ဂျနီဖာလိုပက်ဇ် ဝယ်ယူရန် ဈေးညှိခဲ့ဖူးသော လော့စ်အ်ိနဂျလိ၏ အထင်ကရ အက်ဇ်ရီယာစံအိမ်ကြီး ရောင်းမထွက်သေးဘဲ ကန်ဒေါ်လာ ၁၆ သန်း ဈေးလျှော့ပေးလာ

အမေရိကန်ပြည်၊ လော့စ်အိန်ဂျလိတွင် တချိန်က ဖက်ရှင်ဒီဇိုင်နာ Max Azria (ကွယ်လွန်) နေထိုင်ခဲ့သော စံအိမ်ကြီး မူလခေါ်ဈေးအောက် ကန်ဒေါ်လာ ၁၆ သန်းဈေးလျှော့ကာ အရောင်းဈေးကွက် ပြန်ဝင်လာသည်။

ပေါ့ပ်ကြယ်ပွင့် ဂျနီဖာလိုပက်ဇ်က ယခုစံအိမ်ကြီးကို ဝယ်ရန် ဈေးညှိခဲ့သည့် သတင်းများ ထွက်ပေါ်ခဲ့အပြီး ၆ လအကြာတွင် လျှော့ဈေးဖြင့် အရောင်းဈေးကွက်ပြန်ရောက်လာခြင်း ဖြစ်သည်။

အက်ဇ်ရီယာဟု လူသိများသော စံအိမ်ကြီးသည် ၂၀၁၅ ခုနှစ်ကတည်းက မကြာခဏ အရောင်းဈေးကွက်ဝင် ခဲ့သည်။

၂၀၁၅ ခုနှစ်က ခေါ်ဈေးမှာ ကန်ဒေါ်လာ ၈၅ သန်းဖြစ်ပြီး ၂၀၁၆ တွင် ကန်ဒေါ်လာ ၈၈ သန်းသို့ ဈေးတက် သွားသည်။

ယင်းနောက်ပိုင်း အရောင်းဈေးကွက်တွင် ၁၀ ကြိမ်ခန့် ဝင်ချည်ထွက်ချည် ဖြစ်နေခဲ့သည်။

အိပ်ခန်း ၁၄ ခန်းပါ စံအိမ်ကြီးကို ယခုအကြိမ် မတိုင်မီ နောက်ဆုံး ဈေးကွက်တင်ခဲ့သည်မှာ ၂၀၂၄ ဧပြီလက ဖြစ်ပြီး ကန်ဒေါ်လာ ၅၅ သန်းဖြင့် ဖြစ်သည်။

ထိုသို့ ဈေးကွက်တင်ပြီး ၅ လအကြာတွင် ရုပ်ရှင်မင်းသား ဘင်အက်ဖလက်နှင့် ကွာရှင်းပြတ်စဲသော သတင်းများ နာမည်ကြီးနေချိန်တွင် ပေါ့ပ်ကြယ်ပွင့် ဂျနီဖာလိုပက်ဇ်က အဆိုပါ စံအိမ်ကို ဝယ်ယူရန် ဈေးညှိနေသည်ဟူသော သတင်းများ ထွက်ပေါ်လာသည်။

လက်ရှိအားဖြင့် ဂျေလိုသည် ဘင်အက်ဖလက်နှင့် အတူနေခဲ့သော ကန်ဒေါ်လာ ၆၈ သန်းတန် မင်္ဂလာဦး စံအိမ်ကြီးကို ရောင်းထုတ်ရန် စီစဉ်နေသည်။

ဂျေလိုက Atlas အမည်ရှိ သူ၏ ရုပ်ရှင်တွင် အဆိုပါစံအိမ်ကြီးကို ထည့်သွင်းရိုက်ကူးခဲ့ဖူးသည်။

ယင်းစံအိမ်ကို ဂျေလိုက ဘင်အက်ဖလက်နှင့်အတူ ၂၀၂၃ ခုနှစ်အတွင်း သွားရောက် ကြည့်ရှုခဲ့ဖူးသည်။

