ဆာကူရာတာဝါမှ အခန်းငှားခများ တိုးတောင်းပြီးနောက် ရန်ကုန်မြို့လယ် ရုံးခန်းငှားခ ကမ္ဘာ့အဆင့်(၃)အထိ မြင့်မားလာ

ဆာကူရာတာဝါမှ ရုံးခန်းငှားရမ်းခများကို ထပ်မံတိုးတောင်းလာပြီးနောက် ယင်းနှုန်းထားများအရ ဆိုပါက ရန်ကုန်မြို့လယ်၏ ရုံးခန်းငှားရမ်းခများမှာ ကမ္ဘာ့မြို့ကြီးများ၏ ရုံးခန်းငှားရမ်းခများဖြင့် နှိုင်းယှဉ်လျှင် ကမ္ဘာ့အဆင့်သုံးအထိ မြင့်မားလာကြောင်း ငှားရမ်းထားသူ လုပ်ငန်းရှင်များက တွက်ချက်ပြောကြားခဲ့သည်။

၂ဝ၁၂ ခုနှစ်က ဆာကူရာတာဝါ၏ ရုံးခန်းတစ်လငှားရမ်းခ နှုန်းထားမှာ တစ်စတုရန်းမီတာလျှင် အနည်းဆုံး အမေရိကန်ဒေါ်လာ ၄ဝ အထိရှိရာမှ ၂ဝ၁၃ ခုနှစ်တွင် အမေရိကန်ဒေါ်လာ ၈ဝ အထိ တိုးမြှင့်တောင်းခံခဲ့သည်။

တစ်စတုရန်းမီတာ အမေရိကန်ဒေါ်လာ ၈ဝ ဆိုသည်မှာ အနည်းဆုံးနှုန်းထားဖြစ်ပြီး ပထမအလွှာဆိုလျှင် တစ်စတုရန်းမီတာ အမေရိကန်ဒေါ်လာ ၁၂ဝ အထိ ပေးရကြောင်းလည်း သိရသည်။

ယခုထပ်မံ၍ ငှားရမ်းခများအား နောက်ထပ် ၅ ရာခိုင်နှုန်းအထိ ထပ်မံတိုးမြှင့် တောင်းခံလာကြောင်း၊ ထို့အတွက် ဆကူရာတာဝါ၏ ရုံးခန်းတစ်လ ငှားရမ်းခသည် တစ်စတုရန်းမီတာလျှင် အနည်းဆုံး ၈၄ ဒေါ်လာမှ အများဆုံး ၁၂၆ ဒေါ်လာအထိ မြင့်တက်သွားမည်ဖြစ်သည်။

တစ်စတုရန်းမီတာလျှင် တစ်နှစ်ငှားရမ်းခ အနေဖြင့် အနည်းဆုံး ၁ဝဝ၈ ဒေါ်လာမှ အများဆုံး ၁၅၁၂ ဒေါ်လာအထိ ထပ်မံမြင့်တက်လာမည်ဖြစ်ကြောင်း ငှားရမ်းထားသည့် လုပ်ငန်းရှင်များက ပြောကြားသည်။

ဒေါ်လာ ၁၅၁၂ အထိ မြင့်တက်လာမည်ဆိုပါက ရန်ကုန်မြို့လယ်ရှိ ရုံးခန်းငှားရမ်းခ ဈေးနှုန်းကြီးမြင့်မှုမှာ ကမ္ဘာ့အဆင့်သုံးအထိ မြင့်တက်လာမည်ဖြစ်သည်။

ရန်ကုန်မြို့လယ်ရှိ ဆာကူရာတာဝါ၏ ရုံးခန်းငှားရမ်းခနှင့် Cushman & Wakefield Research မှ ထုတ်ပြန်ထားသည့် စင်ကာပူ၊ ဂျကာတာ၊ ဟိုချီမင်း၊ ကွာလာလမ်ပူ၊ ဘန်ကောက်၊ မနီလာမြို့များရှိ Central Business District နေရာများ၏ ငှားခများနှင့် နှိုင်းယှဉ်လျှင်လည်း ဆာကူရာတာဝါ၏ ရုံးခန်းငှားရမ်းခမှာ အမြင့်မားဆုံးဖြစ်ကြောင်း၊ ဘန်ကောက်မြို့ထက် သုံးဆမှ လေးဆကျော်အထိ ပိုမိုမြင့်မားလျက်ရှိကြောင်း . . . . .

