တရုတ်ပြည်ရှိ လူငယ်တို့မှာ အိမ်ငှားနေထိုင်ခြင်းထက် ဟိုတယ်များတွင် နေထိုင်ကြမှု ပိုမိုများပြားလာလျက်ရှိ၊ ဟိုတယ်တွင် နေထိုင်ခြင်းမှာ အိမ်ငှားနေထိုင်ခြင်းအောက် ကုန်ကျစရိတ် ပိုမိုသက်သာသည်ဟုဆို

လူတို့သည် အမှတ်တရ အချိန်ကာလ အခိုက်အတန့်များကို high-end ဟိုတယ်ကြီးများတွင် တည်းခိုကာ luxury ဆန်စွာ ဖြတ်သန်းလေ့ရှိကြသည်။

သို့သော် တရုတ်ပြည်တလွှား နေရာအနှံ့အပြားတွင် အံ့အားသင့်ဖွယ် လမ်းကြောင်းတစ်ခု ခေတ်စားလာလျက် ရှိရာ လူအများစုမှာ အိမ်ငှားနေခြင်းထက် luxury ဟိုတယ်ကြီးများတွင် အချိန်ပြည့် နေထိုင်လာကြခြင်း ဖြစ်သည်။

တရုတ်ပြည်တလွှားရှိ ပြည်နယ်များစွာတွင် သမားရိုးကျ နေအိမ်ငှားရမ်း နေထိုင်ခြင်းထက် ဟိုတယ်များတွင် နေထိုင်သူများ အလွန်များပြားလာလျက် ရှိသည်။

ဟိုတယ်တွင် နေထိုင်ရခြင်းမှာ အိမ်ခန်းရှာဖွေရခြင်း၊ အိမ်ရှင်များနှင့် စကားပြောရခြင်း အစရှိသည့် ဒုက္ခများ မရှိတော့ကြောင်း များစွာသောသူတို့က ပြောကြသည်။

ဟိုတယ်တွင် နေထိုင်ရခြင်း၏ အဆင်ပြေချောမွေ့မှုနှင့် သက်သောင့်သက်သာရှိမှုတို့ကို ၎င်းတို့က နှစ်သက်ကြပြီး ဟိုတယ်တွင် နေထိုင်ရခြင်းမှာ နေအိမ်တစ်လုံး ဝယ်ယူရခြင်းအောက်ပင် ကုန်ကျစရိတ် သက်သာကြောင်း အချို့က ပြောကြသည်။

Audit Central ၏ အချက်အလက်များတွင်လည်း တရုတ်ပြည်တွင် နေအိမ်များထက် ဟိုတယ်များတွင် နေထိုင်သူ များပြားလာနေကြောင်း ဖော်ပြသည်။

၎င်းတို့သည် ဟိုတယ်များတွင် လပေါင်းများစွာ တည်းခိုနေထိုင်နေကြခြင်း ဖြစ်သည်။ အထူးသဖြင့် တရုတ်လူငယ်များအကြားတွင် ဖြစ်သည်။

ဟိုတယ်တွင် တည်းခိုနေထိုင်ရခြင်းမှာ စပေါ်ငွေ ပေးစရာမလိုသည့်အပြင် အကျိုးဆောင်ခလည်း ကုန်စရာ မရှိချေ။

အသက် ၂၄ နှစ်အရွယ်ရှိ gamer တစ်ဦးဖြစ်သူ ဟူက ပြောကြားသည်မှာ တိုက်ခန်းငှားရမ်းနေထိုင်မည်ဆိုလျှင် အိမ်လခ ယွမ် ၂၀၀၀ မှ ၃၀၀၀ ကြားရှိသည်ဟု ဆိုသည်။

ဟိုတယ်တွင် တည်းခိုခမှာ တစ်လလျှင် ယွမ် ၂၅၀၀ ဝန်းကျင်ဖြစ်ကာ ရေဖိုး၊ မီးဖိုးအစရှိသည့် ထပ်ဆောင်းကုန်ကျစရိတ်များ မရှိသောကြောင့် အိမ်ငှားနေရခြင်းအောက် ပိုမိုသက်သာကြောင်း ၎င်းက ပြောသည်။

((ဟိုတယ်၏ amenities များနှင့် အဆင်ပြေလွယ်ကူမှုများ))

ဟိုတယ်ကို အိမ်ထက် သဘောကျကျသည့် အဓိကအချက်မှာ အဆင်ပြေလွယ်ကူမှုများကြောင့် ဖြစ်သည်။

ဟိုတယ်အများစုတွင် WiFi ၊ ပုံမှန် housekeeping ၊ သက်သောင့်သက်သာရှိသောအိပ်ယာ၊ အခန်းဝန်ဆောင်မှု၊ ၂၄ နာရီ ဝန်ဆောင်မှုနှင့် လုံခြုံရေး အစရှိသည်တို့ကို သီးသန့်ကုန်ကျစရာမလိုချေ။

အိမ်ရှင်နှင့် အချေအတင် စကားပြောရခြင်းမျိုးလည်း မရှိ။

နေအိမ် မွမ်းမံထိန်းသိမ်းမှုအတွက်လည်း စိတ်ပူရန် မရှိ။

ထို့အပြင် ဟိုတယ်များသည် အများအားဖြင့် အချက်အခြာကျသော နေရာများတွင် တည်ရှိသောကြောင့် မြေအောက် ဘူတာရုံများ၊ ဈေးဝယ်စင်တာများ၊ စားသောက်ဆိုင်များနှင့် ဈေးများသို့ အလွယ်တကူ သွားရောက်နိုင်သည်။

ထိုသို့သော နေရာမျိုးတွင် အိမ်ငှားနေထိုင်မည်ဆိုပါက အိမ်လခ အဆမတန် ပေးရမည် ဖြစ်သည်။

ဟိုတယ်တွင်နေထိုင်ကြသည့် တရုတ်လူငယ်တို့က အဆိုပါ အကျိုးကျေးဇူးများကို ထောက်ပြကြသည်။

၎င်းတို့အနေဖြင့် အိမ်သန့်ရှင်းရေးအတွက် အချိန်ကုန်စရာမလို၊ ရေဖိုးမီးဖိုးလည်း ကုန်စရာမရှိ။

ဟိုတယ်တွင် တည်းခိုနေထိုင်လျှင် စိတ်ကျေနပ်ဖွယ် မနက်စာလည်း ရသေးသည်။ Budget ဟိုတယ်များတွင် တည်းခိုမည်ဆိုလျှင် ကုန်ကျစရိတ် ပိုမို၍ပင် သက်သာသေးသည်။

Budget ဟိုတယ်များတွင် တည်းခိုလျှင်ပင် အိမ်ငှားနေရခြင်းထက် quality of life ပိုမိုမြင့်မားနေသေးသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Cheaper Than Renting: Why Young People Are Ditching Homes For Hotels