အမေရိကန်ပြည်တွင် ကြက်ဥ အလုံးရေ ၁၀၀,၀၀၀ ဆန်းကြယ်စွာ ပျောက်ဆုံးမှုကြီး

24 Feb 2025 2:10 pm တွင် တင်ခဲ့သည်

510 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by စည်သူအောင်

အမေရိကန်ပြည်၊ ပန်ဆယ်ဗေးနီးယားပြည်နယ်တွင် ကားနောက်တွဲတစ်ခု၌ တင်ထားသော ကြက်ဥ အလုံး ၁၀၀,၀၀၀ ခိုးယူခံလိုက်ရသည့်ဖြစ်ရပ်မှာ ရဲတပ်ဖွဲ့က မဖြေရှင်းနိုင်သေးသော လျှို့ဝှက်သည်းဖိုပု စ္ဆာတစ်ခု ဖြစ်နေကြောင်း အေပီသတင်းတစ်ရပ်တွင် ဖော်ပြသည်။

ကြက်ဥဈေးနှုန်း အလွန်အမင်း ခေါင်ခိုက်နေခြင်းကြောင့် ယခုခိုးယူခံရမှုကြီး ဖြစ်ပေါ်ခဲ့ခြင်းဖြစ်နိုင်ကြောင်း၊ လက်ရှိအချိန်အထိ သဲလွန်စ မရသေးကြောင်း ကြက်ဥများ ခိုးယူခံရပြီး ၄ ရက်အကြာတွင် ပန်ဆယ်ဗေးနီးယားပြည်နယ် ရဲတပ်ဖွဲ့မှ ပြောရေးဆိုခွင့်ရပုဂ္ဂိုလ် Megan Frazer က ပြောသည်။

“ကျွန်မတို့ဟာ ပြည်သူတွေဆီက သတင်းစကားတွေအပေါ် မှီခိုနေရတာ ဖြစ်ပါတယ်။ ဒါကြောင့် တစ်ခုခု သိထားတဲ့ တစ်ယောက်ယောက်က ကျွန်မတို့ကို သဲလွန်စတစ်ခုခု ဆက်သွယ်ပြောကြားလာဖို့ မျှော်လင့်ပါတယ်” ဟု Megan က ပြောသည်။

ရဲတပ်ဖွဲ့က ဆန်းကြယ်သော ကြက်ဥပျောက်ဆုံးမှုကြီးကို အဖြေရှာရန်အတွက် ဖြစ်နိုင်သမျှ မျက်မြင်သက်သေ များ လိုက်လံရှာဖွေနေသည့်အပြင် စီစီတီဗွီကင်မရာမှတ်တမ်းများကိုလည်း လိုက်လံ စစ်ဆေးကြည့်ရှုနေသည်။

“ကျွန်မ တာဝန်ထမ်းဆောင်ခဲ့သမျှ သက်တမ်းတလျှောက် ကြက်ဥတွေ သိန်းနဲ့ချီပြီး အခိုးခံရတာ တစ်ခါမှ မကြားဖူးပါဘူး။ ဒါက တကယ့်ကို ထူးခြားပါတယ်” ဟု Megan က ပြောသည်။

Megan သည် ရဲတပ်ဖွဲ့တွင် တာဝန်ထမ်းဆောင်ခဲ့သည်မှာ ဆယ်စုနှစ်တစ်ခုကျော် ရှိခဲ့ပြီ ဖြစ်သည်။

ပုဇွန်တောင်မြို့နယ် ဗိုလ်ချုပ်အောင်ဆန်းလမ်းမ မြေညီ ရောင်း

7,500 သိန်း (ကျပ်)

ပုဇွန်တောင် | ရန်ကုန်တိုင်းဒေသကြီး

🎗️ လှိုင်မြို့နယ် The Century Condo ရှိ လူမနေရသေးတိုက်သစ် ရှယ်ပြင်ဆင်ထားပြီး အင်းစိန်လမ်းမ view ကိုမ

9,800 သိန်း (ကျပ်)

လှိုင် | ရန်ကုန်တိုင်းဒေသကြီး

သာကေတ၊၇ဈေးလမ်းမပေါ်၊ရှုခင်းသာလမ်းမအနီးတွင်နေရာကောင်းမြေကွက်ကျယ်ရောင်းမည်။09444457779

32,000 သိန်း (ကျပ်)

သာကေတ | ရန်ကုန်တိုင်းဒေသကြီး

ကြက်ငှက်တုပ်ကွေးကြောင့် မွေးမြူရေးလုပ်ငန်းရှင်များမှာ တစ်လလျှင် ကြက်ကောင်ရေ သန်းနှင့်ချီကာ သုတ်သင်ပစ်နေရသည်။

အမေရိကန်တွင် ၂၀၂၃ ခုနှစ် နွေရာသီ၌ ကြက်ဥဈေးမှာ ၂ ဆခန့် မြင့်တက်ခဲ့သည်။ ဧပြီလကုန်တွင် ကျရောက်မည့် အီစတာ ပွဲတော် ကြက်ဥဈေးမှာ ကျဆင်းမည့် အရိပ်လက္ခဏာ မရှိ။

(မှတ်ချက်။ အီစတာပွဲတော်တွင် ကြက်ဥရှာပွဲ ကျင်းပလေ့ရှိရာ ကြက်ဥဝယ်လိုအား မြင့်တက်သည့် ကာလ ဖြစ်သည်)

အမေရိကန်ပြည်တဝန်း ပြီးခဲ့သောနှစ်ကုန် ဒီဇင်ဘာလတွင် ကြက်ဥတစ်ဒါဇင်လျှင် ၄ ဒသမ ၁၅ ဒေါ်လာ ဈေးပေါက်ခဲ့သည်။

ယခု ၂၀၂၅ ခုနှစ်အတွင်း ကြက်ဥဈေး ၂၀ ရာခိုင်နှုန်းခန့် ဆက်လက်မြင့်တက်ဖွယ်ရှိကြောင်း အမေရိကန် စိုက်ပျိုးရေးဌာနက ခန့်မှန်းထားသည်။

ယခု ပျောက်ဆုံးသွားသော ကြက်ဥအလုံးရေ ၁၀၀၀၀၀ မှာ Pete & Gerry’s Organics ၏ ဖြန့်ချိရေးဌာန ကားနောက်တွဲယာဉ်ပေါ်မှ ပြီးခဲ့သော စနေနေ့ ည ၈း၄၀ အချ်ိန်တွင် Antrim မြို့၌ ခိုးယူခံလိုက်ရခြင်း ဖြစ်ကြောင်း ရဲတပ်ဖွဲ့က ပြောသည်။

ခိုးယူခံလိုက်ရသည့် ကြက်ဥများ၏ စုစုပေါင်းတန်ကြေးမှာ ဒေါ်လာ ၄၀,၀၀၀ ခန့်ရှိရာ ကြီးလေးသည့် ရာဇဝတ်မှုဖြစ်ကြောင်း Megan က ပြောသည်။

Pete & Gerry’s Organics ကုမ္ပဏီက ထုတ်ပြန်သည်မှာ ကြက်ဥပျောက်ဆုံးမှုကို ဖော်ထုတ်ရန် ရဲတပ်ဖွဲ့နှင့် ပူးပေါင်းဆောင်ရွက်နေသည်ဟု ဆိုသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The heist of 100,000 eggs in Pennsylvania becomes a whodunit that police have yet to crack

ဗဟုသုတ သိမွတ္ဖြယ္ရာ

Share on Facebook

Share on Twitter