[ကမ္ဘာ့အကြီးမားဆုံးသစ်တောပြုန်းတီးမှုကြီး] အင်ဒိုနီးရှားတွင် ဘယ်လ်ဂျီယံနိုင်ငံ အကျယ်အဝန်းခန့်ရှိသော သစ်တောဧရိယာ ခုတ်ထွင်ရှင်းလင်းရန် စီစဉ်နေ

အင်ဒိုနီးရှားနိုင်ငံတွင် ဘယ်လ်ဂျီယံနိုင်ငံ၏ အကျယ်အဝန်းခန့်ရှိသော သစ်တောမြေများကို ခုတ်ထွင်ရှင်းလင်းရန် စီစဉ်နေသည်။

(မှတ်ချက်။ ဘယ်လ်ဂျီယံနိုင်ငံ၏ အကျယ်အဝန်းမှာ စတုရန်းကီလိုမီတာ ၃၀၆၈၉ (စတုရန်းမိုင် ၁၁၈၄၉) ရှိသည်။ မြန်မာနိုင်ငံတွင်ဆိုလျှင် ဧရာဝတီတိုင်း၏ အကျယ်အဝန်းနှင့် အနီးစပ်ဆုံး တူညီသည်။ ဧရာဝတီတိုင်း၏ အကျယ်အဝန်းမှာ စတုရန်း ကီလိုမီတာ ၃၅၁၄၀ (၁၃၅၆၆ စတုရန်းမိုင်) ဖြစ်သည်။)

ဘိုင်အိုအီသနော ထုတ်လုပ်ရန်အတွက် ကြံ၊ စပါးနှင့် သီးနှံများ စိုက်ပျိုးရေးအတွက် သစ်တောမြေ ဧရိယာ ၃၀၆၈၉ စတုရန်းကီလိုမီတာ အကျယ်အဝန်းကို (ဘယ်လ်ဂျီယံနိုင်ငံ၏ အကျယ်အဝန်းမှာလည်း စတုရန်းကီလိုမီတာ ၃၀၆၈၉ ဖြစ်) ခုတ်ထွင်ရှင်းလင်းရန် စီစဉ်နေကြောင်း အေပီသတင်းတစ်ရပ် တွင် ဖော်ပြသည်။

သဘာဝပတ်ဝန်းကျင် စောင့်ကြည့်ရေးအဖွဲ့များ၏ ထုတ်ပြန်ချက်ကို ကိုးကားပြီး အေပီသတင်းဌာနက ဖော်ပြသည်မှာ အင်ဒိုနီးရှား၏ ယခုအစီအစဉ်သည် ကမ္ဘာပေါ်တွင် အကြီးမားဆုံးသော သစ်တောခုတ်ထွင် ရှင်းလင်းမှုကြီး ဖြစ်လာမည်ဖြစ်သည်ဟု ဆိုသည်။

“ဒီနေရာကြီးတစ်ခုလုံးမှာ ရှိသမျှ သစ်ပင်တွေအကုန်လုံးနဲ့ သားရဲတိရ စ္ဆာန်တွေ ဖယ်ရှားခံရတော့မှာကို စဉ်းစားကြည့်ပါ။ ကမ္ဘာပေါ်က အစိမ်းလန်းဆုံးနေရာတွေထဲမှာ ပါဝင်တဲ့နေရာတစ်ခု ပျောက်ကွယ်သွားတော့မှာ ဖြစ်ပါတယ်” ဟု အမေရိကန်မှ NGO အဖွဲ့တစ်ခုဖြစ်သော Mighty Earth ၏ အမှုဆောင်အရာရှိချုပ် Glenn Horowitz က ပြောသည်။

ဇီဝမျိုးကွဲတို့အပေါ် ယခုစီမံကိန်းက ဆိုးရွားပြင်းထန်သည့်အကျိုးသက်ရောက်မှုများ ဖြစ်လာစေမည်ဖြစ်ကြောင်း လည်း ၎င်းက ပြောသည်။

((ကမ္ဘာ့အကြီးမားဆုံးသော သစ်တောပြုန်းတီးမှုကြီး))

အင်ဒိုနီးရှားသည် ကမ္ဘာပေါ်တွင် တတိယအကြီးမားဆုံးသော မိုးသစ်တောများတည်ရှိရာ နေရာဖြစ်ပြီး ယခုစီစဉ်ထားသည့် သစ်တောခုတ်ထွင်ရှင်းလင်းမှုမှာလည်း ကမ္ဘာပေါ်တွင် အကြီးမားဆုံး သစ်တောခုတ်ထွင်မှုကြီး ဖြစ်လာမည် ဖြစ်သည်။

အင်ဒိုနီးရှားတွင် သားရဲတိရ စ္ဆာန်များမှသည် ရှားပါးသစ်ပင်မျိုးစိတ်များအထိ ကမ္ဘာပေါ်တွင် မျိုးတုန်းပျောက်ကွယ်တော့မည့် ရှားပါးမျိုးစိတ်များ တည်ရှိနေပြီး လူဝံများ၊ ဆင်များနှင့် ကြီးမားသော တောပန်းကြီးများ အပါအဝင် ဖြစ်သည်။

အင်ဒိုနီးရှားတွင် အစားအသောက်ထုတ်လုပ်မှုကဏ္ဍအပေါ် အလေးထားအာရုံစိုက်နေသည်မှာ ဆယ်စုနှစ် တစ်ခုကျော် ရှိခဲ့ပြီ ဖြစ်သည်။

အဆိုပါ စီမံကိန်းကို ယခင်သမ္မတဟောင်း ဂျိုကို ဝီဒိုဒိုလက်ထက်တွင် စတင်ခဲ့ခြင်း ဖြစ်သည်။

ဂျိုကို ဝီဒိုဒိုက စိုက်ခင်းများ အလုံးအရင်း ဖော်ဆောင်ခြင်းဖြင့် တိုင်းပြည်တွင် စားနပ်ရိက္ခာဖူလုံစေရန် ရည်မှန်းခဲ့ခြင်း ဖြစ်သည်။

လက်ရှိသမ္မတ ပရာဘိုဝို ဆူဘီယန်တို (Prabowo Subianto) ကလည်း ထိုစီမံကိန်းများကို ဆက်လက်ချဲ့ထွင်ရန် စီစဉ်လာခြင်း ဖြစ်သည်။

ကြံ (သို့မဟုတ်) ပြောင်းကဲ့သို့သော သီးနှံများမှ ထုတ်လုပ်သည့် ပြန်လည်ပြည့်ဖြိုးမြဲ လောင်စာဖြစ်သော ဘိုင်အို အီသနော ထုတ်လုပ်ရန် အဓိက ဦးတည်ခြင်း ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: World's largest deforestation: Indonesia to clear forests size of Belgium