ကမ္ဘာပေါ်မှာ အိမ်ဘယ်နှစ်လုံးရှိလဲ။ ဘယ်နိုင်ငံက အိမ်အများဆုံးလဲ

၂၀၂၃ ခုနှစ် အချက်အလက်များအရ ကမ္ဘာပေါ်တွင် လူဦးရေ ၈ ဒသမ ၀၆၂ ဘီလီယံရှိကြောင်း ကျွန်ုပ်တို့ သိရှိထားကြသည်။ အဆိုပါ လူဦးရေပမာဏသည် မည်သို့မည်ပုံ နေထိုင်ကြသနည်း။ ကမ္ဘာပေါ်တွင် နေအိမ်အလုံးရေ မည်မျှရှိသနည်း။ အိမ်တစ်လုံးတွင် လူဦးရေမည်မျှ နေထိုင်ကြသနည်း။ အိမ်မရှိသူ မည်မျှရှိနေသနည်း။…..အစရှိသည့်အချက်များကို လေ့လာသွားပါမည်။ ((ကမ္ဘာပေါ်မှာ အိမ်ဘယ်နှစ်လုံးရှိလဲ))

 

ကမ္ဘာပေါ်ရှိ နေအိမ်အတိအကျကို သိနိုင်ရန် မလွယ်ကူချေ။ နိုင်ငံအသီးသီးမှ အချက်အလက်များစွာကို ကောက်ယူတွက်ချက်ရမည့် ကျယ်ပြန့်သော လုပ်ငန်းစဉ်ကြီးဖြစ်သည်။ သို့သော် လူဦးရေနှင့် သန်းခေါင်စာရင်းအချက်အလက်များ၊ ပျမ်းမျှအိမ်ထောင်စုအရွယ်အစား အစရှိသည်တို့ အပေါ် အခြေခံကာ သုတေသီများက ခန့်မှန်းကြခြင်းဖြစ်ပြီး ၂၀၂၁ ခုနှစ်အထိ အချက်အလက်များအရ ကမ္ဘာပေါ်တွင် နေအိမ်ပေါင်း ၂ ဒသမ ၂ ဘီလီယံမှ ၂ ဒသမ ၃ ဘီလီယံကြား ရှိနိုင်ကြောင်း ခန့်မှန်းထားသည်။ ((ဘယ်နိုင်ငံတွေက အိမ်အများဆုံးလဲ))

 

ကမ္ဘာပေါ်တွင် လူဦးရေအများဆုံးနိုင်ငံမှာ အိန္ဒိယနိုင်ငံဖြစ်သည်။

၂၀၂၂ ခုနှစ်အချက်အလက်များအရ အိန္ဒိယ၏ လူဦးရေမှာ တရုတ်ပြည်ကို ဖြတ်ကျော်ခဲ့ကာ လူဦးရေ ၁ ဒသမ ၄၆ ဘီလီယံအထိ ရှိလာခဲ့သည်။ တရုတ်ပြည်မှာ လူဦးရေ ၁ ဒသမ ၄ ဘီလီယံဖြင့် ကမ္ဘာပေါ်တွင် ဒုတိယလူဦးရေအများဆုံးနိုင်ငံအဖြစ် ရပ်တည်နေသည်။ ၂၀၂၁ ခုနှစ်အချက်အလက်များအရ တရုတ်ပြည်သည် ကမ္ဘာပေါ်တွင် နေအိမ်အများဆုံးနိုင်ငံဖြစ်ပြီး နေအိမ်ပေါင်း ၆၅၈ သန်းခန့်ရှိသည်ဟု ခန့်မှန်းထားသည်။ ဆန့်ကျင်ဘက်အနေဖြင့် Bermuda နှင့် Liechtenstein တို့မှာ ကမ္ဘာပေါ်တွင် နေအိမ်အနည်းဆုံး နိုင်ငံများဖြစ်ပြီး နေအိမ်ပေါင်း ၂၈၁၃၄ နှင့် ၁၆၇၀၀ တို့သာ အသီးသီးရှိသည်။ ကမ္ဘာ့တိုက်ကြီးများနှင့် ဒေသကြီးများအလိုက် နေအိမ်ပမာဏကို ကြည့်မည်ဆိုလျှင် အောက်ပါအတိုင်း ဖြစ်သည်။ အာဖရိက- နေအိမ်ပေါင်း သန်း ၂၆၀ အာရှ- ၁ ဒသမ ၃ ဘီလီယံ Australasia ဒေသ- ၁၃ သန်း ကာရစ်ဘီယံ- ၁၂ သန်း ဗဟိုအမေရိက-၄၃ သန်း ဥရောပ ၂၄၂ သန်း အရှေ့အလယ်ပိုင်း-၃၄ သန်း မြောက်အမေရိက -၁၄၈ သန်း တောင်အမေရိက-၁၂၅ သန်း တို့ဖြစ်သည်။ ((အိမ်ထောင်စု အရွယ်အစား))

အိမ်ထောင်စုအရွယ်အစား အသေးငယ်ဆုံး ထိပ်တန်း ၁၁ နိုင်ငံအနက် ၁၀ နိုင်ငံမှာ ဥရောပနိုင်ငံများ ဖြစ်သည်။ ကမ္ဘာပေါ်တွင် ဂျာမနီသည် အိမ်ထောင်စုအရွယ်အစား အသေးငယ်ဆုံးနိုင်ငံဖြစ်ပြီး အိမ်ထောင်တစ်စုလျှင် ပျမ်းမျှလူဦးရေ ၂ ဒသမ ၀၅ ဦးသာ ရှိသည်။ ဆန့်ကျင်ဘက်အနဖြင့် အိမ်ထောင်စုအကြီးဆုံးထိပ်တန်း ၁၀ နိုင်ငံမှာ အဓိကအားဖြင့် အာရှ၊ အာဖရိကနှင့် အရှေ့အလယ်ပိုင်းဒေသများမှ ဖြစ်သည်။ ကမ္ဘာပေါ်တွင် အိမ်ထောင်စုအရွယ်အစား အကြီးမားဆုံးနိုင်ငံမှာ ဆီနီဂေါဖြစ်ပြီး အိမ်ထောင်တစ်စုလျှင် ပျမ်းမျှလူဦးရေ ၈ ဒသမ ၆၆ ဦး ရှိသည်။ ((ကမ္ဘာပေါ်မှာ အိမ်ရာမဲ့ ဘယ်လောက်ရှိနေလဲ))

 

ကုလသမဂ္ဂက ၂၀၀၅ ခုနှစ်တွင် ထုတ်ပြန်ခဲ့သော အစီရင်ခံစာတစ်ရပ်အရ ကမ္ဘာပေါ်တွင် အိမ်ရာမဲ့ဦးရေ ခန့်မှန်းချေ သန်း ၁၀၀ ခန့်ရှိသည်ဟု ဆိုသည်။ အိန္ဒိယတစ်နိုင်ငံတည်းတွင်ပင်လျှင် အိမ်ရာမဲ့ဦးရေ ၇၈ သန်းရှိသည်ဟု ကုလသမဂ္ဂ၏ အစီရင်ခံစာတွင် ဖော်ပြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com Ref: How many houses are in the world?