ဟောင်ကောင်တွင် ပုံမှန် တိုက်ခန်းငှားခ မတတ်နိုင်သူ များသည် တိုက်ခေါင်မိုးများပေါ်တွင် ဆောက်လုပ်ထားသော အခန်းငယ်လေးများကို ငှားရမ်းနေထိုင်ကြရရာ ထိုသို့ နေထိုင်ခြင်းသည် တိုင်ဖွန်း မုန်တိုင်း အန္တရာယ်နှင့် ပူပြင်းသော နွေရာသီအပူချိန် အန္တရာယ်တို့ ရှိသဖြင့် တိုက်ခေါင်မိုးပေါ်က အခန်းငယ်လေးများကို ဟောင်ကောင် အုပ်ချုပ်သူများက ဖယ်ရှားတော့မည် ဖြစ်ကြောင်း သိရသည်။ တိုက်ခေါင်မိုးပေါ်က ဖြစ်သလို ဆောက်ထားသော အခန်းငယ်လေးများသည် မလုံခြုံမှန်းသိသော်လည်း အခြားနေစရာ မရှိသဖြင့် နေကြရခြင်း ဖြစ်ကြောင်းနေထိုင်သူများဘက်ကပြောသည်။ ဟောင်ကောင် တွင် အဆင့်မြင့်မြင့် တိုက်ခန်းတစ်ခန်းလျှင် ဒေါ်လာသန်း (၅၀) နီးပါး ထိ ပေါက်ဈေးရှိ နေသည်။ ပုံမှန် တိုက်ခန်းငှားခ က သိပ်ဈေးကြီးတယ်။ ကျွန်မတို့ ၀င်ငွေနဲ့ ဘယ်လိုမှ အလှမ်းမမီဘူး ဟု အထပ်မြင့် တိုက်တစ်လုံး၏ ခေါင်မိုးပြင်ပေါ်တွင် အခန်းနှစ်ခန်း ပါသော တဲအိမ် သာသာလေးကို ငှားရမ်းနေထိုင်ရ သည့် ဆူရှင်ယန်ဆိုသူက ပြောသည်။ ထိုခေါင်မိုးအိမ်လေးတွင် သူတို့ မိသားစု နေထိုင်လာသည်မှာ နှစ်ပေါင်း (၂၀) ရှိသွားပြီ။
သူတို့မိသားစုက လေးယောက်ရှိသည်။ ၊တို့နေထိုင်ရာ ရှမ်ရှူပို စီးပွားရေး ရပ်ကွက်ရှိ ဆယ်ထပ်တိုက်၏ ခေါင်မိုးပေါ်တွင် အလားတူ အခန်း ငယ်လေးပေါင်း (၁၀) ခုခန့် ရှိပြီး မိသားစု ဆယ်ခုခန့် ပြုံတိုး နေထိုင်ကြရသည်။ ၎င်းတို့နေထိုင်ရာ ခေါင်မိုး ပေါ် အခန်းငယ်လေးများသည် ဖျက်သိမ်းမည့် စာရင်းထဲတွင် ပါဝင်နေသည်။ အစိုးရက ချပေးမည့် အိမ်ခန်းအတွက် စာရင်းပေးထားသည်မှာ နှစ်ပေါင်းများစွာ ကြာနေပြီဖြစ် သော်လည်း မထူးခြားသေး ဟု ၎င်းက ပြောသည်။
တိုင်ဖွန်း မုန်တိုင်း ကျချိန်ဆို သွပ်မိုးက တဗျန်းဗျန်း ရိုက်နေတယ်။ သုံးထပ်သား အကာက တချပ်ချပ် ရိုက်နေတယ်။ လေထဲ ဘယ်အချိန် လွင့်ပါသွားမလဲ ကြောက်လန့် နေရတယ် ဟု ဆူက ပြောသည်။ လွတ်လပ်မှုလည်း မရှိဘူး။ နှစ်ခန်းအနက် တစ်ခန်းကို မီးဖိုချောင်အဖြစ် သုံးထားရသလို ထိုအခန်းထောင့်မှာပင် အိမ်သာလည်းရှိသလို ရေချိုးရန် ဘုံဘိုင်ခေါင်းလည်း ရှိသည်။ ထိုနေရာမှာပင် ချက်ပြုတ်လျှော်ဖွတ် စားသောက်ရသည်။
ပုံမှန် တိုက်ခန်းတစ်ခန်းကို တစ်ခြား မိသားတစ်စုနဲ့ပေါင်းပြီး နေမယ်ဆိုရင်တောင် စပေါ်၊ ပွဲစားခနဲ့ လခ ပေါင်းလိုက်ရင် ပထမဆုံးလ မှာတင် ဟောင်ကောင်ဒေါ်လာ တစ်သောင်းလောက်ကျတယ်။ ဈေးတော်တော်ကြီးပါတယ်။ တော်ရုံမိသားစုတွေ ဘယ်တတ်နိုင်တော့မလဲ ဟု ဆူက ပြောသည်။ ခေါင်မိုးအိမ် အများစုမှာ ၁၉၅၀ ပြည့်နှစ်များက ဟောင်ကောင်သို့ တရုတ်ပြည်မကြီးမှ ကူးပြောင်းလာသူ အများအပြား ၀င်ရောက်လာချိန်တွင် စတင်ပေါ် ပေါက်လာခြင်း ဖြစ်သည်။ ခေါင်မိုး အိမ်ပေါင်း မည်မျှရှိကြောင်း စာရင်းအတိအကျ မရှိသော်လည်း ပျမ်းမျှ (၁၇၀၀၀၀) ခန့်ရှိမည်ဟု အကြမ်းဖျင်းခန့် မှန်း ထားသည်။
Credit: The Messenger
