ယူကရိန်းသမ္မတ ဇလန်းစကီးနှင့် အခြေအတင် စကားများခဲ့သော အမေရိကန်ဒုသမ္မတ ဂျေဒီ ဗန့်စ်က ဝါရှင်တန် ဒီစီရှိ စံအိမ်ကို ကန်ဒေါ်လာ ၁ ဒသမ ၆၉ သန်းဖြင့် ရောင်းထုတ်ရန် စီစဉ်လာ

အမေရိကန်သမ္မတ ဒေါ်နယ်ထရမ့်နှင့် ယူကရိန်းသမ္မတ ဇလန်းစကီးတို့ အိမ်ဖြူတော်တွင် တွေ့ဆုံဆွေးနွေးစဉ် ဒုတိယသမ္မတဖြစ်သူ ဂျေဒီဗန့်စ်က ဇလန်းစကီးအား စတင်ထိုးနှက်တိုက်ခိုက်ခဲ့ရာမှတဆင့် ထရမ့်နှင့် ဇလန်းစကီးတို့မှာ သတင်းမီဒီယာတို့ကို ရှေ့ထားကာ အခြေအတင် စကားများခဲ့ကြသည်။

အလည်အပတ်ခရီးစဉ်ရောက်ရှိနေသော နိုင်ငံအကြီးအကဲတစ်ဦးကို အမေရိကန် ဒုသမ္မတတစ်ဦးက ထိုးနှက်တိုက်ခိုက်ခြင်းမှာ ဖြစ်လေ့ဖြစ်ထရှိသော ကိစ္စမျိုး မဟုတ်ချေ။

၎င်းတို့၏ အလုပ်မှာ ရွေးကောက်ခံထားရသော သမ္မတဖြစ်သူကို အကူအညီပေးရန်နှင့် သမ္မတဘေးတွင် ခပ်မဆိတ် ထိုင်နေရန်သာ ဖြစ်သည်။

((ဂျေဒီ ဗန့်စ် အရောင်းဈေးကွက်တင်လာသောအိမ်))

ဒုသမ္မတ ဂျေဒီ ဗန့်စ်က ဗာဂျီးနီးယားပြည်နယ်၊ အလက်ဇန္ဒြီးယားမြို့တွင်ရှိသောအိမ်ကို အရောင်းဈေးကွက်တင်လာသည်။

ဝါရှင်တန်ဒီစီ၏ တောင်ဘက်တွင် ကပ်လျက်တည်ရှိသည်။

ဒုသမ္မတ ဗန့်စ်သည် အဆိုပါအိမ်ကို အသုံးပြုမှု နည်းပါးသည်။

ဇန်နဝါရီလ ကျမ်းသစ္စာကျိန်ဆိုပြီးနောက် ဗန့်စ်နှင့် ဇနီးဖြစ်သူတို့သည် US Naval Observatory ဝန်းအတွင်းရှိ ဒုသမ္မတအိမ်တော်တွင် ပြောင်းရွှေ့နေထိုင်ခဲ့ကြသည်။

ဒုသမ္မတဗန့်စ်သည် Hillbilly Elegy အမည်ရှိ ကိုယ်တွေ့မှတ်တမ်းစာအုပ်ကိုလည်း ရေးသားထုတ်ဝေထားသည်။

ဗန့်စ်သည် ထရမ့်အစိုးရ၏ ဒုသမ္မတ ဖြစ်မလာမီ ၂၀၂၃ ခုနှစ်အတွင်း အလက်ဇန္ဒြီးယားမြို့၊ Del Ray အရပ်ရှိ ယခုနေအိမ်ကို ဝယ်ယူခဲ့ခြင်း ဖြစ်ပြီး နေအိမ်အကျယ်အဝန်းမှာ စတုရန်းပေ ၅၇၅၀ ရှိသည်။

