ရန်ကုန်မြို့ မြို့လယ်ကောင်တွင်းရှိ ဆိုင်ခန်းဈေးနှုန်းများမြင့်တက်လာမှုကြောင့် နေရာအတည်
တကျနှင့် ဖွင့်သည့်မုန့်ဆိုင်များနေရာ တွင် ရွေ့လျားနိုင်သည့်ကားများ၊ လှည်းများ နှင့်ရောင်းချ
သည့် ရွေ့လျားဈေးဆိုင်များ အစားထိုးဝင်ရောက်လာကြောင်း ဈေးသည် များက ပြောသည်။
ရန်ကုန်မြို့၏ လမ်းမတန်းများရှိဆိုင်ခန်း အငှားဈေးကွက် ကြီးမြင့်မှုကြောင့် အစား အသောက်များ
ကို ဆိုင်ခန်းနှင့်ရောင်းချမှုထက် ရွေ့လျားဈေးဆိုင်များအဖြစ် ပြောင်းလဲဖွင့် လာကြခြင်းကြောင့်
ရွေ့လျားဈေးဆိုင် အများ အပြားကို ရန်ကုန်မြို့လမ်းမတန်းများပေါ်တွင် တွေ့မြင်လာရကြောင်း
၎င်းတို့က ပြောသည်။
"ကျွန်မလွန်ခဲ့တဲ့သုံးနှစ်လောက်ကတည်း က မြစ်ကြီးနားခေါက်ဆွဲကို ဆိုင်ခန်းငှား ရောင်းလာတာ။
အခုတော့ အခန်းငှားခ မတတ်နိုင်တော့လို့ ကားနှင့်ပဲရောင်းဖြစ် တယ်။ ဆိုင်ခန်းငှားခက အရမ်း
ဈေးကြီးတယ်" ဟု ၄၆ လမ်းရှိမြစ်ကြီးနားခေါက်ဆွဲဆိုင် ပိုင်ရှင်က ပြောသည်။
ဆိုင်ဖွင့်ရန်အတွက်လိုအပ်သည့် ကားနှင့် ပြင်ဆင်စရိတ်သည် ဆိုင်ခန်း တစ်နှစ်ငှား သည့် နှုန်းနှင့်
တူညီပြီး သွားလိုသည့်နေရာ သွားရောင်းနိုင်ကြောင်း ၎င်းကပြောသည်။ မြစ်ကြီးနားခေါက်ဆွဲဆိုင်
မှာ မနက်ပိုင်းတွင် ဗိုလ်တထောင်မြို့နယ် ၄၆ လမ်းထိပ်နှင့် ညနေဘက်တွင် မြို့တော်ခန်းမရှေ့၌
ကားပါကင်ကြေးပေး၍ ရောင်းချခြင်းဖြစ်သည်။
"ကားနဲ့ရောင်းတယ်ဆိုပေမယ့်လည်း အရင် ဆိုင်ဖွင့်ခဲ့တဲ့ နေရာနားမှာပဲ ပြန်ရောင်းတာဆိုတော့
ဖောက်သည်ကတော့ရှိပါတယ်။ မနက်ခင်းဆိုရင်လည်း ၄၆ လမ်းထိပ်မှာပဲအမြဲတမ်းရောင်းတာ
ဆိုတော့ လူသိများလာပါပြီ။ ကားနဲ့ရောင်းတာလည်း သုံးလလောက်ရှိပြီဆိုတော့ အဆင်ပြေပါ
တယ်။" ဟု မြစ်ကြီးနားခေါက်ဆွဲဆိုင်ပိုင်ရှင်က ပြောသည်။
ရွေ့လျားဈေးဆိုင်များမှာ နည်းလမ်း နှစ်မျိုးဖြင့် ရောင်းချခြင်းဖြစ်ပြီး တစ်နည်းမှာ ကားများကိုပြင်
ဆင်၍ရောင်းချခြင်းဖြစ်ကာ နောက်တစ်နည်းမှာ လှည်းများဖြင့် ရောင်းချ ခြင်း ဖြစ်သည်။
"ကျွန်တော် ဒီလိုလှည်းနဲ့ရောင်းဖို့ရွေး ဖြစ်တာကတော့ ၀ယ်ယူသူတွေ အပြင်မထွက် ဘဲ ၀ယ်နိုင်
အောင်လို့ပါ။ ပြီးတော့ သန့်သန့် ရှင်းရှင်းလည်း စားသုံးလို့ရတာပေါ့။ ကျွန်တော် လွန်ခဲ့တဲ့ သုံးနှစ်
