးကျော်နေထိုင်မှုများတဖြည်းဖြည်းတိုးပွား များပြားလျက်ရှိနေရာ ကျူးကျော်နေထိုင်သူများနှင့် အာဏာပိုင် များကြားတွင်လည်းပြဿနာများစွာ ရှိနေသည့်အတွက်ထိုသို့ဖြစ်ခြင်းကို နည်းလမ်းမျိုးစုံဖြင့်ဖြေရှင်းရန် လိုအပ်ကြောင်း အိမ်ခြံမြေလေ့လာသူများက သုံးသပ်သည်။
”ကျွန်တော်က မြေစီမံခန့်ခွဲတာဖြစ်လို့ ကျူးကျော်တွေကိစ္စ မလုပ်ဘူး။ ကျူးကျော်တွေကို ဘာလုပ်မယ် ဆိုတာ မသိဘူး။ ကျွန်တော့ အစီအစဉ်တွေထဲမှာ ကျူးကျော်နေထိုင်သူတွေနဲ့ ပတ်သက်လို့ လုပ်ကိုင် ဆောင်ရွက်ဖို့ လောလောဆယ်ဘာမှ မရှိဘူး”ဟု ဦးသန်းလွင်ဦးကဆက်လက်ပြောသည်။
Credit: thetradetimes
