တောင်အာဖရိကတွင် အမျိုးသမီးတစ်ဦးက သားဖွားအပြီး တစ်လခန့်အကြာတွင် ဗိုက်ထဲ၌ ကလေးတစ်ဦး ကျန်နေသေးကြောင်း တုန်လှုပ်စွာ သိလိုက်ရသည့်အဖြစ် လူမှုကွန်ရက်တွင် ဂယက်ရိုက်

တောင်အာဖရိကနိုင်ငံ ၊ Eastern Cape ပြည်နယ်ရှိ Xosa တိုင်းရင်းသူ အမျိုးသမီးတစ်ဦးသည် ကလေးတစ်ဦး မွေးဖွားပြီး တစ်လခန့်အကြာတွင် ဗိုက်ထဲ၌ အခြားကလေးတစ်ဦး ရှိနေသေးကြောင်း တုန်လှုပ်စွာ သိလိုက်ရသည်။

ထိုအမျိုးသမီးသည် မအီမသာဖြစ်နေသောကြောင့် ဆေးရုံသို့ သွားရောက်ပြသခဲ့ရာ ဗိုက်ထဲတွင် မမွေးရသေးသည့် ကလေးတစ်ဦး ရှိနေသေးကြောင်း ဆရာဝန်တို့ တွေ့လိုက်ရသည်။

ထူးခြားသော ယခုဖြစ်ရပ်ကို X လူမှုကွန်ရက်တွင် ရေးသားဖော်ပြခဲ့ရာမှတဆင့် ဂယက်ရိုက်ပျံ့နှံ့ခဲ့ခြင်း ဖြစ်သည်။

လူမှုကွန်ရက်တွင် ရေးသားဖော်ပြထားမှုအရ Xosa တိုင်းရင်းသူ အမျိုးသမီးသည် ယခုနှစ် မတ်လအတွင်း သားဖွားပြီး အိမ်သို့ ပြန်လာခဲ့သည်။

သို့သော် တစ်လခန့်အကြာတွင် ဗိုက်ထဲ၌ ကလေးတစ်ဦး ကျန်နေသေးကြောင်း သိလာရသည်။

ထို့ကြောင့် ထိုကလေးကိုလည်း ထပ်မံ မွေးဖွားခဲ့ရသဖြင့် ကလေး ၂ ဦးမှာ အမြွှာများဖြစ်ပြီး အသက်အားဖြင့် တစ်လခန့် ကွာခြားသွားသည်။

လူမှုကွန်ရက်သုံးစွဲသူတို့က ဤဖြစ်ရပ်အပေါ် အံ့အားသင့်ခြင်း၊ စိတ်ပူခြင်းတို့ဖြင့် အမျိုးမျိုးအဖုံဖုံ မှတ်ချက်ပေးကြသည်။

@melo_malebo အမည်ဖြင့် လူမှုကွန်ရက်သုံးစွဲသူက “သူနာပြုတွေက ကလေးတစ်ယောက် ကျန်နေတာကို ဘာကြောင့် မသိတာလဲ” ဟု မှတ်ချက်ပြုသည်။

အခြားတစ်ဦးဖြစ်သော @fifi_kumalo က “ultrasound က ကျန်တဲ့ကလေးတစ်ယောက်ကို မတွေ့ဘူးလား။ မတွေ့ဘဲ ကွယ်နေနိုင်တယ်ဆိုတာတော့ သိပါတယ်။ ဒါက တော်တော်လေးရှုပ်ပါတယ်။” ဟု ဆိုသည်။

@ralph_lzuza အမည်ဖြင့် လူမှုကွန်ရက် သုံးစွဲသူက “ကျွန်မညီမဆိုရင် ခွဲစိတ်ခန်းဝင်ခဲ့ရတာမှာ ဆရာဝန်တွေက ဗိုက်ထဲမှာ ခွဲစိတ်ကိရိယာတစ်ခု မေ့ပြီး ကျန်ခဲ့ပါတယ်။ ဒီလို ဆေးဝါးကုသမှုမျိုးက တုန်လှုပ်စရာပါပဲ” ဟု ဆိုသည်။

@straightupgal အမည်ရှိ အကောင့်က “ဒါက တော်တော်ရုပ်ပျက်တဲ့ အမှားကြီးပါပဲ။ မီးဖွားရတာ အန္တရာယ်ကြီးပါတယ်။ သူအဆင်ပြေသွားတာပဲ ဘုရားကို ကျေးဇူးတင်ရမှာပါ။” ဟု မှတ်ချက်ပေးသည်။

@mgwatyu အမည်ဖြင့် လူမှုကွန်ရက်သုံးစွဲသူက “ပစ္စည်းကိရိယာ မစုံလင်တဲ့ ဆေးခန်းမှာ သဘာဝအတိုင်း သားဖွားခဲ့တာ ဖြစ်နိုင်ပါတယ်။ ဆရာဝန်တွေက သေချာမကြည့်ဘဲ မွေးပြီးတာနဲ့ မွေးလမ်းကြောင်းကို ချက်ချင်းပြန်ချုပ်ပေးလိုက်ကြတယ်” ဟု ဆိုသည်။

@thuti_mathobela ဟူသောအကောင့်ကလည်း “ဘုရားသခင်က ဆန်းကြယ်တဲ့ နည်းလမ်းတွေနဲ့ အမျိုးမျိုး ဖန်ဆင်းတယ်။ တချို့က ဒီလိုမျိုး ဆန်းကြယ်တာတွေ တွေ့ကြုံရပြီး တချို့ကတော့ သေခြင်းနဲ့ ရှင်ခြင်းကြား လွန်ဆွဲကြရတယ်” ဟု မှတ်ချက်ပြုသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Woman Shocked to Find Another Baby in Womb One Month After Giving Birth (afrogazette)