မြန်မာနိုင်ငံတွင် နိုင်ငံ ခြားသားနေထိုင်ခွင့်ကာလကို ပိုမို တိုးမြှင့်ပေးလိုက်ပါက အိမ်ခြံမြေ အငှားဈေးကွက် ပိုကောင်းလာ နိုင်ကြောင်း အိမ်ခြံမြေ အကျိုး ဆောင်များက သုံးသပ်ပြောကြား သည်။
လက်ရှိတွင် ပြည်ပနိုင်ငံ သားများ မြန်မာနိုင်ငံတွင် ကာလ ရှည် နေထိုင်ခွင့်ရရေးအတွက် ယခင်သတ်မှတ်ထားသည့် ကာလထက် ငါးနှစ်အထိ တိုးမြှင့်ပေး သွားရန် စီစဉ်နေကြောင်း ယနေ့ ထုတ်နိုင်ငံပိုင်သတင်းစာများတွင် ဖော်ပြထားသည်။
ထို့ကြောင့် ယင်းအစီအစဉ် အမှန်တကယ်ဖြစ်ပေါ်လာပါက ကွန်ဒိုနှင့် စိတ်ငြိမ်ရပ်ကွက်များ၏ ငှားရမ်းမှုနှုန်းများစွာ မြင့်တက် သွားနိုင်ကြောင်း စိုင်းခွန်နောင် အိမ်ခြံမြေအကျိုးဆောင်လုပ်ငန်း မန်နေဂျင်းဒါရိုက်တာ ဦးစိုင်းခွန်နောင်ကပြောသည်။
‘‘တကယ် နေထိုင်ခွင့်ပေး မယ်ဆိုရင်တော့ အငှားတွေ အ ရမ်းတိုးတက်လာနိုင်တယ်’’ ဟု ဦးစိုင်းခွန်နောင်ကဆိုသည်။
လက်ရှိတွင် ရန်ကုန်၌ နိုင်ငံ ခြားသားအများစုမှာ လုံခြုံရေး အကောင်းဆုံးနှင့် ၀န်ဆောင်မှု ပြည့်ဝသည့် တန်ဖိုးကြီး ကွန်ဒို များတွင် အဓိကရွေးချယ်ငှားရမ်း နေထိုင်နေကြသည်ဟု မြမြင့်မိုရ် အိမ်ခြံမြေ လုပ်ငန်းရှင်က ဆို သည်။ ရန်ကုန်ရှိ နာမည်ကြီးကွန်ဒို များဖြစ်သည့် ယောမင်းကြီးကွန်ဒို၊ ရွှေဟင်္သာဟကွန်ဒိုများတွင် ဂျပန်၊ တရုတ်၊ စင်ကာပူအစရှိသော လူမျိုးများအများဆုံး ငှားရမ်းနေထိုင်ကြပြီး ငှားရမ်းနှုန်းထားများအဖြစ် အနည်းဆုံး ဒေါ်လာ ၁၅၀၀ မှ အများဆုံး ၄၅၀၀ အထိ ဈေးပေးပြီး ငှားရမ်းနေထိုင်ကြကြောင်း အိမ်ခြံမြေလုပ်ငန်းရှင် များကဆိုသည်။
လက်ရှိ ပြည်တွင်းအိမ်ခြံ မြေဈေးကွက်တွင် ၀ါတွင်းကာလ ဖြစ်နေသည့်အပြင် ပြီးခဲ့သည့် ၂၀၁၃ အောက်တိုဘာလက စတင်သတ်မှတ်လိုက်သည့် စံ သတ်မှတ်နှုန်းထားများမှာ လိုက် လျောညီထွေမရှိတော့သဖြင့် ဌာနက ပြန်လည်ပြင်ဆင်သတ်မှတ် မည်ဆိုခြင်းကြောင့် အရောင်းအ ၀ယ်ရော၊ အငှားဈေးကွက်ပါ အေးစက်နေကြောင်း အိမ်ခြံမြေ ဈေးကွက်မှ စုံစမ်းသိရှိရသည်။
ထို့အပြင်ဝင်ငွေရလမ်း မ ဖော်ပြနိုင်သည့် ငွေမည်းများဖြင့် ပေးဆောင်ရမည့် အခွန်နှုန်းထား များကို ပြည်ထောင်စုလွှတ်တော် က ပြင်ဆင်သတ်မှတ်ပြဋ္ဌာန်း လိုက်သဖြင့် အမှန်တကယ်နေ ထိုင်သူများထက်ဈေးကစားလိုသူ များ ဈေးကွက်တွင် နည်းပါးသွား ကြောင်း သိရသည်။
Credit: 7Day Daily
