ရန်ကုန်မြို့ အနောက်ဘက်တွင် ဧက သုံးသောင်းခန့် ကျယ်ဝန်းမည့် မြို့သစ်စီမံကိန်းကို ကျပ် ဘီလီယံ ခုနစ်ထောင်ကျော် နှင့် အမေရိကန်ဒေါ်လာ ရှစ်ဘီလီယံ (စုစုပေါင်း ဒေါ်လာ ၁၅ ဘီလီယံဝန်းကျင်) အကုန်အကျခံ တည် ဆောက်သွားမည်ဖြစ်ကြောင်း ရန်ကုန်တိုင်းဒေသကြီး အစိုးရ အဖွဲ့က ပြောကြားလိုက်သည်။
ရန်ကုန်မြို့၏ အနောက်ဘက်တွင် ရှိသော ပန်းလှိုင်မြစ်နှင့် တွံတေးတူးမြောင်းကြား၊ လှိုင်မြစ် နှင့် လှိုင်သာယာ တွံတေးကားလမ်းကြား မြေနေရာများကို မြို့သစ် တည်ဆောက်ရန် လျာထားကြောင်း သြဂုတ် ၂၂ ရက်တွင် ပြုလုပ်သော ရန်ကုန်တိုင်းဒေသကြီး လွှတ်တော်သို့ တိုင်းဒေသကြီးအစိုးရအဖွဲ့က သ၀ဏ်လွှာပေးပို့ခဲ့သည်။
အကျယ်အ၀န်းမြေဧရိယာ ခန့်မှန်းဧက သုံးသောင်းရှိမည့် ရန်ကုန်မြို့သစ်စီမံကိန်းကို မြန်မာ့စေတနာမြို့သစ် အများပိုင်ကုမ္ပဏီလီမိတက်က တာဝန်ယူ ဆောက်လုပ်မည်ဖြစ်ကာ ရင်းနှီး မြှုပ်နှံမှုပမာဏမှာ ကျပ်ဘီလီယံ ခုနစ်ထောင်နှင့် အမေရိကန်ဒေါ်လာ ရှစ်ဘီလီယံရှိမည်ဖြစ်သည်။ စီမံကိန်းကာလကို သုံးနှစ်အတွင်း ၇၀ ရာခိုင်နှုန်းပြီးစီးအောင် ဆောင်ရွက်မည်ဟု ရန်ကုန်တိုင်းဒေသကြီး မြို့တော်ဝန် ဦးလှမြင့်က သ၀ဏ်လွှာကို ဖတ်ကြားရာတွင် ထည့်သွင်းပြောကြားခဲ့သည်။
အဆိုပါစီမံကိန်းတွင် အဆင့်မြင့်တန်ဖိုးနည်း အခန်းပေါင်း နှစ်သောင်း၊ မိဘမဲ့ကလေးနှစ်ထောင်ဆံ့ အဆင့်မြင့်ကျောင်းတစ်ကျောင်း၊ အဘိုးအဘွားနှစ်ထောင်ဆံ့ အဆင့်မြင့်ရိပ်သာတစ်ခုနှင့် ဖြတ်သန်းခ တံတားကြေးကောက်ခံမည့် ခြောက်လမ်းသွား မြစ်ကူးတံတားငါးစင်းတို့လည်း ပါဝင်မည်ဟု မြို့တော်ဝန်က ဆိုသည်။
‘‘မြို့ပြစီမံကိန်းသစ်ကို လွှတ်တော်ကိုယ်စားလှယ်တွေက အခုမှ သိရတာ။ အမှန်က သ၀ဏ်လွှာကို တင်မယ် လွှတ်တော်က မှတ်တမ်းတင်မယ်။ ပြီးရင် ဒီသ၀ဏ်လွှာပေါ်မှာ လွှတ်တော်က ဆွေး နွေးရမှာ’’ဟု ရန်ကုန်တိုင်းဒေသကြီး လွှတ်တော်ကိုယ်စားလှယ် ဒေါက်တာ ဒေါ်ညိုညိုသင်းက ဆိုသည်။ အဆိုပါ စီမံကိန်းသည် ရန်ကုန်မြို့အတွက် အရေးကြီးသည့် စီမံကိန်းဖြစ်သည့်အတွက် အစိုးရအဖွဲ့အနေဖြင့် သတင်း ပေါက်ကြားမည်ကို စိုးရိမ်ပြီး တိတ်တဆိတ်ကျိတ်လုပ်၍ မရကြောင်း တိုင်းဒေသကြီးလွှတ်တော်ကိုယ်စားလှယ် ဒေါက်တာဒေါ်ညိုညိုသင်းက ထောက်ပြခဲ့သည်။
ရန်ကုန်မြို့သစ်စီမံကိန်းကို လွှတ်တော်အစည်းအဝေး ရောက်မှသာ သိရှိရခြင်းဖြစ်ပြီး စီမံကိန်း နှင့်ပတ်သက်ပြီး အစိုးရအဖွဲ့မှ ပွင့်လင်းမြင်သာမှုရှိရန် လိုအပ်ကာ စီမံကိန်းကြောင့် ပြည်သူများ အကျိုးဖြစ်၊ မဖြစ်ကို လွှတ်တော်တွင် ဆွေးနွေးရန်လိုအပ်ကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ်တစ်ဦးဖြစ်သူ ဦးကျော်ကလည်း ပြောသည်။