နှစ်ပေါင်း ၁၀၀ သက်တမ်းရှိပြီဖြစ်သော အဆိုပါအိမ်ကို ယခုအခါ ကန်ဒေါ်လာ ၁ ဒသမ ၆၉ သန်းဖြင့် ဝယ်ယူပိုင်ဆိုင်နိုင်မည့် အခွင့်အလမ်း ပေါ်ပေါက်နေသည်။

အရောင်းဈေးကွက်တင်ပေးသည်မှာ Sotheby’s International Realty မှ ဖြစ်သည်။

(▲ ဒုသမ္မတ ဂျေဒီ ဗန့်စ်က သူ၏နေအိမ်ကို ရောင်းချရန် စီစဉ်နေသည်။ ဓာတ်ပုံ-Getty Images)

(▲ ဒုသမ္မတ ဂျေဒီ ဗန့်စ်။ ဓာတ်ပုံ-Bloomberg via Getty Images)

(▲ Google Maps တွင် ဒုသမ္မတ ဂျေဒီ ဗန့်စ်၏ အိမ်မှာ ဖုံးကွယ်ခြင်းခံထားရသည်။ နိုဝင်ဘာရွေးကောက်ပွဲ နောက်ပိုင်းတွင် အဆိုပါအိမ်အနီးဝန်းကျင်၌ လုံခြုံရေးတင်းကျပ်ထားသည်။ ဓာတ်ပုံ-Google Maps)

(▲ ဒုသမ္မတ ဂျေဒီ ဗန့်စ်နှင့် ဇနီးဖြစ်သူ Usha တို့တွင် သားသမီး ၃ ဦး ထွန်းကားသည်။ ဓာတ်ပုံ-Corbis via Getty Images)

တချိန်က အိုဟိုင်းအိုးပြည်နယ် အထက်လွှတ်တော်အမတ်ဖြစ်ခဲ့သူ ဗန့်စ်တို့ မိသားစု ၅ ဦနေထိုင်မည်ဆိုပါက အိပ်ခန်း ၅ ခန်းပါ ယာတောအိမ်မှာ ပြီးပြည့်စုံသော ရိပ်မြုံလေးတစ်ခု ဖြစ်မည် ဖြစ်သည်။

သို့သော် ဗန့်စ်တို့ မိသားစု ထိုဒေသနှင့် နွေးထွေးသော ဆက်ဆံရေး မရှိခဲ့ကြောင်း The Washingtonian က ဖော်ပြသည်။

ဗန့်စ်တို့ မိသားစု ကာလတို နေထိုင်ခဲ့စဉ်အတွင်း ၎င်းတို့ဘာသာ တသီးတသန့် နေထိုင်ခဲ့ကြသည်။

နိုဝင်ဘာရွေးကောက်ပွဲနောက်ပိုင်းတွင် ထိုဒေသ၌ လုံခြုံရေးအလွန်တင်းကျပ်လာရာ ဒေသခံတို့၏ ဒေါသနှင့် ရင်ဆိုင်ခဲ့ရသည်။

အောက်ထပ်မှာ အခန်းဖွင့်ခင်းကျင်းထားပြီး အပေါ်ထပ်တွင်ကား အိပ်ခန်း ၄ ခန်းရှိသည်။

အလှဆင်မွမ်းမံထားသော ခြံနောက်ဘက်တွင် ဆွေမျိုးသင်္ဂဟများ နေထိုင်နိုင်မည့် နေအိမ်တစ်လုံး ပါဝင်သေးသည်။

အဆိုပါအိမ်တွင် မီးဖိုဆောင်ငယ်၊ ထင်းသုံးမီးလင်းဖိုနှင့် ရေချိုးခန်းတို့ ပါသည်။

(▲ Naval Observatory ဝန်းရှိ ဒုသမ္မတအိမ်တော်။ ဓာတ်ပုံ-One Observatory Circle)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Vice President JD Vance has listed his DC-area home for $1.69M

Photo Credit-Google Maps, Getty Images, One Observatory Circle