တရုတ်ပြည်တွင် ခြေအိတ်များကို နမ်းကြည့်တတ်သည့်အကျင့်ရှိသော ရုံးဝန်ထမ်းအမျိုးသားမှာ အဆုပ်တွင် မှိုစွဲသည့်ရောဂါခံစားရသည့်ဖြစ်ပုံ

တရုတ်ပြည်တွင် မိမိ၏ ညစ်ပေနေသာ ခြေအိတ်များကို နေ့စဉ်နမ်းကြည့်တတ်သော အမျိုးသားတစ်ဦးမှာ အဆုပ်တွင် မှိုစွဲသည့်ရောဂါခံစားလာရသည့်ဖြစ်ရပ် နာမည်ကြီးနေသည်။

တရုတ်ပြည်၊ ချုံကင်းမြို့ရှိ သက်လတ်ပိုင်းအရွယ် ရုံးဝန်ထမ်းအမျိုးသားတစ်ဦးမှာ အဆုပ်နှင့် ပတ်သက်သည့် ဝေဒနာခံစားခဲ့ရပြီးနောက် ဆေးရုံတင်လိုက်ရကြောင်း Sinar Harian က ဖော်ပြသည်။

CT နှင့် MRI scan များဖြင့် စစ်ဆေးကြည့်ခဲ့ရာ သူ၏ အဆုပ်ညာဘက်အောက်ခြေတွင် သံသယဖြစ်ဖွယ် အမဲပြောက်တစ်ခု တွေ့ရှိခဲ့သည်။

မှန်ပြောင်းကြည့် စစ်ဆေးချက်အရ အဆုပ်တွင် Aspergillus မှိုစွဲသည့်ရောဂါဖြစ်ပွားနေကြောင်း တွေ့လာသည်။

(မှတ်ချက်။ Aspergillus သည် မှိုတစ်မျိုးဖြစ်ပြီး အသက်ရှူရာမှတဆင့် အဆုပ်အတွင်းသို့ ရောက်ရှိလေ့ရှိသည်။ လူအများစုတွင် ဝေဒနာခံစားရခြင်းမျိုး မရှိသော်လည်း ကိုယ်ခံအားနည်းသူများနှင့် အဆုပ်ရောဂါရှိသူတို့တွင်မူ အပျော့စားမှ အလတ်စား ရောဂါလက္ခဏာများ ခံစားရတတ်သည်။)

Aspergillus မှိုသည် အသက်ရှုလမ်းကြောင်းကို အဓိကအန္တရာယ်ပေးသည်။

သစ်ရွက်ဆွေးများ၊ မြေဆွေးများတွင် တွေ့ရလေ့ရှိသည်။

ထိုအမျိုးသား၏ နေထိုင်မှုအလေ့အထကို ဆရာဝန်တို့က မေးမြန်းရာ ရုံးမှ ပြန်လာလျှင် ခြေအိတ်များအား မလျှော်မီတွင် နမ်းကြည့်လေ့ရှိသည့်အကြောင်း သိလာခြင်း ဖြစ်သည်။

သူ၏ ခြေအိတ်များကို စစ်ဆေးကြည့်ရှုရာတွင် Aspergillus မှိုများ တွေ့ရှိခဲ့သည်။

ထို့ကြောင့် ရောဂါဖြစ်ပွားရခြင်း၏ အကြောင်းရင်းမှာ ခြေအိတ်များကို နမ်းကြည့်ခြင်းကြောင့် ဖြစ်ကြောင်း အတည်ပြုနိုင်ခဲ့သည်။

အသုံးပြုထားသော ခြေအိတ်များတွင် ချွေး၊ ဆားနှင့် ယူရီးယားဓာတ်တို့ ရှိနေသည်။

ဖိနပ်များထဲတွင် နွေးထွေးစိုစွတ်နေပါက မှိုများပေါက်ဖွားရန် ဝန်းကျင်ကောင်းဖြစ်သည်။

ဘက်တီးရီးယားများကို ရှူသွင်းမိကာ နှာခေါင်း၊ လည်ချောင်းနှင့် အဆုပ်အတွင်းသို့ ရောက်ရှိသွားပါက ရေရှည်ကျန်းမာရေးပြဿနာများ ဖြစ်ပေါ်လာနိုင်သည်။

အသုံးပြုပြီးဖြစ်သော ခြေအိတ်များထဲတွင် မှိုများရှိနေနိုင်ပြီး ခြေအိတ်တို့ကို ရှူရှိုက်မိပါက မှိုနှင့် အခြားအန္တရာယ်ရှိ ဘက်တီးရီးယားများကို ရှုသွင်းမိနိုင်သည့် အလားအလာရှိသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Sock sniffing habit results in lung infection for man in China