တာမွေမြို့နယ်၊ သံသုမာလမ်းမကြီးပေါ်ရှိ မြန်မာ့ဂုဏ်ရောင်အိမ်ရာစီမံကိန်းအတွက် သိမ်းယူခဲ့သည့် မြေကွက်များပေါ်တွင် လက်ရှိအချိန်အထိ အဆောက်အအုံ ဆောက်လုပ်ခြင်း မရှိသေးသည့် မြေကွက်လွတ် ၁ဝ ကွက်နှင့် ဆောက်လုပ်ထားသောတိုက်တွင် အခန်းပိုများ ထပ်တိုးတည်ဆောက်ခဲ့ခြင်းကို စုံစမ်းတွေ့ရှိခဲ့ရ သည့်အတွက် ရန်ကုန်တိုင်းဒေသကြီး အစိုးရအဖွဲ့ထံ တင်ပြထားကြောင်း စုံစမ်းစစ်ဆေးရေးအဖွဲ့ဥက္ကဋ္ဌအဖြစ် တာဝန်ထမ်းဆောင်နေသည့် တာမွေမြို့နယ် မဲဆန္ဒနယ်အမှတ် (၁) မှ တိုင်းဒေသကြီးလွှတ်တော်ကိုယ်စားလှယ် ဦးဝင်းထိန်က The Trade Times ကို ပြောသည်။
”တွေ့ရှိချက်တွေကို ဝန်ကြီးချုပ်ဆီ တင်ထားပါတယ်။ ကုမ္ပဏီဘက်ကလည်းခွင့်ပြုထားတဲ့အထပ်ထက် ပိုဆောက်ထားလို့ အခန်းတွေပိုထွက်လာတယ်။ စီမံကိန်းပြီးသွားပေမယ့် အဆောက်အအုံဆောက်မထားတဲ့ မြေကွက်လွတ်တွေလည်းအများကြီးရှိသေးတယ်” ဟု ၎င်းကပြောသည်။
တပ်မတော် (ရေ) တပ်တန်းလျားများ တည်ဆောက်မည်ဟု ပြောကြားပြီး အဆိုပါနေရာမှဒေသခံ များကိုဖယ်ရှားစေခဲ့သော်လည်း နောက်ပိုင်းတွင် ဝါဝါဝင်းကုမ္ပဏီနှင့် မြို့ရွာနှင့်အိုးအိမ်ဖွံ့ဖြိုးမှုဦးစီးဌာနတို့ အကျိုးတူပူးပေါင်းကာ အချိုးကျခွဲဝေမှုစနစ်ဖြင့် မြန်မာ့ဂုဏ်ရောင်အိမ်ရာစီမံကိန်းကို တည်ဆောက်ခဲ့ခြင်းဖြစ် သည်။
မြေသိမ်းခံခဲ့ရသည့် ရပ်ကွက်နေပြည်သူများက အစိုးရသစ်လက်ထက်တွင် ယင်းတို့၏ နစ်နာဆုံးရှုံးမှု များအတွက် ပြန်လည်ဆန္ဒဖော်ထုတ်တောင်းဆိုမှုများပြုလုပ်လာသည့်အတွက် ရန်ကုန်တိုင်းဒေသကြီး အစိုးရအဖွဲ့မှ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးတင်ဝင်းကလွှတ်တော်ကိုယ်စားလှယ်များနှင့် မီဒီယာများရှေ့တွင် ဆန္ဒဖော်ထုတ်ခဲ့သူများနှင့် ညှိနှိုင်းခဲ့ပြီး မှန်ကန်မျှတသည့် ဆုံးဖြတ်ချက်များ ချမှတ်သွား မည်ဟု အတိအလင်းပြောကြားခဲ့ကာ ယင်းမြေသိမ်းဖြစ်စဉ်နှင့် ပတ်သက်၍ လွှတ်တော်ကိုယ်စားလှယ် ဦးဝင်းထိန်ကို ဥက္ကဋ္ဌအဖြစ် တာဝန်ယူစေပြီး စုံစမ်းစစ်ဆေးရေး အဖွဲ့ဖွဲ့စည်းလျက် စုံစမ်းစေခဲ့သည်။
”နစ်နာတဲ့သူတွေကို ပြန်ပေးနိုင်ဖို့ အရင်ပိုင်ဆိုင်မှုတွေကို စိစစ်ရမှာ ဖြစ်ပေမယ့် ကျွန်တော်တို့ကို တာဝန်ပေးမထားဘူး။ သူတို့တာဝန်ပေးရင်တော့ ပြန်စိစစ်ပေးရမယ်” ဟုဦးဝင်းထိန်က ပြောသည်။
”ကုမ္ပဏီဘက်က ရောင်းမထွက်သေးတဲ့ တိုက်ခန်းတွေကိုတန်ဖိုးသတ်မှတ်ပြီး အရင်က မြေတကယ်ပိုင် ဆိုင်ခဲ့တဲ့သူတွေအတွက်ပြန်စဉ်းစားပေးမယ်လို့ကြားတယ်”ဟု စုံစမ်းစစ်ဆေးရေးအဖွဲ့ဝင် တာမွေမြို့နယ် မဲဆန္ဒနယ် အမှတ် (၂) မှတိုင်းဒေသကြီးလွှတ်တော်ကိုယ်စားလှယ် ဦးအေးသိန်းက ပြောသည်။
စီမံကိန်းများအတွက် ရပ်ကွက်နေပြည်သူများထံမှ မြေသိမ်းယူခဲ့ရာတွင် စုစုပေါင်း ၁၇ ဒသမ ၃၇၇ ဧက သိမ်းယူခဲ့ပြီး အိုးအ်ိမ်ဦးစီးဌာနက ၄ ဧက နှင့် ဝါဝါဝင်းကုမ္ပဏီဘက်က ၁၃ ဒသမ ၃၇၇ ဧက ခွဲဝေကာ အိမ်ရာစီမံကိန်းလုပ်ငန်းများကိုလုပ်ကိုင်ခဲ့ကြောင်း၊ ကုမ္ပဏီဘက်ကရရှိထားသည့် မြေအကျယ် ၁၃ ဒသမ ၃၇၇ ဧက အတွင်းမှ အိုးအိမ်ဦးစီးဌာနသို့ မြေကွက်ပေါင်း ၂၁ ကွက်ကိုအချိုးကျ ပြန်လည်ပေးအပ်ထားကြောင်း စုံစမ်းစစ်ဆေးရေးအဖွဲ့အစီရင်ခံစာတွင် ဖော်ပြထားသည်။
မြန်မာ့ဂုဏ်ရောင် အိမ်ရာဝင်းမြေသိမ်းခံဖြစ်စဉ်နှင့်ပတ်သက်၍စုံစမ်းစစ်ဆေးရေးအဖွဲ့ ဖွဲ့စည်းခဲ့ရာတွင် အဖွဲ့၌ပါဝင်ကြသူများက စုံစမ်းစစ်ဆေးရမည့် မြေပြင်အနေအထားကို ကွင်းဆင်းစစ်ဆေးခြင်း၊ အချက်အလက် တောင်းခံခြင်းတို့ကို ဆောင်ရွက်ခဲ့ကြောင်း သိရသည်။
Credit: The Trade Times
