အမေရိကန်ပြည် အရီဇိုးနားပြည်နယ်တွင် ဝေးလံခေါင်သီသော တောင်ထိပ်ပေါ်၌ ဆောက်လုပ်ထားသော ကြီးမားသည့် စံအိမ်ကြီးတစ်လုံး ကန်ဒေါ်လာ ၇ သန်းဖြင့် အရောင်းဈေးကွက်ဝင်လာ

အမေရိကန်ပြည် အရီဇိုးနားပြည်နယ်တွင် Mummy Mountain အမည်ရှိ တောင်ထိပ်ပေါ်တွင် ဆောက်လုပ် ထားသော Luxury ရိပ်မြုံတစ်ခု ကန်ဒေါ်လာ ၆ ဒသမ ၉ သန်းဖြင့် အရောင်းဈေးကွက်ဝင်လာသည်။

ဂျိမ်းစ်ဘွန်းကဲ့သို့ လျှို့ဝှက်နေထိုင်နိုင်မည့် နေရာတစ်ခုဖြစ်ပြီး အံ့မခန်းဗိသုကာလက်ရာများကို ပိုင်ဆိုင်နိုင် မည့်အပြင် ကမ္ဘာ့အခမ်းနားဆုံး ရှုမျှော်ခင်းများကိုလည်း ပိုင်ဆိုင်နိုင်မည် ဖြစ်သည်။

အကျယ်အဝန်း စတုရန်းပေ ၇၄၈၄ ရှိပြီး ၂၀၀၁ ခုနှစ်တွင် နာမည်ကြီး ဗိသုကာပညာရှင် Lee Hutchison က ပွေဘလို ဗိသုကာဟန်ဖြင့် ဆောက်လုပ်ခဲ့ခြင်း ဖြစ်သည်။

“တောင်တန်းကိုယ်တိုင်က နေအိမ်ရဲ့ အစိတ်အပိုင်းတစ်ခုအဖြစ် ပေါင်းစပ် ပါဝင်နေပါတယ်။ အရက်ဘားထဲမှာ အသိသာဆုံး ဖြစ်ပါတယ်။ အဲဒီမှာ ကျောက်ဆောင်တွေနဲ့ ဗိသုကာဟန်ဟာ ခြားနားမှုမရှိဘဲ ပေါင်းစပ်ပေး ထားပါတယ်”ဟု My Home Group Real Estate အိမ်ခြံမြေကုမ္ပဏီမှ အကျိုးဆောင် Jackie Miller က ပြောသည်။

ဝိုင်သိုလှောင်မှုအခန်းမှာလည်း တောင်တန်းတွင် မြှုပ်ဝင်ပေါင်းစပ် ဆောက်လုပ်ထားသည်။

ဝိုင်သိုလှောင်ခန်းတွင် Climate Control စနစ် ပါဝင်သည်။

နေအိမ်၏ Roof Top မှတဆင့် တောင်ပေါ်သို့ တက်နိုင်သည်။

ခြံအကျယ်မှာ ၁ ဒသမ ၅၁ ဧကရှိပြီး အိပ်ခန်း ၅ ခန်းနှင့် ရေချိုးခန်း ၇ ခန်းပါသည်။ Paradise Valley ၏ အမြင့်ဆုံး တောင်ထိပ်များအနက် တစ်ခုတွင် တည်ရှိခြင်း ဖြစ်သည်။

လူနေ နေရာများနှင့် မိုင်ပေါင်းများစွာ အလှမ်းကွာသည်ဟု ထင်ရသော်လည်း Paradise Valley Country Club ၏ မြောက်ဘက် Las Brisas ၏ အစိတ်အပိုင်းတစ်ခုအဖြစ် တည်ရှိသည့်နေရာ ဖြစ်သည်။

(Phoenix မြို့၏ နာမည်ကျော် Mummy Mountain တွင် တည်ရှိသည်။ ဓာတ်ပုံ-realtor)

(အောက်ဘက်ဆီရှိ တောင်ကြားတစ်ခုလုံး၏ ဆည်းဆာချိန်ရှုခင်းများကို အတားအဆီးမရှိ ခံစားနိုင်မည် ဖြစ်သည်။ ဓာတ်ပုံ-realtor)

(ပွေဘလို ဗိသုကာဟန်ဖြင့် ဆောက်လုပ်ထားသည်။ ဓာတ်ပုံ-realtor)

(အရက်ဘားအတွင်း ကျောက်ဆောင်တစ်ခုကို တွေ့ရပုံ။ ဓာတ်ပုံ-realtor)

(ဝိုင်သိုလှောင်ခန်းမှာ တောင်နံရံကို ဖောက်ကာ ဆောက်လုပ်ထားခြင်းဖြစ်သည်။ ဓာတ်ပုံ-realtor)

(မီးဖိုဆောင်တွင် မီးပန်းဆိုင်းနှင့် Soleri ခေါင်းလောင်းများ ချိတ်ဆွဲထားသည်။ ဓာတ်ပုံ-realtor)

(အဝင်ခန်းမတွင်လည်း မီးပန်းဆိုင်းနှင့် Soleri ခေါင်းလောင်းများ တွေ့ရသည်။ ဓာတ်ပုံ-realtor)

(ညစာစားခန်းရှိ တွဲလောင်းဆွဲမီးများကို ဒေသတွင်း အနုပညာရှင်တစ်ဦးက ယခုစံအိမ်ကြီးအတွက် သီးသန့်ပြုလုပ်ပေးထားခြင်းဖြစ်သည်။ ဓာတ်ပုံ-realtor)

(တံခါးများကို ဒေသတွင်း လက်မှုပညာရှင်တို့က အထူးအော်ဒါပြုလုပ်ပေးထားသည်။ ဓာတ်ပုံ-realtor)

(စံအိမ်ရှိ အိပ်ခန်း ၅ ခန်းလုံးတွင် ရေချိုးခန်း ပါဝင်သည်။ ဓာတ်ပုံ-realtor)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Extraordinary Mansion That Is Carved Into the Side of Arizona’s Mummy Mountain Hits the Market for $7 Million

Photo Credit- realtor