အင်္ဂလန်တွင် ၉၁ စင်တီမီတာ အကျယ်သာရှိသော နေအိမ်တစ်လုံး ပေါင် ၂၃၅,၀၀၀ အထိ ဈေးခေါ်ကာ အရောင်းဈေးကွက်ဝင်လာ

အင်္ဂလန်တွင် ကျဉ်းမြောင်းလှသော နေအိမ်တစ်လုံး အရောင်းဈေးကွက်ဝင်လာသည်။

အင်္ဂလန်နိုင်ငံ အနောက်တောင်ဖျား Cornwall ခရိုင်တွင် တည်ရှိပြီး အကျဉ်းမြောင်းဆုံးနေရာတွင် ၉၁ စင်တီမီတာ (၃ ပေ) သာ ရှိသည်။

ပူးကပ်လျက် တည်ရှိသော တစိတ်တပိုင်းလုံးချင်းအိမ်တန်း ၃ လုံးအနက် အလယ်တွင်ရှိသော အိမ်ဖြစ်သည်။

Porthleven အမည်ရှိ ပင်လယ်ဆိပ်ကမ်းမြို့လေးတွင် တည်ရှိသည်။

ပေါင် ၂၃၅၀၀၀ ထိ ဈေးခေါ်ထားရာ သေးငယ်သော နေအိမ်ကလေးတစ်လုံးအတွက် ဈေးများလှသည်ဟု ယူဆဖွယ်ရာ ရှိသည်။

သို့သော် Righmove အိမ်ခြံမြေဝက်ဘ်ဆိုက်၏ ဖော်ပြချက်အရ အဆိုပါဒေသ၏ ပျမ်းမျှအိမ်ဈေးမှာ ပေါင် ၃၆၇၈၄၂ ဖြစ်ရာ ဈေးမှန်သည်ဟု ဆိုရမည်။

အိမ်၏ ပုံသဏ္ဍာန်မှာ မီးပူတစ်ခု ပုံစံမျိုး ဖြစ်ပြီး နောက်ဘက်တွင် ပိုမိုကျယ်ဝန်းသွားသည်။

အိမ်တစ်လုံးတွင် ရှိသင့်ရှိအပ်သော Feature အားလုံး ပါဝင်သည်။

နေအိမ်အတွင်း ၂ ယောက်အိပ် အိပ်ယာတစ်ခု ထားနိုင်သော အိပ်ခန်း၊ အရောင်အသွေး တောက်ပသော မီးဖိုဆောင်၊ ရေချိုးခန်းနှင့် နားနေခန်းတို့ ပါဝင်သည်။

သို့သော် နားနေခန်းမှာ ကျဉ်းမြောင်းလှပြီး ရုပ်မြင်သံကြားနှင့် ကပ်လျက် ထိုင်ရမည် ဖြစ်သည်။

(ကျဉ်းမြောင်းသော ဧည့်ခန်းနေရာ။ ဓာတ်ပုံ-The Mather Partnership)

နေအိမ်မှတဆင့် ပင်လယ်ပြင်၏ ရှုမျှော်ခင်းများ ကြည့်ရှုခံစားနိုင်သည်။

ယခုနေအိမ်တွင် စိတ်ဝင်စားဖွယ် သမိုင်းကြောင်းလည်း ရှိသည်။

နေအိမ်တည်ရှိသော လမ်း၏ အမည်မှာ Lifeboat Terrace ဟု ဖြစ်သည်။

မြို့ကလေး၏ ပထမဆုံး အသက်ကယ်လှေအိမ် တည်ရှိခဲ့သော နေရာဖြစ်ပြီး ၁၈၆၃ ခုနှစ်တွင် ဆောက်လုပ်ခဲ့ခြင်း ဖြစ်သည်။

နေအိမ်၏ ပုံသဏ္ဍာန်မှာ မီးပူပုံဖြစ်သောကြောင့် ယခင်က Box and Heater ဟု ခေါ်ခဲ့ကြကြောင်း ဒေသခံအချို့က ပြောသည်။

(ကျဉ်းမြောင်းသော နေရာတွင် ၃ ပေသာ ရှိသည်။ ဓာတ်ပုံ-SWNS/The Mather Partnership)

(အောက်ထပ်မှာ အပေါ်ထပ်ထက် မဆိုစလောက် ပိုမို ကျယ်ဝန်းသည်။ ဓာတ်ပုံ-SWNS/The Mather Partnership)

(အိပ်ခန်း။ ဓာတ်ပုံ-SWNS/The Mather Partnership)

(နေအိမ်တွင်း တစ်နေရာ။ ဓာတ်ပုံ-SWNS/The Mather Partnership)

(နားနေခန်း။ ဓာတ်ပုံ-SWNS/The Mather Partnership)

(ရင်သပ်ရှုမောဖွယ် ပင်လယ် ရှုမျှော်ခင်းများ ပိုင်ဆိုင်ထားသည်။ ဓာတ်ပုံ-SWNS/The Mather Partnership)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: This £235,000 home squeezed into an alleyway is just 91cm wide Photo Credit- The Mather Partnership ip