လှိုင်သာမြို့နယ်၊ ရွှေလင်ပန်းစက်မှုမြို့သစ် တန်ဖိုးနည်းအိမ်ရာစီမံကိန်းရှိ တိုက်ခန်းများကို ကျပ်သိန်း ၁ဝဝ ဝန်းကျင်ဖြင့် ယခုမေလကုန်တွင် စတင်ရောင်းချပေးသွားမည်ဖြစ်ကြောင်း မြို့ရွာနှင့်အိုးအိမ်ဖွံ့ဖြိုးရေး ဦးစီးဌာန ညွှန်ကြားရေးမှူးချုပ် ဦးမင်းထိန်က ပြောသည်။
အဆိုပါရွှေလင်ပန်း စက်မှုမြို့သစ် တန်ဖိုးနည်းအိမ်ရာ စီမံကိန်းတွင် လူနေတိုက်ခန်းပေါင်း ၈ဝဝ ကျော်ပါဝင်ပြီး တိုက်ခန်းဝယ်ယူခွင့်လျှောက်လွှာများကို ရန်ကုန်တိုင်းဒေသကြီးအစိုးရအဖွဲ့ ရုံးသို့ ပေးပို့လျှောက် ထားရမည်ဖြစ်သည်။
”ရွှေလင်ပန်းအိမ်ရာကတိုက်ခန်းတွေကို အခုမေလကုန်မှာ စရောင်းပေးနိုင်ဖို့ ရန်ကုန်တိုင်းဒေသကြီး အစိုးရအဖွဲ့နဲ့ ညှိနေတယ်။ တစ်ခန်းကို သိန်း ၁ဝဝ၊ ၁၁ဝ နဲ့ ၁၂၅ သိန်းအထိ ရှိတယ်။ တိုက်ခန်းတွေကို အာရ်စီပုံစံရှော Steel Structure နဲ့ရော နှစ်မျိုးဆောက်ထားတာပါ။ အာရ်စီနဲ့ ဆောက်ထားတဲ့ တိုက်ခန်း တွေက ပိုဈေးကြီးမယ်”ဟု ဦးမင်းထိန်က ပြောသည်။
အဆိုပါ ရွှေလင်ပန်းစက်မှုအိမ်ရာလူနေတိုက်ခန်းများကို ရန်ကုန်တိုင်းဒေသကြီးအတွင်း နေထိုင်သည့် အလုပ်အကိုင် အတည်တကျရှိပြီးဝင်ငွေပြနိုင်သူ ဝန်ထမ်းများကိုသာရောင်းချပေးသွားမည်ဖြစ်ပြီး ပထမ အရစ်တွင် တိုက်ခန်းတန်ဖိုး၏ ၃ဝ ရာခိုင်နှုန်းပေးသွင်း၍ လေးနှစ်အတွင်းငွေအကျေချေရမည်ဖြစ်ကြောင်း မြို့ ရွာနှင့် အိုးအိမ်ဖွံ့ဖြိုးရေးဦးစီးဌာန၊ စီမံကိန်းဌာန ညွှန်ကြားရေးမှူး ဒေါ်မီမီတင်က ပြောသည်။
”တန်ဖိုးနည်းတိုက်ခန်းတွေကိုရန်ကုန်တိုင်းဒေသကြီး အတွင်းမှာနေထိုင်တဲ့ အစိုးရဝန်ထမ်းရော ပုဂ္ဂလိက ဝန်ထမ်းတွေကိုပါ ရောင်းပေးမှာပါ။ ဝင်ငွေရှိတဲ့လူကိုပဲ ရောင်းပေးမှာပါ။ အိမ်ရာဘဏ်ဖွင့်ထားတာ ကလည်း သိပ်မကြာသေးတော့ နှစ်အကြာကြီး မထားပေးနိုင်သေးဘူး။ တိုက်ခန်းတန်ဖိုးရဲ့ ၃ဝ ရာခိုင်နှုန်းကို အရင်သွင်းပြီး လေးနှစ်အတွင်းအရစ်ကျစနစ်နဲ့ ငွေအကျေ ချေရမှာပါ”ဟု ဒေါ်မီမီတင်က ပြောသည်။
လက်ရှိ လှိုင်သာယာမြို့နယ်၌ရွှေလင်ပန်း တန်ဖိုးနည်းအိမ်ရာစီမံကိန်းအပြင် ကျန်စစ်သားရပ်ကွက် တွင် ကျပ်သိန်း ၁ဝဝ ပတ်ဝန်းကျင်ဖြင့် ရောင်းချပေးမည့် အခန်းပေါင်း ၃,ဝဝဝ ကျော် ပါဝင်သော ကျန်စစ်မင်း တန်ဖိုးနည်းအိမ်ရာကိုလည်းတည်ဆောက်သွားမည်ဖြစ်ကြောင်းသိရသည်။