Cushman & Wakefield Research မှ ၂ဝ၁၄ ခုနှစ်အတွင်း ရုံးခန်းငှားရမ်းခဈေး အမြင့်ဆုံး ကမ္ဘာ့မြို့ကြီး ၁ဝ မြို့ကို ထုတ်ပြန်ထားရာ လန်ဒန် (West End) ၌ တစ်စတုရန်းမီတာလျှင် တစ်နှစ်ငှားရမ်းခ ၂၁၂၂ ယူရို (အမေရိကန်ဒေါ်လာ ၂၈၈၉)ဖြင့် အများဆုံးမြို့အဖြစ် ရပ်တည်နေပြီး ဒုတိယအများဆုံးအဖြစ် ဟောင်ကောင်မြို့၏ မြို့လယ်တွင် ၁၄၃၂ ယူရို (အမေရိကန်ဒေါ်လာ ၁၉၅ဝ)ဖြင့် ရပ်တည်နေသည်။

တတိယဈေးအမြင့်ဆုံး မြို့အဖြစ် မော်စကိုမြို့က ရပ်တည်နေပြီး မော်စကို၏ Central Business District နေရာမှာ တစ်စတုရန်းမီတာ တစ်နှစ်ငှားရမ်းခအဖြစ် ၁ဝ၉၂ ယူရို (ဒေါ်လာ ၁၄၈၇)အထိ ကျသင့်လျက်ရှိကြောင်း ထုတ်ပြန်ထားသည်။

ယခု ရန်ကုန်မြို့လယ်ရှိ ဆာကူရာတာဝါ၏ ရုံးခန်းငှားရမ်းခမှာ တစ်စတုရန်းမီတာလျှင် အမြင့်ဆုံးတစ်နှစ် အမေရိကန်ဒေါ်လာ ၁၅၁၂ အထိ ကျသင့်မည်ဖြစ်ရာ ကမ္ဘာ့အဆင့်သုံး မော်စကိုမြို့ထက် ဈေးနှုန်းမြင့်မားသွားမည်ဖြစ်သည်။

Cushman & Wakefield Research မှ အကယ်၍ ရန်ကုန်မြို့လယ်ရှိ ရုံးခန်းငှားရမ်းခများကို ထည့်သွင်း၍ သုတေသနပြု ထုတ်ပြန်မည်ဆိုပါက ငှားရမ်းခအမြင့်ဆုံး မြို့ကြီးများစာရင်းတွင် နံပါတ်သုံး၌ ရပ်တည်မည်ဖြစ်သည်။

မော်စကို၏နောက်တွင် ဘေဂျင်း၊ တိုကျို၊ နယူးယောက်၊ ရီယိုဒီဂျနေရိုး၊ နယူးဒေလီ၊ ပဲရစ်၊ ဆစ်ဒနီနှင့် စင်ကာပူမြို့ကြီးများက ရုံးခန်းငှားရမ်းခ ဈေးအကြီးဆုံး မြို့များအဖြစ် အစဉ်လိုက် ရပ်တည်လျက်ရှိသည်။

ရန်ကုန်မြို့လယ်ရှိ ဆာကူရာတာဝါ၏ ရုံးခန်းငှားရမ်းခနှင့် Cushman & Wakefield Research မှ ထုတ်ပြန်ထားသည့် စင်ကာပူ၊ ဂျကာတာ၊ ဟိုချီမင်း၊ ကွာလာလမ်ပူ၊ ဘန်ကောက်၊ မနီလာမြို့များရှိ Central Business District နေရာများ၏ ငှားခများနှင့် နှိုင်းယှဉ်လျှင်လည်း ဆာကူရာတာဝါ၏ ရုံးခန်းငှားရမ်းခမှာ အမြင့်မားဆုံးဖြစ်ကြောင်း၊ ဘန်ကောက်မြို့ထက် သုံးဆမှ လေးဆကျော်အထိ ပိုမိုမြင့်မားလျက်ရှိကြောင်း သိရသည်။

ဆာကူရာတာဝါတွင် ရုံးခန်းအဖြစ် ငှားရမ်းနိုင်သည့် ဧရိယာမှာ ၁၂၄၂၅ စတုရန်းမီတာအထိ ကျယ်ဝန်းသည့်အတွက် ယခုလက်ရှိ မြင့်တက်လိုက်သော ဈေးနှုန်းဖြင့်ဆိုပါက တစ်နှစ်လျှင် ငှားရမ်းခစုစုပေါင်း အနည်းဆုံး အမေရိကန်ဒေါ်လာ ၁၃ သန်းနီးပါး ရရှိမည်ဖြစ်သည်။

