ပြည်ပ အိမ်ခြံမြေ သတင်း | Posted by အေးမြတ်သူ
တရုတ်ပြည်အခြေစိုက် ထွန်းသစ်စ AI ကုမ္ပဏီဖြစ်သော DeepSeek ၏ Powerful ဖြစ်သည့်အပြင် ကုန်ကျစရိတ်နည်းပါးသော AI model R1 သည် ကမ္ဘာကိုကိုင်လှုပ်နိုင်ခဲ့သည်အထိ ကြီးမားသည့်အောင်မြင်မှုကြီး ရရှိထားသည်။
ယခုအခါ DeepSeek က အရေးပါသည့် အချက်အလက်များ မပေါက်ကြားစေရေးအတွက် ကုမ္ပဏီမှ အဓိက ဝန်ထမ်းများ၏ ပတ်စ်ပို့များကို သိမ်းယူထားသည်ဟု ဆိုသည်။
The Verge သတင်းဌာနမှ AI သတင်းထောက် Kylie Robison ၏ ပြောပြချက်အရ လျှို့ဝှက်သတင်း အချက်အလက်များ လုံခြုံစေရေးအတွက် ရည်ရွယ်ကာ DeepSeek မှ အင်ဂျင်နီယာများမှာ ခရီးသွားလာမှု ကန့်သတ်ခံရခြင်းများ ရင်ဆိုင်နေရသည်ဟု ဆိုသည်။
အရေးကြီးသော လျှို့ဝှက်အချက်အလက်များတွင် ကုန်သွယ်ရေးနှင့် နိုင်ငံတော်လျှို့ဝှက်ချက်များ ပါဝင်နိုင် သည်ဟုလည်း Kylie က ပြောသည်။
တစ်ကမ္ဘာလုံးတွင် AI နည်းပညာနှင့် စပ်လျဉ်းပြီး အပြိုင်အဆိုင်အလွန်တရာ ပြင်းထန်နေသော လက်ရှိကာလမျိုးတွင် AI နှင့် ပတ်သက်သည့် intellectual property ကာကွယ်နိုင်ရေးအပေါ် ရတက်မအေးဖြစ်မှုများ မြင့်တက်လာနေသည်။
DeepSeek က အခြားကမ္ဘာကျော် AI ကုမ္ပဏီများဖြစ်သော OpenAI , Google DeepMind တို့နှင့် ပြိုင်ဖက်ဖြစ်နေသည်။
AI ဖြင့် လုပ်ဆောင်မှုများတွင် Chatbot များ၊ content ထုတ်လုပ်မှုများနှင့် အခြားသော AI ဖြင့် လုပ်ဆောင်သည့် Tool များ ပါဝင်သည်။
DeepSeek သည် app store များတွင် ကမ္ဘာ့ပြိုင်ဖက်များကို ဖြတ်ကျော်ကာ လျင်မြန်စွာပင် အထင်ကရ နံပါတ် ၁ app တစ်ခု ဖြစ်လာသည်။
The Information ၏ ဖော်ပြချက်အရ DeepSeek သည် ကမ္ဘာ့အဆင့်အထိ ရုတ်ချည်းလျင်မြန်စွာ အောင်မြင်မှုကြီးကြောင့် တရုတ်ပြည်တွင် အမျိုးသားရတနာတစ်ပါးအဖြစ် သတ်မှတ်ခံရသည်ဟု ဆိုသည်။
DeepSeek မှ အင်ဂျင်နီယာများသည် ၎င်းတို့၏ ပတ်စ်ပို့များ အပ်နှံထားကြရကြောင်း၊ တရုတ်အခြေစိုက် AI ကုမ္ပဏီသည် စွမ်းဆောင်ရည်မြင့်မားသော AI model ကို ယခုနှစ်အစောပိုင်းတွင် ချပြခဲ့မှုမှာ ကမ္ဘာတဝန်း ထိပ်တန်းသတင်းကြီးဖြစ်ကာ စတော့ဈေးကွက်များကို ကိုင်လှုပ်ခဲ့သည်အထိ ဂယက်ရိုက်ခဲ့သည်။
အထက်ပါဖြစ်ရပ်များ ဖြစ်ပေါ်ပြီးနောက်ပိုင်း ယခုအခါ အရေးပါသော ဝန်ထမ်းအချို့ကို ပတ်စ်ပို့များ သိမ်းယူလာခြင်းဖြစ်ကြောင်း The Information က ဖော်ပြသည်။
ခရီးသွားလာမှု တားမြစ်ရခြင်းမှာ ကုန်သွယ်ရေးလျှို့ဝှက်ချက်များ၊ နိုင်ငံတော်လျှို့ဝှက်ချက်များကဲ့သို့ လျှို့ဝှက်သတင်းအချက်အလက်များ ပေါက်ကြားမှု ကာကွယ်ရန် ရည်ရွယ်ခြင်းဖြစ်ကြောင်း Kylie Robison က ပြောသည်။
တဘက်တွင်လည်း DeepSeek ကို အသုံးပြုခြင်းနှင့်စပ်လျဉ်းပြီး ရတက်မအေးဖြစ်နေမှုများရှိသည်။
အထူးသဖြင့် အသုံးပြုသူတို့၏ အချက်အလက်လုံခြုံမှုနှင့် တရုတ်အစိုးရ၏ သြဇာလွှမ်းနိုင်မှုအပေါ် စိုးရိမ်ကြခြင်း ဖြစ်သည်။
ကျွမ်းကျင်ပညာရှင်တို့နှင့် policymaker တို့က user တို့၏ data များကို တရုတ်အာဏာပိုင်တို့ ရယူနိုင်မည့်အလားအလာအပေါ် မေးခွန်းထုတ်ကြသည်။
အမေရိကန်၊ ဥရောပသမဂ္ဂနှင့် အိန္ဒိယတို့က DeepSeek နှင့် တရုတ်အစိုးရဆက်နွှယ်နိုင်မှုကို ရတက်မအေး ဖြစ်နေကြသည်။
အိန္ဒိယအစိုးရကလည်း တရုတ်ပြည်ရှိ ကုမ္ပဏီများမှ ထုတ်လုပ်သည့် AI tool များသည် အိန္ဒိယမှ အသုံးပြုသူတို့၏ အချက်အလက်များ ရယူသွားမည့်အလားအလာကို စိုးရိမ်ကြသည်။
အမေရိကန်ပြည်တွင် အမျိုးသားလုံခြုံရေးအတွက် တရုတ်ပြည်မှ AI ကုမ္ပဏီများကို ကန့်သတ်ပိတ်ဆို့ အရေးယူမှုများ ပြုလုပ်ထားသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: DeepSeek gets 'National Treasure in China' status: Travel ban, passport taken away and more that it means for DeepSeek's top engineers
