မလေးရှားတွင် လူမှုကွန်ရက် influencer မိန်းကလေးတစ်ဦးက ငွေအိတ်လိုက် သယ်ယူလာကာ ရွှေ ၉ ပိဿာကျော် ကြွားလုံးထုတ် ဝယ်ယူပြခဲ့သည့် ဗွီဒီယိုဖိုင် မလေးရှားလူမှုကွန်ရက်သုံးစွဲသူတို့ကြား ဂယက်ရိုက်နေ

မလေးရှားတွင် လူမှုကွန်ရက် နာမည်ကြီး မိန်းကလေးတစ်ဦးက ရွှေဆိုင်တစ်ဆိုင်သို့သွားကာ ရွှေဝယ်ပုံကို ဗွီဒီယိုဖိုင်ရိုက်ကူးထားပြီး TikTok လူမှုကွန်ရက်တွင် လွှင့်တင်ခဲ့မှုမှာ လူမှုကွန်ရက်သုံးစွဲသူတို့ကြား နာမည်ကြီးနေသည်။

၎င်းဝယ်ယူသည်မှာ ငါးကျပ်သား၊ တစ်ဆယ်သားမျှမဟုတ်။

၁၅ ကီလိုဂရမ် ( ၉ ပိဿာကျော်) အထိ ဝယ်ယူကာ မိမိမည်မျှချမ်းသာကြောင်း ကြွားလုံးထုတ်ခဲ့ခြင်း ဖြစ်ရာ လူမှုကွန်ရက်သုံးစွဲသူတို့ စိတ်မသက်မသာ ခံစားခဲ့ကြရသည်။

TikTok လူမှုကွန်ရက်တွင် @ayunieso24 အမည်ရှိအကောင့်က ထိုဗွီဒီယိုဖိုင်ကို တင်ခဲ့ခြင်းဖြစ်ပြီး မတ်လ ၃၁ ရက်အထိ ကြည့်ရှုမှုအကြိမ်ရေ ၂ ဒသမ ၇ သန်း၊ Like ပေးသူ 44300 ကျော်နှင့် မှတ်ချက်ပြုမှုပေါင်း ၂၈၀၀ ကျော်ရှိသည်။

လူမှုကွန်ရက်သုံးစွဲသူအများစု မှတ်ချက်ပြုသည်မှာ အဆိုပါမိန်းကလေး၏ ကြွယ်ဝမှုရင်းမြစ်ကို သံသယရှိကြောင်း မှတ်ချက်ပြုကြသည်။

၉၂ စက္ကန့်ကြာ ဗွီဒီယိုဖိုင်တွင် တွေ့ရှိရမှုအရ Ayunie အမည်ရှိ မိန်းကလေးနှင့် သူ၏ခင်ပွန်းတို့သည် ငွေစက္ကူ အပြည့်ပါသော ကြီးမားသည့် luggage ကြီးတစ်ခုကို တွန်းလာကြပုံ တွေ့ရသည်။

Ayunie က ရွှေဆိုင်ဝန်ထမ်းကို ပြောသည်မှာ ရွှေမည်မျှ များပြားစွာ ဝယ်ယူလိုကြောင်း ပြောသည်။

၎င်းက ဆက်လက်ရှင်းပြသည်မှာ ရွှေဈေး တက်ရိပ်ပြနေသောကြောင့် အလုံးအရင်း ဝယ်ယူထားရန် ဆုံးဖြတ်ရခြင်းဖြစ်သည်ဟု ဆိုသည်။

ရွှေဈေး ယခုထက်ခေါင်ခိုက်မလာမီ ရင်းနှီးမြှုပ်နှံမှုပြုလုပ်ခြင်းဖြစ်ကြောင်းလည်း Ayunie က ပြောသည်။

သို့သော် ရွှေဆိုင်ဝန်ထမ်းက ၆ ကီလိုဂရမ် ( ၃ ပိဿာခွဲကျော်) သာ ဝယ်ယူခွင့်ပေးခဲ့သည်။

ထို့ကြောင့် Ayunie က အခြားဆိုင်များတွင် ၉ ကီလိုဂရမ် (၅ ပိဿာခွဲခန့်) ဆက်လက်ဝယ်ယူရန် စီစဉ်ခဲ့သည်။

လူမှုကွန်ရက် သုံးစွဲသူအချို့၏ မှတ်ချက်ပြုမှုများအရ Ayunie ကနဦး ဝယ်ယူခဲ့သော ၆ ကီလိုဂရမ်မှာ ရင်းဂစ် ၂ ဒသမ ၅ သန်းဖိုးခန့်ရှိသည်ဟု ဆိုသည်။

Zam Zam Allakazam အမည်ဖြင့် TikTok သုံးစွဲသူက မှတ်ချက်ပြုသည်မှာ “LHDN ကတော့ ဒီဗွီဒီယိုကို ကြည့်ချင်မှာပါ” ဟု ဆိုသည်။

(မှတ်ချက်။ LHDN မှာ )

Influencer တို့သည် ဝင်ငွေကြီးမားစွာ ရရှိနေသော်လည်း အခွန်ဆောင်ရန် ပျက်ကွက်နေသည့် သတင်းများအား ၎င်းက ရည်ညွှန်းခြင်း ဖြစ်သည်။

Cupapi Munyanyo အမည်ဖြင့် TikTok သုံးစွဲသူတစ်ဦးက မှတ်ချက်ပြုသည်မှာ အာဏာပိုင်များ အနေဖြင့် influencer များကို စုံစမ်းစစ်ဆေးမှုများ ပြုလုပ်မည်ဟု မျှော်လင့်ကြောင်း၊ ၎င်းတို့သည် ငွေကို ရေလိုသုံးနေကြကြောင်း၊ ၎င်းတို့၏ ဝင်ငွေမှာ သုံးဖြုန်းနေသလောက် မရှိနိုင်သဖြင့် မသင်္ကာဖွယ်ရာ ဖြစ်ကြောင်း မှတ်ချက်ပြုသည်။

အဆိုပါ မှတ်ချက်များကို Ayunie က တုံ့ပြန်သည်မှာ စိတ်မပှူရန်နှင့် မိမိမှာ ငွေကြေးခဝါချမှုများတွင် မပါဝင်ကြောင်း ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Local influencer spends millions of ringgit to purchase 15kg of gold, get slammed by netizens