မဟာရန်ကုန် မြို့ပြဖွံ့ဖြိုးတိုးတက်စေရန်နှင့် မြို့ပြအမွေအနှစ်များအား ထိန်းသိမ်းသည့်အနေဖြင့် ပန်းဆိုးတန်းနှင့် နန်းသီတာကြားရှိမြေနေရာတွင် အဆောက်အအုံဆောက် လုပ်ခွင့်ကို ၁ဝ ထပ်အထိသာ ဆောက်လုပ်ခွင့်ပြုကြောင်း မြန်မာ့ဆိပ်ကမ်း အာဏာပိုင်မှ အင်ဂျင်နီယာချုပ် ဦးမြသန်းက ပြောသည်။
အဆိုပါ မြေနေရာပေါ်တွင်ယခင်က အဆောက်အအုံ ဆောက်လုပ်ခွင့်တင်ဒါကို အထပ် ၂ဝ အထိ ခေါ်ခဲ့သော်လည်း ရန်ကုန်မြို့တော်စည်ပင်သာယာရေး ကော်မတီမှမြို့ပြအမွေအနှစ်များ၏ မြင်ကွင်းကို ပျောက်ကွယ်နိုင်သဖြင့် ၎င်းမြေနေရာတွင် အဆောက်အအုံ ဆောက်လုပ်ခွင့်အား ပေ ၁၆ဝ အမြင့်အထိသာ ဆောက်လုပ်ခွင့် ပြုထားကြောင် သိရသည်။
”ဒီပန်းဆိုးတန်းနဲ့ နန်းသီတာကြားမှာရှိတဲ့ မြေနေရာကို အဆောက်အအုံဆောက်ခွင့်နဲ့ ပတ်သက်ပြီး ၂ဝ၁၂ ခုနှစ်ကတည်းက တင်ဒါခေါ်ခဲ့ပေမယ့် အဓိကက ကမ်းနားမြေပေါ်မှာ ရှေးဟောင်းအဆောက်အအုံတွေ ဖြစ်တဲ့ အကောက်ခွန်ရုံး၊ မြန်မာ့ဆိပ်ကမ်းအာဏာပိုင်ရုံး၊ Strand Hotel နဲ့ မြန်မာ့လေကြောင်းရုံးတို့ရဲ့ အမြင့် ထက် ကျော်လွန် ဆောက်လုပ်ခွင့်မပြုတဲ့အတွက် ဝန်ကြီးဌာနအချင်းချင်း ညှိနှိုင်းမှုတွေ ကြန့်ကြာနေတာကြောင့် ဒီနှစ်မှ စတင်ပြီး အကောင်အထည်ဖော်ဖြစ်တာပါ”ဟု မြန်မာ့ဆိပ်ကမ်းအာဏာပိုင်မှ အင်ဂျင်နီယာချုပ် ဦးမြသန်းက ပြောသည်။
ရန်ကုန်မြို့၏ အထင်ကရအဆောက်အအုံများနှင့် ဘုရားစေတီပုထိုးများ၏ မြင်ကွင်းကွယ်မည့် အဆောက်အအုံများကို ထပ်မံခွင့်ပြုသွားမည် မဟုတ်ဘဲ ဗိုလ်တထောင်ဘုရား၏မြင်ကွင်းနားရှိ အဆောက် အအုံများကိုလည်း သုံးထပ် အထိသာဆောက်လုပ်ခွင့် ပြုသွားမည်ဖြစ်ကြောင်း၊ လမ်းမတော်၊ ကမ်းနားနှင့် နန်းသီတာ ဆိပ်ကမ်းတစ်လျှောက်ရှိမြေနေရာကိုလည်း မြန်မာ့ဆိပ်ကမ်းအာဏာပိုင်မှ တောင်းဆိုထားသည့် အထပ်မြင့် အဆောက်အအုံ ဆောက်လုပ်ရန် ခွင့်ပြုသွားမည်ဖြစ်သော်လည်း ကမ်းနားမြေနေရာ ၂၅ ပေ ချန်ပြီးမှသာ ဆောက်လုပ်ခွင့်ပြုမည်ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ၌ ကျင်းပ ပြုလုပ်သည့် မြို့မြေအသုံးချမှုနှင့်အဆောက်အအုံ တည်ဆောက်မှုဇုန်၊ အများပြည်သူ ဆွေးနွေးပွဲတွင် ဆောက်လုပ်ရေးဝန်ကြီးဌာန၊ မြို့ရွာနှင့် အိုးအိမ်ဖွံ့ဖြိုးရေးဦးစီးဌာန၊ မြို့ပြစီမံကိန်းရေးဆွဲပညာရှင် ဒေါ်လှိုင် မော်ဦးက ပြောသည်။