ကတည်းက ကြံရည်ကို လှည်းနဲ့ရောင်းလာတာ" ဟု ကိုစိုးမိုးကြည်က ပြောသည်။
ရွေ့လျားဈေးဆိုင်များသည် ဆိုင်ခန်း ငှားခ သက်သာပြီး လူစည်ကားသည့် ကျောင်း နှင့်
ဈေးများရှေ့တွင်သွားရောက်ရောင်းချနိုင် သည့်အတွက် စီးပွားရေး အဆင်ပြေသော် လည်း
တစ်နေကုန် မတ်တတ်ရပ်ပြီး ရောင်းရ သည့် အတွက်ဈေးဆိုင်ဖွင့်သူများထက် ပိုမိုပင်ပန်းကြောင်း
၎င်းကပြောသည်။
ဝယ်ယူစားသုံးသူများကလည်း ရွေ့လျား ဈေးဆိုင်များက လူကိုသက်သာစေပြီးအဆင်ပြေကြောင်း
ပြောသည်။
"ကားနဲ့ရောင်းတဲ့ ဟမ်ဘာဂါစားရတာကို ကျွန်မအရမ်းကြိုက်တယ်။ ဟမ်ဘာဂါက ဆိုင်ကအရသာ
နဲ့ မကွာဘူး။ ပြီးတော့ လမ်းသွားနေရင်းတွေ့ရင် ၀ယ်စားလို့ရတယ်။ ဆိုင်ကို တကူးတကသွားဝယ်
ဖို့မလိုတော့ဘူး ဟု" ၂၂ နှစ်အရွယ် တက္ကသိုလ်ကျောင်းသူ မစုမြတ်က ပြောသည်။
ရွေ့လျားဈေးဆိုင်ဆိုသည့်အတိုင်း တစ် နေရာတည်းတွင် အတည်တကျရောင်းချခြင်း မျိုးမဟုတ်
သည့်အတွက် နောက်တစ်ကြိမ် စားချင်လျှင် အဆင်မပြေမှုများရှိသော်လည်း ကားနှင့် ရောင်းချ
သည့် ဟမ်ဘာဂါမှာအရသာရှိပြီး သန့်ရှင်းကြောင်း ၎င်းက ပြောသည်။ ကားနှင့်ရောင်းရသည့်
အတွက် ထိုင်ပြီး စားသောက်ရန် နေရာအခက်အခဲရှိသဖြင့် စားသောက်ဆိုင်ကို ပိုနှစ်သက်ကြ
သူများ လည်းရှိကြောင်း စားသုံးသူတစ်ဦးက ပြောသည်။
"ကားနဲ့ရောင်းတဲ့မုန့်တွေကို ကြိုက်ပေမယ့်လည်း ထိုင်ဖို့နေရာကမရှိဘူး။ ဆိုင်မှာ သွားစားမယ်
ဆိုရင် သူငယ်ချင်းတွေနဲ့ အေး အေးဆေးဆေး စကားပြောပြီး စားလို့ ရတယ်" ဟု ၂၃ နှစ်အရွယ်
ကုမ္ပဏီဝန်ထမ်း မအိမွန်ထွေးက ပြောသည်။ ကားနှင့်ရောင်းသည့်အတွက် ရန်ကုန် မြို့တော်စည်
ပင်သာယာရေးနှင့် ဖွံ့ဖြိုးရေး ကော်မတီသို့ပေးရသည့် လိုင်စင်ကြေးသည် ဆိုင်ခန်းဖွင့်သည့်လိုင်စင်
ကြေးနှင့် အတူတူ ဖြစ်ပြီး ကားပါကင်ကြေးနှင့် ကားအတွက်ညအိပ်ခွန်ကိုပါ ပေးဆောင်ရသည်ဟု
မြစ်ကြီး နား ခေါက်ဆွဲဆိုင်ပိုင်ရှင်က ပြောသည်။
"အခုလက်ရှိတော့ ကားနဲ့ရောင်းရတာ အဆင်ပြေတယ်။ စားသောက်ဆိုင်ထက်ပိုပြီး တော့
ကောင်းတယ်။ စားသုံးသူတွေကလည်း တဖြည်းဖြည်းနဲ့ ပိုသိလာကြတော့ ဖောက် သည်လည်း
ပိုရလာတယ်" ဟု ၎င်းက ပြောသည်။
Credit: Myanmar Times
