မြန်မာနိုင်ငံတွင် ငလျင်ကြောင့် ပျက်စီးခဲ့ရသည့် အခြေခံ အဆောက်အအုံများ ပြန်လည်ဆောက်လုပ်ရေး အတွက် အကူအညီပေးမည်ဟု အိန္ဒိယကတိပြု

မြန်မာနိုင်ငံတွင် အင်အားပြင်းထန်သည့် ငလျင်ကြီးလှုပ်ခတ်မှုကြောင့် လူပေါင်း ၃၀၀၀ ကျော် (ကိန်းဂဏန်းအတိအကျမှာ အချိန်အလိုက် အမျိုးမျိုးပြောင်းလဲနိုင်) သေဆုံးခဲ့ရသည့်အပြင် အခြေခံအဆောက်အအုံများနှင့် ယဉ်ကျေးမှုဆိုင်ရာ အထင်ကရ အဆောက်အအုံများ ပြိုကျပျက်စီးခဲ့ရသည်။

အခြေခံအဆောက်အအုံများနှင့် ယဉ်ကျေးမှုအဆောက်အအုံများ ပြန်လည်ဆောက်လုပ်ရေးအတွက် မြန်မာနိုင်ငံနှင့် နီးကပ်စွာထိတွေ့ဆောင်ရွက်သွားမည်ဖြစ်ကြောင်း မြန်မာနိုင်ငံဆိုင်ရာ အိန္ဒိယ သံအမတ်ကြီးက ပြောကြားသည်။

မြန်မာနိုင်ငံဆိုင်ရာ အိန္ဒိယသံအမတ်ကြီး Abhay Thakur က PTI Videos သို့ ကြာသပတေးနေ့က ပြောသည်မှာ ရခိုင်ပြည်နယ်မှ မဟာမုနိဘုရားကြီး၊ မန္တလေးနန်းတော်၊ ဦးပိန်တံတားတို့အပြင် နေပြည်တော်ရှိ အမျိုးသားပြတိုက်နှင့် အစိုးရအဆောက်အအုံများမှာ ထိခိုက်ပျက်စီးမှုများ ဖြစ်ပေါ်ခဲ့ကြောင်း ပြောသည်။

“မြန်မာနိုင်ငံဟာ အိန္ဒိယဆီကနေ အထောက်အကူနဲ့ ဖွံ့ဖြိုးမှုဆိုင်ရာ အကူအညီရှာဖွေလိမ့်မှာ ဖြစ်ပါတယ်။ ကျွန်တော်တို့ အနေနဲ့ သူတို့ရဲ့ လိုအပ်ချက်တွေနဲ့ ပတ်သက်ပြီး ဆွေးနွေးသွားမှာ ဖြစ်ပါတယ်။ ဒါပေမယ့် ကျွန်တော် အသေအချာ ပြောနိုင်တာကတော့ ပြန်လည်ထူထောင်ရေးနဲ့ ပြန်လည်ဆောက်လုပ်ရေး လုပ်ငန်းစဉ်တွေအတွက် မြန်မာနဲ့ နီးကပ်စွာ ထိတွေ့ဆောင်ရွက်သွားမှာ ဖြစ်ပါတယ်” ဟု သံအမတ်ကြီးက ပြောသည်။ အိန္ဒိယ၏ ‘အိမ်နီးချင်း ပထမ’ နှင့် ‘Act East’ မူဝါဒများအရ မြန်မာနိုင်ငံမှာ အရေးပါကြောင်းလည်း သံအမတ်ကြီးက ပြောသည်။

“ဆက်ပြောရမယ်ဆိုရင် အိန္ဒိယဟာ မြန်မာနိုင်ငံကို ချက်ချင်းအရေးပေါ် ကူညီတဲ့ အဆင့်မှာသာမကဘဲ ပြန်လည်ထူထောင်ရေးနဲ့ ပြန်လည်ဆောက်လုပ်ရေး အဆင့်မှာပါ ကူညီသွားဖို့ ကတိပြုပါတယ်” ဟု သံအမတ်ကြီး Thakur က ဆက်လက်ပြောကြားသည်။

မြေငလျင်ကြောင့် ထိခိုက်ဆုံးရှုံးမှုများ ကြီးမားစွာဖြစ်ပေါ်ခဲ့ပြီး အထူးသဖြင့် မြန်မာနိုင်ငံအလယ်ပိုင်းဒေသများ ဖြစ်သော စစ်ကိုင်းနှင့် မန္တလေးတို့တွင် တံတားကျိုးကျမှုများလည်း ဖြစ်ပေါ်ခဲ့သည်။

မြန်မာနိုင်ငံမှ လိုအပ်ချက်များအတွက် မြန်မာပြည်နှင့် နီးကပ်စွာထိတွေ့ ဆောင်ရွက်သွားမည်ဖြစ်ကာ အသေးစိတ်အစီအစဉ်များကို ဆွေးနွေးသွားမည်ဟု ဆိုသည်။

အခြေခံအဆောက်အအုံများနှင့် ယဉ်ကျေးမှုအဆောက်အအုံများ ပြန်လည်ဆောက်လုပ်ရေး ချဉ်းကပ်ရာတွင် အသေးစိတ်အစီအစဉ်များအတွက် နှစ်နိုင်ငံ ဆွေးနွေးမည်ဟု သံအမတ်ကြီးက ဆိုသည်။

“ကျွန်တော်တို့ဟာ အထင်ကရဖြစ်ပြီး မဟာဗျူဟာအရ အရေးပါတဲ့ စီမံကိန်းတွေ အကောင်အထည်ဖော်နေတာ ရှိပါတယ်။ ကုလားတန် multi-modal transit transport project နဲ့ အိန္ဒိယ-မြန်မာ-ထိုင်း ၃ နိုင်ငံဖြတ်ကျော် အဝေးပြေးလမ်းမ စီမံကိန်းတွေ ပါဝင်ပါတယ်။” ဟု ၎င်းက ပြောသည်။

ကုလားတန်စီမံကိန်းမှာ အိန္ဒိယနိုင်ငံ အရှေ့မြောက်ပိုင်း ပြည်နယ်များအား မြန်မာနိုင်ငံရှိ စစ်တွေဆိပ်ကမ်းနှင့် ဆက်သွယ်ပေးမည့် စီမံကိန်းဖြစ်ပြီး multi-modal transit corridor အဖြစ် ရည်ရွယ်ထားသည်။

၃ နိုင်ငံဖြတ်ကျော် အဝေးပြေးလမ်းမကြီးမှာ အိန္ဒိယ-မြန်မာ- ထိုင်းနိုင်ငံတို့အကြား ကုန်သွယ်ရေး ချိတ်ဆက်မှုများ မြှင့်တင်ပေးရန် ရည်ရွယ်ပြီး အိန္ဒိယ၏ အကူအညီဖြင့် လုပ်ငန်းအကောင်အထည်ဖော် တိုးတက်မှုများ ရှိနေသည်။

မြန်မာ့ငလျင်အတွက် အိန္ဒိယက အရေးပေါ်ကူညီမှုများ ပြုလုပ်ထားရာ အစားအသောက်၊ ဆေးဝါးနှင့် အရေးပေါ် ထောက်ပံ့ပစ္စည်းများ တန်ချိန် ၁၀၀၀ ကျော် ပေးပို့ထားပြီး ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: India Pledges Support for Myanmar Earthquake Reconstruction