”ကန့်သတ်ဇုန်တွေကို ထိန်းသိမ်းဖို့အတွက် စိမ်းလန်းစိုပြည်တဲ့နေရာတွေကို ထိန်းသိမ်းဖို့လိုတယ်။ ဒါကြောင့် ကမ်းနားရဲ့မြင်ကွင်းကိုတစ်ဖက်ကမ်းကကြည့်ရင် မြို့ပြရဲ့မြင်ကွင်းတွေကို မပျောက်ကွယ်စေချင်ဘူး။ နိုင်ငံတိုင်း နိုင်ငံတိုင်းမှာသူ့ရဲ့မြို့ပြအလှကို ထိန်းသိမ်းကြတယ်။ မြန်မာပြည်မှာက ဆူးလေဘုရားနဲ့ တန်းတူဖြစ်တဲ့ ဆူလေးရှန်ဂရီလာဟိုတယ်တို့လို အဆောက်အအုံမျိုး ထပ်မဖြစ်အောင် ထိန်းသိမ်းသွားမယ်”ဟု ၎င်းက ဆက်လက်ပြောသည်။
”ရွှေတိဂုံဘုရားရဲ့ ကုန်းတော်အမြင့်က ပေ ၁၉ဝ ရှိတယ်။ ရွှေတိဂုံဘုရားကို ကွယ်မယ့် အဆောက်အအုံ တွေ ဆောက်ခွင့် မရှိပါဘူး။ ဗိုလ်တထောင်ဘက်ကို သုံးထပ် ဆောက်လုပ်ခွင့်ပြုထားပေမယ့် လမ်းမတော်၊ လသာဘက်ကိုတော့ အထပ်မြင့်ဆောက်ခွင့်ပေးပါတယ်။ ဆူးလေဘုရားက ပင်လယ်ရေ မျက်နှာပြင်ထက် အမြင့်ပေ ၁ဝဝ ရှိတယ်။ အရင်က သတ်မှတ်ထားတာကတော့ ပေ ၃ဝ ရှိတဲ့ လမ်းမှာ ၄၅ ပေထက် မမြင့် ရပါဘူး။ ပေ ၅ဝ ရှိတဲ့လမ်းမှာ ၈၆ ပေထက် မမြင့်ရပါဘူး။ ပေ ၁ဝဝ ရှိတဲ့လမ်းမှာ ပေ ၁ဝဝ ဆောက်ခွင့်ပြုထား ပါတယ်။ ဗဟန်းမြို့နယ်ကိုတော့ဆိတ်ငြိမ်ရပ်ကွက်အဖြစ် ဆက်လက်ထားရှိသွားမှာပါ။ လှိုင်မြို့နယ်မှာ ၁၆ ထပ်အထိ ဆောက်ခွင့်ပြုမှာဖြစ်ပြီးတော့ အင်းစိန်လမ်း တစ်လျှောက်မှာတော့ လူနေသိပ်သည်းလို့ ရှစ်ထပ်၊ ကိုးထပ်အထိပဲ ဆောက်ခွင့်ပြုမှာပါ”ဟု ရန်ကုန်မြို့တော်စည်ပင်သာယာရေးကော်မတီ၊ မြို့ပြစီမံကိန်း တာဝန်ခံ ဒုတိယဌာနမှူးဦးတိုးအောင်က ပြောသည်။
လက်ရှိ မြန်မာ့ဆိပ်ကမ်းအာဏာပိုင်မှ ဗိုလ်တထောင်ဆိပ်ကမ်းနယ်မြေနှင့် ယခု ပန်းဆိုးတန်းနန်းသီတာ ဆိပ်ကမ်းနယ်မြေတို့တွင် အကောင်အထည်ဖော် ဆောင်ရွက်ပြီးပါကကမ်းနားလမ်း ဆူးလေဆိပ်ကမ်း နယ်မြေနှင့် ဝါးတန်းဆိပ်ကမ်းနယ်မြေတို့တွင်ပါ ဆက်လက်အကောင်အထည်ဖော်သွားမည်ဖြစ်ကြောင်း ပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးဉာဏ်ထွန်းအောင်ကပြောသည်။
Credit : The Trade Times
