ဆောက်လုပ်ရေးနှင့် အိမ်ရာဖွံ့ဖြိုးရေးဘဏ် (CHDB) ဖွင့်ခဲ့သည့်လေးလကျော်အချိန်အတွင်း တည် ဆောက်ရေးအတွက် ချေးငွေတောင်းခံသူ ၆ဝ ကျော်ရှိကြောင်း ၎င်းဘဏ်မှဦးဆောင်ညွှန်ကြားရေးမှူး ဦးဝင်း ဇော်က ပြောသည်။
၎င်း ၆ဝ ကျော်ထဲတွင် ဆောက်လုပ်ရေးကုမ္ပဏီများ ပါဝင်သကဲ့သို့တစ်ဦးချင်းဆောက်လုပ်ချင်သည့်သူ များလည်း ပါဝင်ကြောင်းသိရသည်။
”ဆောက်လုပ်သူတွေကို ချေးပေးလို့ရနေပြီ။ ပြန်ဆပ်ဖို့အခြေ အနေကို ညှိနှိုင်းနေတယ်။ လစဉ် ပြန်ပေးနိုင်မယ့်ငွေ၊ ချေးတဲ့ပမာဏနဲ့ အချိန်ကိုညှိနေတယ်”ဟု ၎င်းကပြောသည်။
ယခုလက်ရှိတွင် ဘဏ်၌ အပ်နှံငွေ ၃ ဒသမ ၁ ဘီလျံကျော် လက်ခံထားပြီး အိမ်ရာအတွက် ချေးငွေထုတ်ချေးခြင်းကိုမူ မလုပ်ဆောင်ရသေးကြောင်း၊ အိမ်ဝယ်လိုသူများအတွက်ချေးငွေကို ယခုနှစ်အတွင်း ထုတ်ချေးနိုင်ရန် ဆောင်ရွက်မည်ဖြစ်ပြီး ဦးဆုံးနှစ်တိုစီမံကိန်းဖြင့် ထုတ်ချေးသွားမည်ဖြစ်ကြောင်း၊ CHD ဘဏ်အနေဖြင့် ပြည်ပ ဘဏ်များ၊ ငွေကြေးအဖွဲ့အစည်းများ၊ လူမှုရေးအဖွဲ့အစည်းများနှင့် ချိတ်ဆက်နိုင်မှုရှိပါ မှ ဝင်ငွေနည်းသူများကို အတိုးနှုန်းနည်းနည်းဖြင့် နှစ်ရှည်ငွေထုတ်ချေးနိုင်မည်ဖြစ်ကြောင်း ဦးဝင်းဇော်က ပြောသည်။
”ဘဏ်က အိမ်ရောင်းတဲ့ဘဏ်မဟုတ်ဘူး။ အိမ်ရာလိုအပ်ချက်ကြောင့် လိုအပ်နေတဲ့သူတွေကို ထောက်ပံ့ပေးတာဖြစ်တယ်။ တစ်ဦးချင်း အိမ်ဝယ်ချင်သူတွေကို အမှန်တကယ်ဝယ်ယူကြောင်း အထောက် အထား၊ အလုပ်လုပ်နေတဲ့ ကုမ္ပဏီရဲ့အာမခံချက်၊ ပြန်ဆပ်နိုင်တဲ့ အခြေအနေပေါ်မူတည်ပြီး ချေးပေးမှာဖြစ် တယ်။ ဝယ်ယူတဲ့သူကလည်း အမှန်တကယ်နေထိုင်သူဖြစ်ရမယ်” ဟုဦးဝင်းဇော်က ပြောသည်။
CHD ဘဏ်ကို တစ်နှစ်အတွင်းဘဏ်ခွဲ ၁ဝ ခု ဖွင့်နိုင်အောင် ရည်ရွယ်ထားကြောင်း ၎င်းက ပြောသည်။
Credit: The Trade Times