မြို့ရွာနှင့်အိုးအိမ်ဖွံ့ဖြိုးရေးဦးစီးဌာနအနေဖြင့် လက်ရှိဆောက်လုပ်လျက်ရှိသည့် ဒဂုံမြို့သစ် (တောင် ပိုင်း) မြို့နယ်ရှိ အခန်းပေါင်း ၁၉,ဝဝဝ ကျော် ပါဝင်သော ဧရာဝဏ် တန်ဖိုးနည်းအိမ်ရာနှင့် ရတနာ တန်ဖိုးနည်း အိမ်ရာများ တည်ဆောက်ပြီးစီးပါကရန်ကုန်တိုင်းဒေသကြီး အစိုးရနှင့်ညှိနှိုင်းကာ ရောင်းချပေးသွားမည် ဖြစ်ကြောင်း ညွှန်ကြားရေးမှူးချုပ်ဦးမင်းထိန်က ပြောသည်။
”အခုဆောက်နေတဲ့ ရတနာတန်ဖိုးနည်းအိမ်ရာနဲ့ ဧရာဝဏ်တန်ဖိုးနည်းအိမ်ရာ စီမံကိန်းတွေရဲ့ တိုက်ပေါင်း ၄၈ လုံးက အခန်းပေါင်း ၁၉,ဝဝဝ ကျော်ကို ကုမ္ပဏီ ၃၇ ခုက နှစ်နှစ်စီမံကိန်းနဲ့ တာဝန်ယူဆောက် နေတာပါ။ လာမယ့် ၂ဝ၁၆ ခုနှစ်မှာဒီအိမ်ရာတွေပြီးရင် တိုင်းဒေသကြီးအစိုးရနဲ့ ဈေးနှုန်းညှိနှိုင်းပြီး ပြည်သူ တွေကို ရောင်းချပေးသွားမှာပါ”ဟုဦးမင်းထိန်က ပြောသည်။
”တန်ဖိုးနည်းအိမ်ရာတွေကိုရောင်းချပေးမယ်ဆိုရင် အမှန်တကယ်လိုအပ်တဲ့သူတွေ လက်ထဲရောင်းချ ပေးဖို့ လိုတယ်။ ပွင့်လင်းမြင်သာမှုရှိဖို့ လိုတယ်။ လက်သင့်ရာကိုပဲရောင်းချပေးတဲ့ ပုံစံမျိုးတော့ မဖြစ်သင့်ဘူး။ ဈေးနှုန်းကလည်း လူလတ်တန်းစား အမှန်တကယ် ဝယ်နိုင်တဲ့ဈေးနှုန်း ဖြစ်ဖို့လိုသလို အရစ်ကျစနစ်နဲ့လည်း ရောင်းချပေးဖို့ လိုတယ်။ တန်ဖိုးနည်းအိမ်ရာတွေကို ရောင်းချတဲ့ နေရာမှာ ကန့်သတ်ချက်တွေမရှိဘဲ ရောင်းချဖို့ လိုတယ်”ဟုလှိုင်သာယာမြို့နယ်မှ အိမ်ငှားရမ်းနေထိုင်သူ ကိုမျိုးမျိုးက ပြောသည်။
မြို့ရွာနှင့်အိုးအိမ်ဖွံ့ဖြိုးရေး ဦးစီးဌာနအနေဖြင့် လှိုင်သာယာမြို့နယ်တွင် တည်ဆောက်မည့် ကျန်စစ်မင်း တန်ဖိုးနည်းအိမ်ရာ အပါအဝင် ဒဂုံမြို့သစ်(တောင်ပိုင်း) မြို့နယ်တွင်ရတနာ တန်ဖိုးနည်းအိမ်ရာ စီမံကိန်းနှင့် ဧရာဝဏ် တန်ဖိုးနည်းအိမ်ရာစီမံကိန်းများကို ဆောက်လုပ်လျက်ရှိပြီးရန်ကုန်မြို့တော် စည်ပင်သာယာရေး ကော်မတီကလည်း ဒဂုံမြို့သစ်(မြောက်ပိုင်း) မြို့နယ်တွင် ဗိုလ်ဗထူး၊ ဗိုလ်မင်းရောင် တန်ဖိုးမျှတအိမ်ရာများ၊ ဒဂုံဆိပ်ကမ်းမြို့နယ်တွင်ဧရာဝဏ် တန်ဖိုးမျှတအိမ်ရာနှင့်ဒဂုံမြို့သစ် အရှေ့ပိုင်းတွင်လည်းမင်းရဲကျော်စွာ တန်ဖိုးမျှတအိမ်ရာများကို ဆောက်လုပ်ရေးကုမ္ပဏီများနှင့် ပူးပေါင်းတည်ဆောက်သွားမည်ဖြစ်သည်။
Credit: The Trade Times
