အဆောက်အဦးတစ်ခုမှာ ဘယ်အပိုင်းတွေ ထိခိုက်လို့မရဘူးလဲ??

ဒီတစ်ခေါက်မှာတော့ အဆောက်အဦးတစ်ခုကို လိုအပ်လာလို့ ထွင်းရတော့မယ် ဖဲ့ရတော့မယ်ဆိုရင် ဘယ်လိုနေရာတွေကဖဲ့လို့ရတယ် ဘယ်လိုနေရာတွေက ရှောင်သင့်တယ် ဆိုတာကို ပြောပြပေးသွားမယ်နော်။

ပထမဆုံး‌အနေနဲ့ အဆောက်အဦးတစ်ခုရဲ့ Load ဖြန့်ဝေမှုကိုအကြမ်းဖျင်းပြောပြပါမယ်။ အဆင့်အလိုက် ပြောရမယ်ဆိုရင် ...

1. Slab 2. Beam 3. Column

ဆိုပြီး load တွေကိုအဆင့်ဆင့်လွှဲပြောင်းပေးပါတယ်။ Footing ကနေမှ မြေကြီးထဲကိုပြန်ပြီး load လွှဲပြောင်းပေးပါတယ်။ ဒီနေရာမှာ Slab ပြင်ကြမ်းခင်းနဲ့ Shear Wall လို့ခေါ်တဲ့ ကွန်ကရစ်နံရံတွေကို ဖောက်တာကတော့အနေအထားတစ်ခုထိလက်ခံပေးလို့ရပြီးတော့ ကျန်တဲ့ 3 ခုကတော့ ထိခိုက်မခံသင့်ပါဘူး။

📌အခုလိုကွန်ကရစ်သားကိုဖောက်တာကတော့ အဆောက်အဦးအများစုမှာ ရေဆင်းပိုက် မိလ္လာဆင်းပိုက် မီးသတ်ပိုက်တွေကို နောက်မှထည့်ကြတဲ့အခါ ဖောက်ကြပါတယ်။

📌 ဖောက်တဲ့အခါမှာလဲ Hole Saw လို့ခေါ်တဲ့ လွှဝိုင်းနဲ့ ဖောက်စက်ကိုအသုံးပြုပြီးသာ ဖောက်သင့်ပါတယ်။

❌ တူနဲ့ထုဖောက်တာ ကွန်ကရစ်ခွဲတဲ့ ဖျက် gun နဲ့ထိုးဖောက်တာ မျိုးတွေမလုပ်သင့်ပါဘူး။ မမှန်ကန်တဲ့နည်းလမ်းနဲ့ဖောက်မိရင်‌ ဖောက်ချင်တဲ့နေရာတင်မကပဲ တခြားနေရာတွေပါထိခိုက်သွားမှာဖြစ်လို့ ဂရုစိုက်သင့်ပါတယ်။

✅ ဖောက်ပြီး ထည့်ချင်တဲ့ပိုက်ထည့်ပြီးသွားရင်လဲ ဒီတိုင်းထားခဲ့လို့မရပါဘူး။ Grouting လို့ခေါ်တဲ့ repair concrete နဲ့ပိုက်‌ဘေး လွတ်နေတဲ့နေရာတွေကိုပြန်လောင်းထဲ့ပြီး ပိတ်သင့်ပါတယ်။ ဒါမှ slab ထဲကိုရေစိမ့်မ၀င်နိုင် အထဲကသံချောင်းသံချေးမကိုက်နိုင်မှာပါ။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Credit: original writer