မြန်မာနိုင်ငံအတွင်း ဖော်ဆောင်လျက်ရှိသည့် အထူးစီးပွားရေးဇုန်သုံးခုတွင် အာမခံလုပ်ငန်းများ စတင်လုပ်ကိုင်ခွင့်ပြုသွားရန် စီစဉ်လျက်ရှိကြောင်းကို မြန်မာ့အာမခံ ကြီးကြပ်ရေးအဖွဲ့မှ တာဝန်ရှိသူတစ်ဦး၏ ပြောပြချက်အရ သိရသည်။
ပုဂ္ဂလိက အာမခံကုမ္ပဏီများတွင် အာမခံလုပ်ငန်းများ လုပ်ကိုင်ခွင့်ပြုခြင်းသည် ပြည်တွင်း၌ အဆိုပါကုမ္ပဏီများ အခြေကျခိုင်မာစေရန် ရည်ရွယ်၍ အထူးစီးပွားရေးဇုန်များ၌ အာမခံလုပ်ငန်းများ လုပ်ကိုင်ခွင့်ပြုခြင်းဖြစ်ပြီး၊ နိုင်ငံခြားအာမခံကုမ္ပဏီများ အနေဖြင့်လည်း ချမှတ်ထားသော စည်းကမ်းချက်များနှင့် ကိုက်ညီမှုရှိပါက အဆိုပါ စီးပွားရေးဇုန်များတွင် အာမခံလုပ်ငန်းများ လုပ်ကိုင်ခွင့်ပြုသွားမည်ဖြစ်ကြောင်း သိရသည်။ ယခုလက်ရှိတွင် စီးပွားရေးဇုန်သုံးခု၌ အာမခံလုပ်ငန်းများ လုပ်ကိုင်ခွင့်ပြုရန် စီစဉ်လျက်ရှိပြီး စည်းကမ်းသတ်မှတ်ချက်များကို အတည်တကျ ဆုံးဖြတ်ချက်မချမှတ်ရသေးကြောင်း သိရသည်။
အာမခံလုပ်ငန်းတွင် နိုင်ငံခြားအာမခံ ကုမ္ပဏီများကို မြန်မာနိုင်ငံအတွင်း လုပ်ငန်းလုပ်ကိုင်ခွင့် မပြုသေးသော်လည်း ဌာနကိုယ်စားလှယ် ရုံးခွဲများဖွင့်လှစ်ရန် ခွင့်ပြုထားကြောင်းနှင့် ယင်းသို့လုပ်ကိုင်ခွင့်ပြုရာတွင် အချိန်ကာလအားဖြင့် မည့်သည့်အချိန်တွင် လုပ်ကိုင်ခွင့်ပြုမည်ကို အတိအကျ မပြောနိုင်သေးကြောင်း သိရသည်။ ယင်းသို့ ဖွင့်လှစ်ခွင့်ပြုထားခြင်းနှင့် ပတ်သက်၍ အထူးစီးပွားရေးဇုန်များ၌ နိုင်ငံခြားအာမခံလုပ်ငန်းများ လုပ်ကိုင်ခွင့်ပြုခြင်းသည် ပထမဆုံးဖြစ်လာမည်ဖြစ်ပြီး မြန်မာနိုင်ငံ၌ လုပ်ဆောင်လျက်ရှိသော သီလ၀ါအထူးစီးပွားရေးဇုန်၊ ကျောက်ဖြူအထူးစီးပွားရေးဇုန်နှင့် ထားဝယ်စီးပွားရေးဇုန်သုံးခု၌ အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။
ပြည်တွင်းပုဂ္ဂလိ အာမခံကုမ္ပဏီများကို မြန်မာ့အာမခံလုပ်ငန်းမှ ၂၀၁၃ ခုနှစ်မှစတင်ကာ လုပ်ငန်းလိုင်စင်များ စတင်ချထားပေးခဲ့ပြီး ၎င်းပုဂ္ဂလိက အာမခံကုမ္ပဏီများတွင် အသက်အာမခံ၊ မီးအာမခံ၊ ငွေပို့ငွေလွှဲအာမခံ၊ ငွေသားလုံခြုံမှုအာမခံ၊ သမာဓိအာမခံနှင့် အလုံးစုံမော်တော်ယာဉ် အာမခံတို့ကို လုပ်ကိုင်ခွင့်ပြုခဲ့ပြီး ၂၀၁၄ ခုနှစ်မေတွင် အထူးခရီးသွား အာမခံလုပ်ငန်းကို ထပ်မံလုပ်ကိုင်ခွင့်ပြုခဲ့ကြောင်း သိရသည်။
ပြည်တွင်းရှိ အာမခံကုမ္ပဏီများသည် မြန်မာ့အာမခံ ကြီးကြပ်ရေးအဖွဲ့နှင့် ပြည်တွင်းပုဂ္ဂလိက အာမခံကုမ္ပဏီ ၁၁ ခု စုစုပေါင်း ၁၂ ခုနှင့် အာမခံလုပ်ငန်းများကို လုပ်ကိုင်လျက်ရှိပြီး ပြည်တွင်းပုဂ္ဂလိက အာမခံကုမ္ပဏီတွင် အာမခံလုပ်ငန်း ခုနစ်မျိုးသာ လုပ်ကိုင်ခွင့်ပြုထားကြောင်း သိရသည်။
Credit : Eleven Daily News
