စားကျက်မြေ ကျူးကျော်များမှ တရားစွဲဆိုခြင်းကို မျှတစွာ မဖြေရှင်းပေးပါက သက်ဆိုင်ရာသို့ တရားစွဲမည်

တိုက်ကြီးမြို့ စားကျက်မြေတွင် ကျူးကျော်နေထိုင်သူများက ဒိုက်အင်းရွာ တောင်သူများအား တရားစွဲဆိုခဲ့ခြင်းနှင့် ပတ်သက်၍ မျှတစွာ မဖြေရှင်းပေးပါက သက်ဆိုင်ရာ ပုဂ်္ဂိုလ်များကို တရားစွဲဆို သွားမည် ဖြစ်ကြောင်း တောင်သူများ က ပြောသည်။

ပထမအကြိမ် ရုံးချိန်းကို ဇူလိုင်လ (၁၆) ရက်နေ့တွင် ဆင့်ခေါ်ထားကြောင်း သိရသည်။ ရုံးချိန်းမှာ ဥပဒေအရ တရားမျှတစွာ မဆောင်ရွက် ပေးရင် မြို့နယ်အုပ်ချုပ် ရေးမှူးနဲ့ မြေတိုင်းစာရေးတို့ကို တာဝန်ပျက် ကွက်မှုနဲ့ တောင်သူတွေက တရားစွဲသွားမှာပါ ဟု အဆိုပါ အမှု ကိစ္စများကို လိုက်လံ ဆောင်ရွက်ပေးနေသူ တ.စ.ည ပါတီဗဟို ကော်မတီဝင်နှင့် တိုက်ကြီးမြို့နယ် ပါတီ ဥက္ကဋ္ဌ ဦးမြင့်သိန်းက The Messenger Media သို့ပြောသည်။

ဇူလိုင်လ (၁၃) ရက်နေ့တွင် တောင်သူများအား တရားစွဲဆိုထားသော တရားလိုများ ကတ.စ.ည ပါတီရုံးသို့ သွားရောက်၍ မိမိတို့သည် စားကျက်မြေတွင် ကျူးကျော်ခဲ့ မိကြောင်း၊ နွားများဝင်စား၍ တိုင်ပင်သင့်သည့် သူများအား သွားရောက် တိုင်ပင်ရာတွင် အမှုဖွင့်ခိုင်းခဲ့ကြောင်း၊ သို့သော် ကုန်ကျစရိတ်များ သဖြင့် အမှုပြန်ပိတ်ကာ ယခင်ကကဲ့သို့ အသီးအနှံ ပြန်လည် စိုက်ပျိုးခွင့်ရ လိုကြောင်းနှင့် ဒေသခံ ပြည်သူများနှင့် ပြန်လည်အဆင်ပြေ လိုကြောင်း လာရောက် ပြောကြားခဲ့သည်ဟု ဦးမြင့်သိန်း ကပြောသည်။

အဆိုပါ စားကျက်မြေပေါ်တွင် စိုက်ခင်းများအပြင် အိမ်ငါးလုံး ဆောက်လုပ်ထားကြောင်း စားကျက်မြေမှ ကျူးကျော်များ၏ တရားစွဲဆို ခံထားရသော တောင်သူ ဦးမြင့်ကြိုင်ထွန်းက The Messenger Media သို့ပြောသည်။ အရင် ဆန္ဒပြပွဲတုန်းက တချို့မီဒီယာ တွေကတောင်သူတွေဘက် ကိုတစ်ခြမ်းပဲမေး သွားပြီး ရေးကြတယ်။ ဒီဒေသက လူတွေနဲ့ အဖွဲ့အစည်းတွေကြားထဲမှာ နားလည်မှုလွဲ သွားကြတာပါ။ ကျွန်တော်အနေ နဲ့က ဒေသခံ အချင်းချင်း အရင်လို ပြေလည်ချင်ပါတယ် ဟု ကျူးကျော်မြေမှ ဦးအောင်မြင့်ဦး က The Messenger Media သို့ပြောသည်။

အဆိုပါ အငြင်းပွားမှုများနှင့် ပတ်သတ်၍ စားကျက်မြေကို ယခင်စားကျက်မြေ အတိုင်းသာ ပြန်လည်ထားရှိရမည်ဟု တိုက်ကြီးမြို့နယ် မြေစာ ရင်း ဦးစီးဌာနမှ ဦးစီး အရာရှိ ဦးသန်းဝင်းက ပြောသည်။ ဒိုက်အင်းရွာ တောင်သူများအား ပုဒ်မ ၄၂၇ (အကျိုးပျက် စီးမှု) ဖြင့် ယခင်လ က ကျူးကျော်များ က တရားစွဲဆိုထားခြင်းဖြစ်ပြီး၊ ဇူလိုင်လ (၃) ရက်နေ့တွင် တောင်သူများကလည်း လူ (၇၀) ခန့်ဖြင့် ဆန္ဒထုတ်ဖော်ခဲ့ကြောင်း သိရသည်။

Credit: The Messenger