ဂျပ်စတင်ဘီဘာနှင့် ဟိုင်လေတို့စုံတွဲ အမေရိကန်ကို ကျောခိုင်းရန်အတွက် ဥရောပတွင် အိမ်လိုက်ရှာနေ

ဂျပ်စတင်ဘီဘာနှင့် ဟိုင်လေတို့စုံတွဲသည် အမေရိကတွင် ပရိသတ်များနှင့် သတင်းမီဒီယာတို့၏ အလွန်အကျွံ အာရုံစိုက်ခံနေရမှုကြောင့် ဥရောပသို့ ပြောင်းရွှေ့ရန်အတွက် နေအိမ်လိုက်လံရှာဖွေနေကြောင်း သတင်းရင်းမြစ်တစ်ခုက The US Sun သတင်းဌာနသို့ ပြောသည်။

အမေရိကတွင် ပရိသတ်နှင့် သတင်းမီဒီယာတို့၏ အနီးကပ်စောင့်ကြည့် ဝေဖန်ခံနေရမှုအပေါ် စိတ်ပျက်လာနေသောကြောင့် ဂျပ်စတင်ဘီဘာတို့စုံတွဲက တည်ငြိမ်အေးချမ်းမှုကို ရှာဖွေလိုနေသည်။

အသက် ၃၁ နှစ်အရွယ်ရှိ ဂျပ်စတင်ဘီဘာ၏ ကိုယ်စိတ် ကျန်းမာရေးနှင့် စပ်လျဉ်းပြီး တီးတိုးစကားများ ပျံ့ပွားနေသည်။

ဂျပ်စတင်ဘီဘာသည် မျက်နှာတစ်ခြမ်းလေဖြတ်မှုကြောင့် သီချင်းမဆိုနိုင်တော့ကြောင်း၊ ထို့ကြောင့် စိတ်ဓာတ်ကျနေကြောင်း သတင်းများ ပျံ့နေခြင်း ဖြစ်သည်။

(▲ ဂျပ်စတင်ဘီဘာတို့စုံတွဲသည် စပိန်၊ ဂရိနှင့် ပြင်သစ်နိုင်ငံတောင်ပိုင်းတို့တွင် ကန်ဒေါ်လာ ၅ ဒသမ ၆ သန်းမှ ၁၈ ဒသမ ၅ သန်းကြားရှိ နေအိမ်ဝယ်ယူရန် စီစဉ်နေသည်။ ဓာတ်ပုံ-SCStock-stock.adobe.com)

(▲ ဂျပ်စတင်ဘီဘာ၏ ကျန်းမာရေးနှင့် ပတ်သက်ပြီး ကောလာဟလများ ထွက်ပေါ်နေသည်။ သူ၏ ကိုယ်စားလှယ်များက ဂျပ်စတင်ဘီဘာ မူးယစ်ဆေးမသုံးကြောင်း ငြင်းပယ်ထားသည်။ သူ၏ သွင်ပြင်မှာမူ ပိန်လှီအားဖျော့နေသည်။ ဓာတ်ပုံ-justinbieber/ Instagram)

မကြာသေးမီက ထွက်ပေါ်လာသော ဓာတ်ပုံများတွင် ဂျပ်စတင်ဘီဘာမှာ ပိန်လှီကာ ညှင်းသိုးသိုးဖြစ်နေ သောကြောင့် ကောလာဟလများ ထွက်ပေါ်လာခြင်းဖြစ်သည်။

ထို့အပြင် အသက် ၂၈ နှစ်အရွယ်ရှိ ဟိုင်လေကို ပဲရစ် Fashion Week တွင် တစ်ဦးတည်းတွေ့ခဲ့ရသောကြောင့် ၎င်းတို့၏ အချစ်ရေးနှင့် ပတ်သက်ပြီး အမျိုးမျိုးအဖုံဖုံ ပြောဆိုခန့်မှန်းမှုများ ပေါ်ပေါက်နေသည်။

ဂျပ်စတင်ဘီဘာတို့နှစ်ဦး စုံတွဲဓာတ်ပုံမတွေ့ရသည်မှာ ရက်သတ္တပတ်ပေါင်းများစွာ ကြာခဲ့ပြီလည်း ဖြစ်သည်။