ရန်ကုန်မြို့ပြ စီမံကိန်းအကောင်အထည်ဖော်ရန် ကြိုတင် ပြင်ဆင်မှုများပြုလုပ်ရာတွင် မလိုလားအပ်သည့် ရှုပ်ထွေးမှုများပေါ် ပေါက်နိုင်သဖြင့် စီမံကိန်းသတင်း လုံခြုံမှုကို ကန့်သတ်ခဲ့ရခြင်း ဖြစ်သည်ဟု မြို့တော်ဝန် ဦးလှမြင့်က လွှတ်တော်သို့ တင်ပြသည်။
‘‘ဒီလို တိတ်တဆိတ်လုပ်ပြီး ခုမှ လွှတ်တော်မှာ ဘွားခနဲကြီး လွှတ်တော်ကိုယ်စားလှယ်တွေကို ချပြခြင်းဟာ သွားနေတဲ့ဒီမိုကရေ စီစံနှုန်းတွေနဲ့ မညီဘူးပေါ့’’ဟု ဒေါက်တာ ဒေါ်ညိုညိုသင်းက ဆို သည်။ ပြည်ထောင်စုအစိုးရပင် ယင်းတို့ လုပ်ဆောင်မည့် လုပ်ငန်းများကို ပြည်ထောင်စုလွှတ်တော် ၏ သဘောတူညီချက်ကို ရယူရန် လွှတ်တော်သို့ အကြောင်းကြားရပြီး လွှတ်တော်ကိုယ်စားလှယ်များက အစိုးရအဖွဲ့၏အကြောင်းကြားလာမှုအပေါ် ဆွေးနွေးမှုများပြု လုပ်ရကြောင်း အမျိုးသားလွှတ်တော်ကိုယ်စားလှယ်တစ်ဦးဖြစ်သူ ဦးအုန်းတင်က ဆိုသည်။
လက်ရှိ ရန်ကုန်မြို့တွင်းပိုင်းတွင် အဆင့်နိမ့်ရပ်ကွက်များရှိနေ ပြီး ယင်းနေရာများကို အဆင့်မြင့် တင်ခြင်းများပြုလုပ်ရန် လိုအပ်ကြောင်း လူဦးရေထူထပ်သည်ဆို သော်လည်း ရန်ကုန်မြို့တွင်းမှာ ပင် မြေနေရာများစွာရှိနေသည့် အတွက် ယင်းတို့ကို အသုံးချသင့်ကြောင်း မြို့ပြစီမံကိန်းပညာရှင်တစ်ဦးဖြစ်သူ ဦးဝင်းမြင့်က ပြောသည်။
‘‘တကယ်လို့ အပြင်ကို ချဲ့ ထုတ်မယ်ဆိုရင်လည်း အခြေခံအ ဆောက်အအုံတွေ လိုက်နိုင်ဖို့လို တယ်။ ဘက်စ်ကားတွေ၊ မီးရထားတွေ ပြေးနိုင်ဖို့လိုမယ်။ စီမံ ခန့်ခွဲမှုမကောင်းရင်တော့ အဲဒီ နေရာတွေ ချဲ့လိုက်ရင် ရန်ကုန်က ရွာတန်းရှည်ကြီးလို ဖြစ်သွားလိမ့်မယ်’’ဟု ဦးဝင်းမြင့်က ထောက်ပြ ပြောကြားသည်။
မြို့ပြသစ်စီမံကိန်းကြောင့် အိမ်ခြံမြေဈေးကွက် လှုပ်ရှားမှု များရှိလာမည်ဖြစ်ပြီး အိမ်ခြံမြေ အသိုင်းအ၀ိုင်းမှ သတင်းကြိုရ ထားသူများသည် မြေများကြိုစုထားကြကြောင်း စိုင်းခွန်နောင် အိမ်ခြံမြေအကျိုးဆောင်ကုမ္ပဏီ မှ မန်နေဂျင်းဒါရိုက်တာ ဦးစိုင်းခွန်နောင်က ပြောသည်။
စီမံကိန်းလုပ်ဆောင်မည့် နေရာများသည် မြေအမျိုးအစား အမျိုးမျိုးပါဝင်ပြီး လယ်မြေများ လည်း ပါဝင်ကြောင်း၊ မြေသိမ်း ဆည်းမှုကိစ္စကို ကုမ္ပဏီက လုံးဝ တာဝန်ယူ ညှိနှိုင်းဖြေရှင်းပေးပြီး စီမံကိန်းဆောင်ရွက်ရာတွင် လူ လေးသိန်းခန့် အလုပ်အကိုင်အ ခွင့်အလမ်းများလည်း ရရှိမည်ဟု ရန်ကုန်မြို့တော်ဝန်က လွှတ် တော်သို့ တင်ပြခဲ့သည်။
ရန်ကုန်မြို့သစ် မြို့ပြစီမံကိန်းအတွက် မြို့မြေအဖြစ် သတ်မှတ်သည့် အမိန့်ကြော်ငြာစာ ထုတ်ပြန်နိုင်ရေးကို တည်ဆဲ ဥပဒေ၊ နည်းဥပဒေများ၊ လုပ်ထုံး လုပ်နည်းများနှင့်အညီ ဆောင်ရွက်နေကြောင်း မြို့တော်ဝန်က လွှတ်တော်သို့ အသိပေးခဲ့သည်။
Credit: 7 Day Daily
