အိမ်ခြံမြေဈေးနှုန်း မြင့်တက်ခြင်းကို အတိုင်းအတာတစ်ခုအထိ ပြန်လည်ထိန်းချုပ်နိုင်ရန် နိုင်ငံတော်က ပိုင်ဆိုင်မှုအခွန် ကောက်ယူရာတွင်ထိထိရောက်ရောက် ကောက်ခံခြင်းဖြင့် အိမ်ခြံမြေဈေးနှုန်းများ ပြန်လည် ကျဆင်းလာနိုင်ကြောင်း စီးပွားရေးပညာရှင်များနှင့် အိမ်ခြံမြေ အကျိုးဆောင်များထံမှ သိရသည်။
”အိမ်တစ်လုံးပိုင်ဆိုင်တဲ့ လူကိုကောက်တဲ့ အခွန်ထက် အဲဒီလူကပဲနောက်ထပ်အိမ်တွေ အများကြီး ပိုင် တဲ့အပေါ်မှာ ကောက်တဲ့ အခွန်နှုန်းထားက မတူဘူး။ real estate ကို access များများပိုင်တဲ့ လူက များများ အခွန်ပေးရမယ်။ အဓိက ဦးတည်တာကတော့ မြေတွေကို အလုပ်မလုပ်ဘဲကိုင်ထားပြီး အမြတ်အစွန်းကို မျှော် တဲ့လူတွေက အဲဒီအခွန်ကို ပေးရမယ်”ဟု စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ အကြံပေး စီးပွားရေးပညာရှင် ဒေါက်တာမောင်အောင်က The Trade Times ကို ပြောသည်။
နိုင်ငံတကာတွင် အိမ်ခြံမြေအမြောက်အမြားပိုင်ဆိုင်သည့် လုပ်ငန်းရှင်ကြီးများအပေါ် ပိုင်ဆိုင်မှု အခွန် များကို အိမ်အရေအတွက်နှင့် မြေပိုင်ဆိုင်မှုအလိုက် ထပ်တိုးစနစ်ဖြင့်ကောက်ခံသွားခြင်းကြောင့် ငွေကြေးချမ်း သာသူက အိမ်ခြံမြေဈေးကွက်သို့ ဝင်ရောက် ဈေးကစားခြင်းမှအထိုက်အလျောက် လျော့ကျသွားပြီး မြေဈေး နှုန်းများ ကျဆင်းလာနိုင်မည် ဖြစ်သည်။
”ဒီကိစ္စကို လုပ်လိုက်လို့ အခြေခံလူတန်းစားကို သိပ်မထိနိုင်ဘူး။ ဒီလိုပိုင်ဆိုင်မှု အခွန်ကောက်မယ့် အဖွဲ့ကလည်း Strong ဖြစ်ဖို့ လိုတယ်။ မဟုတ်ရင် စားပေါက်ဖွင့်ပေးသလိုဖြစ်လိမ့်မယ်။ ထိထိရောက်ရောက် လုပ်နိုင်ရင်တော့ မြေဈေးက ကျသွားမယ်”ဟု ၎င်းက ပြောသည်။
သို့သော် အိမ်ခြံမြေအမြောက်အမြားပိုင်ဆိုင်သူများအပေါ်ကောက်ခံမည့်ပိုင်ဆိုင်မှုအခွန်အကောက်အဖွဲ့ အနေဖြင့် သမာသမတ်ရှိကာ အနှောင်အဖွဲ့ကင်းကင်းဖြင့် တရားဥပဒေပါပြဋ္ဌာန်းချက်များအတိုင်း လုပ်ကိုင်ရန် လိုအပ်ပြီး ကမ္ဘာ့နိုင်ငံအချို့တွင် ယင်းအဖွဲ့များက တိတိကျကျ လုပ်ဆောင်မှုမရှိဘဲ လုပ်ငန်းရှင်များ၊ မြေရှင်များ နှင့် ပူးပေါင်း၍ ဈေးနှုန်းညှိနှိုင်းကာဈေးဖြတ်ခြင်း၊ မမှန်စာရင်းများ လိမ်လည် ပြသခြင်းတို့ ပြုလုပ်ပြီး အဂတိ လိုက်စားမှုများ ဖြစ်ပေါ်စေခြင်းကြောင့် မြန်မာနိုင်ငံတွင်လည်း ပိုင်ဆိုင်မှုအခွန် (Property Tax) ကို ထိထိ ရောက်ရောက် ကောက်ခံရန်လိုအပ်ကြောင်း အိမ်ခြံမြေလေ့လာသုံးသပ်သူများက ပြောသည်။
”၂ဝ၁၁ အကုန်လောက်က စပြီးအိမ်ခြံမြေဈေးကွက်ထဲရော အစိုးရပိုင် အဆောက်အအုံတွေကိုပါ လိုက် ဝယ်နေတဲ့ အဖွဲ့တွေ ရှိတယ်”ဟုမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် အထွေထွေအတွင်းရေးမှူး ဦးမိုးမြင့်ကျော်က ပြောသည်။
မြန်မာနိုင်ငံတွင် နိုင်ငံသားတစ်ဦးအနေဖြင့် အိမ်ခြံမြေပိုင်ဆိုင်မှုသတ်မှတ်ထားခြင်းမရှိသဖြင့် ပြည်ပမှ ရင်းနှီးမြှုပ်နှံသူများ ဝင်ရောက်သည့် အချိန်တွင် အိမ်ခြံမြေဈေးကွက်အလားအလာကို တွက်ဆမိသည့်ပြည်တွင်း ပြည်ပမှ ငွေကြေးအင်အားတောင့်တင်းသူများက မြန်မာ့အိမ်ခြံမြေဈေးကွက်အတွင်းသို့ ဝင်ရောက်ဈေးကစား လာခြင်းကြောင့် အစိုးရသစ်တက်လာသည့် သုံးနှစ်အတွင်းအိမ်ခြံမြေဈေးနှုန်းများ အနည်းဆုံးသုံးဆခန့်အထိ မြင့်တက်လာကြောင်းအိမ်ခြံမြေ အကျိုးဆောင်များက ပြောသည်။
”နှစ်နှစ်၊ သုံးနှစ်အတွင်းမှာ အိမ်ခြံမြေ ဈေးတွေ အနည်းဆုံး သုံးဆလောက် ထပ်တက်လာတယ်” ဟု ရွှေကျွန်းကြီး အိမ်ခြံမြေ အကျိုးဆောင်လုပ်ငန်းမှ တာဝန်ရှိသူတစ်ဦးက ပြောသည်။
Credit: The Trade Times