ထိုသို့ အိမ်ထောင်ရေးကောလာဟလများထွက်နေသော်လည်း ဥရောပတောင်ပိုင်းမှ luxury အိမ်ခြံမြေသမားတစ်ဦးက The Sun သတင်းဌာနသို့ ပြောပြသည်မှာ ဂျပ်စတင်ဘီဘာတို့စုံတွဲသည် ငြိမ်းချမ်းသော နေရာလေးတစ်ခုတွင် နေအိမ်တစ်လုံးရှာဖွေပေးရန် မိမိအား တာဝန်ပေးထားကြောင်း ပြောသည်။

(▲ ဂျပ်စတင်ဘီဘာတို့စုံတွဲ ၂ ဦးတွဲလျက် မတွေ့ရသည်မှာ အတန်ကြာခဲ့ပြီဖြစ်သောကြောင့် အိမ်ထောင်ရေး ပဋိပက္ခရှိနေသည်ဟူသော ခန့်မှန်းပြောဆိုမှုများ ရှိနေသည်။ ဓာတ်ပုံ-GC Images)

“သူတို့က ရိုးစင်းတဲ့ဘဝကို ပြန်လိုချင်နေကြပါတယ်။ တက်သုတ်ရိုက် ဘဝမျိုးကနေ ရုန်းထွက်ပြီး ဆိတ်ငြိမ်တဲ့ ဝန်းကျင်နဲ့ ပြန်လည်ထိတွေ့လိုနေပါတယ်”ဟု အတွင်းလူတစ်ဦးက ပြောသည်။

ဂျပ်စတင်ဘီဘာနှင့် ဟိုင်လေတို့စုံတွဲတွင် Jack Blues အမည်ရှိ သားတစ်ဦး ၂၀၂၄ ခုနှစ်အတွင်း ထွန်းကားထားသည်။

ဂျပ်စတင်ဘီဘာ လိုလားသော နေအိမ်မှာ ရာသီဥတုကောင်းမွန်ကာ privacy ရှိပြီး ကျေးလက်ဒေသတွင် ဖြစ်ရမည်ဟုဆိုသည်။

ထို့အပြင် ဆိတ်ငြိမ်သော ပတ်ဝန်းကျင်မျိုးဖြစ်ရန်လည်း ဂျပ်စတင်ဘီဘာက လိုလားသည်။

“ပတ်ဝန်းကျင်ကမ္ဘာနဲ့ အဆက်အသွယ်ဖြတ်ချင်တယ်လို့ သူတို့က ပြောပါတယ်” ဟု အဆိုပါ အိမ်ခြံမြေအကျိုးဆောင်က ပြောသည်။

(▲ ဂျပ်စတင်ဘီဘာတို့စုံတွဲ ဝယ်ယူရန် စဉ်းစားနေသော အိမ်များအနက် မာလော့ကာရှိ အိပ်ခန်း ၇ ခန်းပါ စံအိမ် (ပုံတွင် တွေ့ရသောအိမ်) ၊ မြေထဲပင်လယ်မှ Ibiza ကျွန်းရှိ ဆိတ်ငြိမ်အေးချမ်းသော အပန်းဖြေစံအိမ်နှင့် ဂရိနိုင်ငံ၊ Mykonos ကျွန်းရှိ ခမ်းနားသောစံအိမ်ကြီးတို့ အပါအဝင်ဖြစ်သည်။ ဓာတ်ပုံ-Balate Dorin-stock.adobe.com)

(▲ ဂျပ်စတင်ဘီဘာတို့ မိသားစုသည် လူမှုဝန်းကျင်နှင့် အဆက်အသွယ်ဖြတ်ပြီး သဘာဝပတ်ဝန်းကျင်နှင့် ပြန်လည်ထိတွေ့လိုနေသည်။ ဓာတ်ပုံ-neirfy-stock.adobe.com)

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ် (၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Justin and Hailey Bieber are looking for homes in Europe to escape scrutiny in the US Photo Credit- neirfy-stock.adobe.com, Balate Dorin-stock.adobe.com, justinbieber/ Instagram, GC Images, SCStock-stock.adobe.com