နိုင်ငံခြားရင်းနှီးမြှုပ်နှံသူများကပြည်တွင်း အိမ်ရာဆောက်လုပ်ရေးလုပ်ငန်းကြီးများသို့ ဝင်ရောက် ရင်းနှီးမြှုပ်နှံလာခြင်း၊ ပြည်တွင်းရှိအင်အားကြီး ဆောက်လုပ်ရေးကုမ္ပဏီကြီးများက နိုင်ငံတကာအဆင့်မီ အဆောက်အအုံများ ဆောက်လုပ်လာနေခြင်းတို့ကြောင့် အဆောက်အအုံများအတွက် ဒီဇိုင်းရေးဆွဲပေးနေရ သည့် ဗိသုကာများ၏ အခန်းကဏ္ဍ ပိုမိုအရေးပါလာသည့်အပြင်ရန်ကုန်မြို့တော်တွင်လည်း ဒီဇိုင်းပုံစံဆန်းသစ် သည့် အဆောက်အအုံအများအပြား ပေါ်ထွက်လာနိုင်ကြောင်း ပြည်ပဗိသုကာများထံမှသိရသည်။
”အခု တစ်နှစ်၊ နှစ်နှစ်အတွင်းရန်ကုန်မြို့မှာ ဒီဇိုင်းပုံစံဆန်းသစ်တဲ့ အဆောက်အအုံတွေ အများကြီး တွေ့လာရတယ်။ နိုင်ငံတကာကပညာရှင်တွေ၊ ရင်းနှီးမြှုပ်နှံသူတွေကတော့ မြန်မာအိမ်ခြံမြေဈေးကွက် အနေအထား ဒီထက် ပိုကောင်းလာလိမ့်မယ်လို့ မြင်နေကြတော့ လာမယ့်နှစ်တွေမှာလည်း ဒီဇိုင်းဆန်းသစ်တဲ့ အဆောက်အအုံတွေ အများကြီးရန်ကုန်မြို့မှာ ထပ်ပေါ်လာနိုင်တယ်”ဟု ဟောင်ကောင်အခြေစိုက် နိုင်ငံတကာ ရှိ အဆောက်အအုံများကိုဒီဇိုင်းပုံစံများ ရေးဆွဲပေးနေသည့် The Wong Tung Group of Companies မှ အုပ်ချုပ်မှုဒါရိုက်တာ၊ ဗိသုကာပညာရှင် Mr. Alex Lau က The Trade Times နှင့် သီးခြားတွေ့ဆုံစဉ် ပြောကြားသည်။
နိုင်ငံတကာ အစိုးရဌာနများ၊ ကုမ္ပဏီကြီးများက တည်ဆောက်လိုသည့် အဆောက်အအုံများအတွက် ပြင်ပမှ အဆောက်အအုံ ဒီဇိုင်းရေးဆွဲပေးသည့် ကုမ္ပဏီများ ငှားရမ်းလေ့ရှိပြီး မြေနေရာအကျယ်အဝန်း၊ အသုံး ပြုနိုင်သည့် ကုန်ကျစရိတ်တို့ကိုပေးအပ်ပြီး ဗိသုကာများက လုပ်ငန်းအပ်နှံသူ၏ လိုအင်ဆန္ဒအလျောက် အဆောက်အအုံပုံစံများကို ရေးဆွဲပေးရခြင်းဖြစ်ကာ အချို့သော အဆောက်အအုံများအတွက် ဒီဇိုင်းရေးဆွဲခနှင့် ကြီးကြပ်ခ ဒေါ်လာသန်းနှင့်ချီပြီးပေးရလေ့ရှိကြောင်း သိရသည်။
”ရန်ကုန်မှာတောင် နိုင်ငံခြားကဗိသုကာ အဖွဲ့တွေ ခုနစ်ဖွဲ့လောက်ရှိနေပြီ။ သူတို့ကို ဘယ်လိုပေးရ တယ်ဆိုတာကတော့ သူတို့အချင်းချင်းပဲသိလိမ့်မယ်” ဟု ဆောက်လုပ်ရေးလုပ်ငန်းရှင် ဦးမေအောင်က ပြော သည်။
ယခု ပြည်တွင်းဈေးကွက်တွင်အဆောက်အအုံတစ်ခု ဆောက်လုပ်ရန်အတွက် ဗိသုကာများသို့အပ်နှံရာ တွင် အကျယ်အဝန်းအလိုက် တစ်စတုရန်းပေလျှင် ကျပ် ၁ဝဝ မှ ကျပ် ၁၅ဝ အထိ ပေးချေနေရသော်လည်း ရန်ကုန်မြို့တော်တွင် အများအပြားတည်ဆောက်နေသည့် ခြောက်ထပ်၊ ရှစ်ထပ် ကန်ထရိုက် တိုက်များ အတွက်မူ ဆောက်လုပ်ရေးလုပ်ငန်းရှင်များက ဗိသုကာများထံ တိုက်အလုံးအရေအလိုက် အပြတ်စနစ်ဖြင့် ပေးချေပြီး အဆောက်အအုံဒီဇိုင်းများ ရေးဆွဲရန် အပ်နှံမှုများရှိကြောင်း သိရသည်။
ဗိသုကာများ၏ ကျော်ကြားမှုပေါ်မူတည်၍ အဆောက်အအုံဒီဇိုင်းရေးဆွဲခ ဈေးနှုန်းများ ပုံသေသတ် မှတ်၍ မရသော်လည်း အထပ်မြင့်အဆောက်အအုံကြီးများ၊ အဆင့်မြင့်ဈေးဝယ်စင်တာကြီးများအား တည် ဆောက်ရန်အတွက် ပြည်တွင်းဆောက်လုပ်ရေးကုမ္ပဏီကြီးများကပြည်ပရှိ ဗိသုကာများကို ငှားရမ်းအသုံးပြုမှု များပြားလာကြောင်းပြည်တွင်း ဆောက်လုပ်ရေးလုပ်ငန်းရှင်များထံမှ သိရသည်။
”အိမ်ခြံမြေဈေးတွေကလည်းကောင်းနေတဲ့ အချိန်မှာ ကိုယ့်ရှိတဲ့မြေမှာ ဆောက်မယ့် အဆောက် အအုံတွေကို အကျိုးရှိရှိနဲ့ နေရာလွတ်မကျန် အသုံးချနိုင်ဖို့ ပညာရှင်ဗိသုကာတွေရဲ့ အခန်းကဏ္ဍကို အသုံးပြုလာကြတယ်” ဟု Mr. Alex Lau က ပြောသည်။
Credit: The Trade Times
