ငလျင်လှုပ်ချိန်တွင် နေအိမ် အဆောက်အအုံများကို လေအိတ်ဖြင့် ပင့်မ ပေးထားကာ ထိခိုက်ပျက်စီးမှုမရှိစေရန် ကာကွယ်ပေးသည့် ဂျပန်နည်းပညာအကြောင်း

ဂျပန်သည် ငလျင်ဒဏ်ခံ အဆောက်အအုံများ ဆောက်လုပ်ခြင်းနှင့် စပ်လျဉ်းပြီး ထိပ်တန်းတွင် ဦးဆောင်နေသော နိုင်ငံတစ်ခု ဖြစ်သည်။

၎င်းတို့၏ နိုင်ငံသားများကို ငလျင်ဘေးမှကာကွယ်ရန် တီထွင်ဆန်းသစ်သည့်နည်းလမ်းများ အမြဲတစေ ကြံဆလျက်ရှိသည်။

အဆိုပါနည်းပညာများအနက် အထင်ရှားဆုံးမှာ Air Danshin Systems Inc က တီထွင်ခဲ့သည့် ငလျင်လှုပ်ချိန်တွင် နေအိမ်ကို ပင့်မ ပေးထားသော နည်းပညာဖြစ်သည်။

ယင်း နည်းပညာတွင် ငလျင်လှုပ်ချိန်၌ ဖိသိပ်ထားသော လေ (Compressed Air) ဖြင့် နေအိမ်ကို ပင့်မြှောက်ပေးထားကာ ထိခိုက်ပျက်စီးမှုကို ထိရောက်စွာ လျှော့ချပေးနိုင်သည်။

ယခုနည်းပညာမှာ နေအိမ်ဆောက်လုပ်မှုနှင့် ငလျင်ဒဏ် ကာကွယ်ရေးဆိုင်ရာကဏ္ဍအတွက် ကမ္ဘာလုံးဆိုင်ရာ စံနှုန်းသစ်တစ်ခု ဖြစ်လာဖွယ်ရာ ရှိသည်။

Air Danshin ၏ ငလျင်ဒဏ်ခံနည်းပညာတွင် တုန်ခါမှုကို ထောက်လှမ်းသိရှိသည်နှင့် တပြိုင်နက် နေအိမ် အဆောက်အအုံကို မြေပေါ်မှ အနည်းငယ် ပင့်မြှောက်ပေးထားခြင်း ဖြစ်သည်။

ထိုစနစ်တွင် ပါဝင်သည်မှာ ….

● ငလျင် အာရုံခံ ကိရိယာများ (seismic sensors)

● လေဖိနှိပ်မှု စနစ် (Air Compressor System) ငလျင်ကို ထောက်လှမ်းသိရှိသည်နှင့်တပြိုင်နက် နေအိမ်အဆောက်အအုံအောက်တွင် ထားရှိသော လေအိတ် (Air Bag) ကို compressor က ချက်ချင်းလေဖြည့်ပေးသည်။ ● မြေပေါ် ပင့်မြှောက်ပေးထားသည့်စနစ် (Levitating Mechanism)

လေအိတ်သည် အဆောက်အအုံတစ်ခုလုံးကို မြေပေါ်မှ ၃ စင်တီမီတာခန့် ပင့်မြှောက်ပေးထားသည်။ ငလျင်လှိုင်းများကြောင့် အဆောက်အအုံ ပြိုကျသည်အထိ လှုပ်ခါသည့်အန္တရာယ်မှ ကာကွယ်ပေးသည်။

● အလိုအလျောက် လေပြန်လျှော့ခြင်း (Automatic Deflation) ငလျင်လှုပ်ခတ်မှု ပြီးဆုံးသွားသည်နှင့် လေအိတ်မှာ အလိုအလျောက် တဖြည်းဖြည်းချင်း လေပြန်လျော့သွားပြီး နေအိမ်အဆောက်အအုံမှာ အောက်ခံဖောင်ဒေးရှင်းဆီသို့ ထိခိုက်မှုမရှိဘဲ အန္တရာယ်ကင်းစွာ ပြန်ရောက်သွားမည် ဖြစ်သည်။

ယခုနည်းပညာမှာ သမားရိုးကျ နည်းလမ်းများဖြစ်သော base isolator များ (သို့မဟုတ်) shock-absorbing ဖောင်ဒေးရှင်းများနှင့် မတူ။

ဤနည်းပညာမှာ structural reinforcement တစ်ခုတည်းအပေါ် မှီခိုမထား။ ငလျင်လှုပ်ခတ်သည့်အခါတွင်မှ လက်တွေ့တုံ့ပြန်မှု လုပ်ဆောင်ပေးခြင်း ဖြစ်သည်။

((လက်တွေ့ရလဒ်များ))

Air Danshin ၏ နည်းပညာကို ဂျပန်နိုင်ငံတဝန်းရှိ နေအိမ် ရာပေါင်းများစွာတွင် အသုံးပြုထားပြီး ဖြစ်သည်။

အဆိုပါနည်းပညာ၏ ထိရောက်မှုကို အထင်ရှားဆုံးတွေ့ရသည်မှာ ပြင်းအား ၇ ဒသမ ၃ ရှိ လှုပ်ခတ်ခဲ့မှုတွင် ဖြစ်သည်။

Air Danshin ၏ နည်းပညာအသုံးပြုထားသော နေအိမ်အားလုံး ထိခိုက်ပျက်စီးမှု မရှိခဲ့ကြချေ။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: Japanese Levitating House System Could Protect Homes From Earthquakes