(▲ တချိန်က ဖက်ရှင်ဒီဇိုင်နာ မက်စ်အက်ဇ်ရီယာ ပိုင်ဆိုင်ခဲ့ပြီး ယခုအခါ မူလခေါ်ဈေးအောက် ကန်ဒေါ်လာ ၁၆ သန်း ဈေးလျှော့ပေးလာသည်။ ဓာတ်ပုံ-Realtor)

(▲ အက်ဇ်ရီယာဟု လူသိများသော စံအိမ်ကြီးသည် ၂၀၁၅ ခုနှစ်ကတည်းက မကြာခဏ အရောင်းဈေးကွက် ဝင်ခဲ့သည်။ ၂၀၁၅ ခုနှစ်က ခေါ်ဈေးမှာ ကန်ဒေါ်လာ ၈၅ သန်းဖြစ်သည်။ ဓာတ်ပုံ-Realtor)

(▲ အိပ်ခန်း ၁၄ ခန်းပါ စံအိမ်ကြီးသည် ၁၀ နှစ်ကြာသည်အထိ ရောင်းမထွက်ဘဲရှိနေပြီး အရောင်းဈေးကွက်သို့ ၁၀ ကြိမ်ခန့် ဝင်ချည်ထွက်ချည် ဖြစ်နေခဲ့သည်။ ဓာတ်ပုံ-Realtor)

ယခုစံအိမ်ကို ဝယ်ယူရန် ဈေးညှိခဲ့ခြင်းနှင့် စပ်လျဉ်းပြီး ဂျေလိုက တရားဝင်မှတ်ချက်ပေးခြင်းမရှိချေ။

ဂျေလိုနှင့် စံအိမ်ရောင်းချသူအကြား အရောင်းအဝယ်မဖြစ်ခဲ့ကြောင်း ယခုအချိန်အထိ ဈေးကွက်တွင် ရှိနေခြင်းက သက်သေပြနေသည်။

(▲ ဂျေလိုသည် ဘင်အက်ဖ်လက်နှင့် ကွာရှင်းပြတ်စဲသည့်သတင်းများ နာမည်ကြီးနေချိန် ၂၀၂၄ ခုနှစ်၊ စက်တင်ဘာလအတွင်း ယခုစံအိမ်ကို ဝယ်ရန် ဈေးညှိခဲ့သည်ဟု TMZ သတင်းဌာနက ဖော်ပြသည်။ ဓာတ်ပုံ-Getty Images)

(▲ လော့စ်အိန်ဂျလိ၏ အထင်ကရအရှိဆုံး စံအိမ်များ၌ ပါဝင်သော ယခုစံအိမ်ကြီးကို ဒီဇိုင်နာ အက်ဇ်ရီယာနှင့် ဇနီးတို့က ၂၀၀၅ ခုနှစ်အတွင်း ကန်ဒေါ်လာ ၁၄ ဒသမ ၄ သန်းဖြင့် ဝယ်ယူခဲ့ခြင်း ဖြစ်သည်။ ဓာတ်ပုံ-Realtor)

(▲ အက်ဇ်ရီယာ ပိုင်ဆိုင်ထားစဉ်ကာလအတွင်း ပြုပြင်မွမ်းမံမှုများစွာ ပြုလုပ်ခဲ့သည်။ ဓာတ်ပုံ-Realtor)

(▲ စံအိမ်အတွင်း၊ အပြင်နှင့် တင်းနစ်ကွင်းတို့တွင်ပင်လျှင် တောက်ပသောအရောင်များ ပြည့်လျှမ်းနေသည်။ ဓာတ်ပုံ-Realtor)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Iconic Azria Estate Has Price Chopped by $16 Million—Months After Jennifer Lopez Was Said To Be ‘In Negotiations’ To Buy It Photo Credit- Realtor, Getty Images