ဆာကူရာတာဝါ၏ ရုံးခန်းငှားရမ်းခ တိုးမြှင့်လိုက်သည့်အပေါ် ငှားရမ်းထားသူ လုပ်ငန်းရှင်တစ်ဦးက “ကျွန်တော်တို့ စာချုပ်က ကျန်သေးတယ်။ ဒါပေမဲ့ အခု ဇူလိုင်လကစပြီး စုစုပေါင်းငှားခရဲ့ ၅ ရာခိုင်နှုန်း ထပ်ပေးရမယ်လို့ အကြောင်းကြားထားတယ်။ ၂ဝ၁၂ တုန်းက တစ်စတုရန်းမီတာ ဒေါ်လာ ၄ဝ အခု ၂ဝ၁၃ မှာ ဒေါ်လာ ၈ဝ ကနေ ၁၂ဝ အထိတိုးတောင်းတယ်။ အခု ၅ ရာခိုင်နှုန်း ထပ်မြှင့်တယ်။ သူတို့ အကြောင်းပြတာက အခွန်အတွက်လို့ ပြောထားတယ်။ ကျွန်တော်တို့ပြောချင်တာက ကိုယ်တတ်နိုင်တဲ့ ပမာဏလောက်ပဲ ပေးနိုင်တာကို စာချုပ်မစေ့သေးဘဲ တိုးတောင်းတာမျိုးကတော့ ငါတို့လုပ်ချင်သလို လုပ်မယ်လို့ ပြောတာနဲ့ အတူတူပဲ။ ဒီလိုတိုးချင်တိုင်း တိုးနေတာကိုလည်း ဘယ်အဖွဲ့အစည်း၊ ဘယ်တာဝန်ရှိသူတွေကမှ ထိန်းပေးတာမရှိဘူး။ အခုတော့ ရန်ကုန်မြို့လယ်ငှားခ ဈေးနှုန်းက ကမ္ဘာမှာ ကျွန်တော်လေ့လာထားသလောက် အဆင့် ၃၊ အာရှမှာဆိုရင် ဟောင်ကောင်ပြီးရင် ရန်ကုန်က အများဆုံးပဲ အရှေ့တောင်အာရှမှာ ဆိုရင်တော့ နံပါတ်တစ်ဈေးအကြီးဆုံး ဖြစ်နေပြီလို့ တာဝန်ရှိတဲ့သူတွေကို ပြောချင်တာပါပဲ” ဟု ပြောပြသည်။

ဆာကူရာတာဝါ အနေဖြင့် အခွန်ပေးဆောင်ရန်အတွက် ငှားရမ်းသူ လုပ်ငန်းရှင်များထံမှ ထပ်မံတိုးတောင်းသည်ဟုဆိုသော် တစ်နှစ်အမေရိကန်ဒေါ်လာ ၁၃ သန်းနီးပါး ဝင်ငွေအပေါ် ဒေါ်လာသိန်းပေါင်းများစွာ အခွန်ရုံးသို့ ပြန်လည်ပေးဆောင်ရမည် ဖြစ်သည်။

ယခင်နှစ်များက ထုတ်ပြန်သည့် ထိပ်တန်းအခွန်ထမ်း စာရင်းတွင်မူ ဆာကူရာတာဝါ အမည်ဖြင့် အခွန်ပေးဆောင်ထားမှု မပါဝင်ပေ။

မြန်မာနိုင်ငံအနေဖြင့် အိမ်ခြံမြေငှားရမ်းခ မြင့်မားသည့် နိုင်ငံအလိုက် စာရင်း၊ လူတစ်ဦးချင်းဝင်ငွေ နည်းပါးသည့် နိုင်ငံအလိုက်စာရင်း၊ ဆင်းရဲမွဲတေမှု နိုင်ငံအလိုက်စာရင်း၊ လာဘ်ပေးလာဘ်ယူမှု အများဆုံး နိုင်ငံအလိုက်စာရင်း၊ ကင်ဆာအဖြစ်အများဆုံး နိုင်ငံအလိုက်စာရင်း၊ စီးပွားရေးလုပ်ငန်းတစ်ခု စတင်ထူထောင်လုပ်ကိုင်ရန် အခက်ခဲဆုံး နိုင်ငံအလိုက်စာရင်း စသည်ဖြင့် မပါသင့်သည့် စာရင်းများတွင် ထိပ်ဆုံးမှ ပါဝင်လျက်ရှိသည်။

Credit : Eleven Media