အဆင့်မြင့် အိမ်ရာ၊ ကွန်ဒိုတိုက်ခန်းများ၊ အလှပြုပြင်ခန်းမများနှင့်ဟိုတယ်များတွင် အလှကပ်ဗီနိုင်း အသုံးပြုမှု များပြားလာကြောင်းတင်သွင်းရောင်းချသည့် ကုမ္ပဏီများနှင့် ဆောက်လုပ်ရေးလုပ်ငန်း လုပ်ကိုင် နေသူများထံမှ သိရသည်။
နံရံကပ်စက္ကူများမှာ တာရှည်ခံမှု အားနည်းသဖြင့် ယခုနောက်ပိုင်းတွင် ပြန်လည်လျှော်ဖွပ်ကာ ထပ် တလဲလဲ အသုံးချနိုင်သည့် အလှကပ်ဗီနိုင်းများကို ဈေးဝယ်စင်တာများ၊ ဟိုတယ်များနှင့် လူစည်ကားရာနေရာ များတွင် အသုံးပြုမှုများပြားလျက်ရှိသည်။
”၅ဝ စတုရန်းပေကို ၁၂ဝ,ဝဝဝ လောက် ကျပါတယ်။ အမျိုးအစားနဲ့ဒီဇိုင်းကလည်း ထောင်နဲ့ချီ ရှိပါ တယ်” ဟု Averia Co. မှ အုပ်ချုပ်မှုဒါရိုက်တာ ကိုအောင်ဖြိုးလှိုင်ကပြောသည်။
အလှဆင်စက္ကူလိပ်များ၊ ဗီနိုင်းများကို တရုတ်နိုင်ငံမှ အများအပြားတင်သွင်းနေခြင်း ဖြစ်ကာ လူနေအိမ် များထက် အဆင့်မြင့် Supermarket များ၊ လူစည်ကားရာနေရာများတွင်အသုံးပြုမှုများပြားလာကာ တပ်ဆင် ပေးသူများက စတုရန်းပေအလိုက်လက်ခစားစနစ်ဖြင့် လုပ်ကိုင်တပ်ဆင်ပေးကြောင်း ဆောက်လုပ်ရေး လုပ်ငန်းလုပ်ကိုင်နေသူများထံမှ သိရသည်။
”နံရံတွေ ဗြောင်အလွတ်ကြီးဖြစ်နေရင် ကပ်ကြတာ များတယ်။ စူပါမားကက်တွေဆိုရင် လူစိတ်ဝင် စားအောင် ဒီဇိုင်းအမျိုးမျိုးကို ခဏခဏ ပြောင်းတဲ့အတွက် ကြွေပြားအစား အဲဒါတွေသုံးတာ များတယ်” ဟု လိုင်စင်ရ ကန်ထရိုက်တာ ဦးဝေဖြိုးက ပြောသည်။
အိမ်အတွင်းပိုင်း ပြင်ဆင်မှုများကို အများအားဖြင့် ဂျပ်ဆင်ဘုတ်များဖြင့် အလှဆင်ခြင်း၊ သစ်အချော ထည် ပစ္စည်းများဖြင့် အလှဆင်ခြင်း၊ အလှဆင်ကျောက်ပြား၊ အလူမီနီယံကွန်ပို့စစ်ပြားများဖြင့် ပြုလုပ် အလှ ဆင်နေသော်လည်း အများအားဖြင့်ဂျပ်ဆင်ဘုတ်များကိုသာ အသုံးပြုပြီးလုပ်ကိုင်နေကြကြောင်း သိရသည်။
အချို့သော ဆောက်လုပ်ရေးကုမ္ပဏီများတွင် ကြိုပွိုင့်စနစ်ဖြင့်အခန်းဝယ်ယူထားသူများက အတွင်း ပိုင်းပြင်ဆင်မှုပုံစံကို မိမိတို့စိတ်ကြိုက် ပုံစံ၊ စိတ်ကြိုက်အရောင်အသွေးများ ရရှိအောင် ကြိုတင်မှာကြားကာ လုပ်ငန်းများ အပ်နှံခြင်းပြုသကဲ့သို့ တိုက်ခန်းလက်ရောက်ရရှိပြီးသည့်အချိန်တွင်မှ အတွင်းပိုင်းပြင်ဆင်မှုများကို ကန်ထရိုက်တာများဖြင့် ပြန်လည်ပြုလုပ်ခြင်းစသည်ဖြင့် အပ်နှံမှုပုံစံအမျိုးမျိုးရှိနေသော်လည်း အများအားဖြင့် ဆောက်လုပ်ရေးကုမ္ပဏီများကို တိုက်ခန်းဆောက်လုပ်နေဆဲ အခြေအနေကတည်းကပင် အတွင်းပိုင်းပြင်ဆင်မှု အတွက်ပါ လုပ်ငန်းအပ်နှံမှုကို တစ်ပါတည်း တာဝန်ပေးခြင်း များပြားကြောင်း ဆောက်လုပ်ရေးကုမ္ပဏီများထံမှ သိရသည်။
”ဂျပ်ဆင်ဘုတ် အလွတ်တွေပေါ်မှာ အရင်ကတော့ အလှကပ်စက္ကူတွေ ကပ်ပေးရတာ များတယ်။ တော်တော်များများကတော့ ဧည့်ခန်းနဲ့ အိပ်ခန်းမှာ ဒါတွေကို သုံးလာတယ်။ စတုရန်းပေ အကျယ်အဝန်း အလိုက် ပစ္စည်းဝယ်ပေး၊ လက်ခစားပဲ ယူတဲ့စနစ်ရှိသလို ပစ္စည်းဖိုးပါအပါအဝင် အပြီးအပ်တာတွေလည်း ရှိလာတယ်” ဟု ၎င်းက ဆက်လက်ပြောသည်။
ငွေကြေးတတ်နိုင်သူတို့၏လောကတွင် ရေပန်းစားလျက်ရှိသည့် အိမ်အတွင်းပိုင်း အလှဆင်ခြင်း လုပ်ငန်းများမှာ သီးသန့်ဈေးကွက်တစ်ခုအဖြစ် ရပ်တည်နေပြီး အခန်းသစ်များကို အလှဆင်ရခြင်းထက် အခန်းဟောင်းများ၊ အဆောက်အအုံဟောင်းများကို အလှဆင်ရခြင်းမှာပိုမိုခက်ခဲသဖြင့် ဈေးနှုန်းပိုမိုတောင်း ခံလေ့ရှိပြီး အကျယ်အဝန်းအလိုက်ငွေကြေးကုန်ကျမှု များပြားနိုင်ကြောင်း သိရသည်။
Credit: The Trade Times
