[စကားတတ်မလေး] တရုတ်ပြည်တွင် လမ်းလျှောက်တတ်စ သမီးငယ်လေးက မိမိအား လူပုံအလယ်တွင် လေးလေးစားစား ဆက်ဆံရန် မိခင်ဖြစ်သူအား ပြောဆိုနေပုံ ဗွီဒီယိုဖိုင် နာမည်ကြီးနေပြီး လူမှုကွန်ရက် သုံးစွဲသူတို့က ကလေးကို ချစ်ခင်လျက်ရှိ

တရုတ်ပြည်တွင် လမ်းလျှောက်တတ်စ သမီးငယ်လေးက မိမိအား လူရှေ့သူရှေ့တွင် ကောင်းကောင်းမွန်မွန် ဆက်ဆံရန် ပြောဆိုသည့် ဗွီဒီယိုဖိုင် နာမည်ကြီးနေပြီး လူမှုကွန်ရက်သုံးစွဲသူတို့က သမီးငယ်လေးကို ဝိုင်းဝန်းချီးမွမ်းလျက် ရှိသည်။

သမီးငယ်လေး၏ မိခင်မှာ လူမှုကွန်ရက်တွင် follower ၇၅၀၀၀ ဦးရှိသော influencer တစ်ဦးဖြစ်သည်။

မိခင်ဖြစ်သူ၏ မျိုးရိုးအမည်မှာ ဝမ်ဟု အမည်ရသည်။

ဝမ်သည် ၃ နှစ်အရွယ် သမီးငယ်လေး “မီပေါင်” ကို လွန်ခဲ့သော တစ်နှစ်ခန့်က ရိုက်ကူးထားခဲ့သည့် ဗွီဒီယိုဖိုင်တစ်ခုအား ပြီးခဲ့သော ဖေဖော်ဝါရီ ၁၆ ရက်က လူမှုကွန်ရက်တွင် တင်ခဲ့ခြင်း ဖြစ်သည်။

ဝမ်သည် တရုတ်ပြည်မြောက်ပိုင်း Inner Mongolia ကိုယ်ပိုင်အုပ်ချုပ်ခွင့်ရဒေသတွင် နေထိုင်သူဖြစ်သည်။

ဝမ်က ဗွီဒီယိုဖိုင်ဟောင်းကို ပြန်လည်ကြည့်ရှုမိပြီး အလွန်သဘောကျသောကြောင့် လူမှုကွန်ရက်တွင် မျှဝေရန် ဆုံးဖြတ်ခဲ့သည်။

ဗွီဒီယိုထဲတွင် မီပေါင်က မိခင်အားပြောနေသည်မှာ အခြားသူများ အနီးတွင် ရှိနေချိန်၌ မိမိကို မဆူရန်၊ ချီးကျူးအားပေးစကားပြောပေးရန် ပြောနေသည်ဟု ဆိုသည်။

လူရှေ့သူရှေ့တွင် မိခင်က မိမိအပေါ် ကြမ်းကြမ်းတမ်းတမ်း ဆက်ဆံလျှင် ငိုချင်စိတ်ပေါ်ကြောင်း၊ အခြားသူများ မိမိအား လှောင်ပြောင်ရယ်မောသည်ကို မလိုလားကြောင်း မီပေါင်က ပြောသည်။

(▲ လူပုံအလယ်တွင် ကောင်းကောင်းမွန်မွန်ဆက်ဆံရန် မိခင်ဖြစ်သူကို ပြောခဲ့သည့် မီပေါင်လေးအား လူမှုကွန်ရက်သုံးစွဲသူတို့က ချစ်ခင်လျက်ရှိကြသည်။ ဓာတ်ပုံ-Douyin)

ဝမ်က မိမိအမှားကို သိပြီဖြစ်ပါကြောင်း၊ နောင်အခါတွင် သမီးဖြစ်သူ၏ မိမိကိုယ်ကို လေးစားမှု မပျက်ယွင်းစေရန် ကာကွယ်ပေးမည်ဟု ကတိပြုပါကြောင်း သမီးငယ်လေးကို နူးညံ့ကြင်နာစွာ ပြောဆိုခဲ့သည်။

ဝမ်က ပြောပြသည်မှာ မိမိကလေးဘဝက မိဘများမှာ လူရှေ့သူရှေ့တွင် ဆူပူပြောဆိုလေ့ရှိကြောင်း၊ တခါတရံတွင် မိမိက မှန်နေပြီး ၎င်းတို့က မှားနေလျှင်ပင် ပြောဆိုခံရခြင်းဖြစ်ကြောင်း ပြောသည်။

မိဘများ၏ ထိုအမှားမျိုးကို မိမိ၏ ကလေးဆီသို့ ဆက်လက် လက်ဆင့်မကမ်းလိုတော့ကြောင်း ဝမ်ကဆိုသည်။

မျက်မှောက်ကာလ တရုတ်ကလေးငယ်များစွာမှာ ကျောင်းစာနှင့် ပတ်သက်ပြီး ဆွေမျိုးများရှေ့တွင် အခြားကလေးများနှင့် နှိုင်းယှဉ်ကာ အပြောအဆိုခံနေကြရသည်။

ပညာရေးကျွမ်းကျင်ပညာရှင်တို့က ပြောသည်မှာ ကလေးများ၏ စိတ်ကျန်းမာရေးအတွက် ကလေးတို့၏ သိက္ခာကို ကာကွယ်ပေးရန်လိုအပ်ကြောင်း ပြောသည်။

“ကလေးတွေဟာ မိဘတွေပိုင်တဲ့ ပစ္စည်းတစ်ခု မဟုတ်ပါဘူး။ သူတို့တွေမှာ လွတ်လပ်တဲ့ ကိုယ်ရည်ကိုယ်သွေးတွေ ရှိပါတယ်။ ဒါတွေကို လေးစားဖို့၊ ကာကွယ်ပေးဖို့ လိုပါတယ်” ဟု လူမှုကွန်ရက်သုံးစွဲသူတစ်ဦးက ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Little Chinese girl asks mum to treat her well in public, highlights value of face-saving  (scmp)