“ဂျပန်မှာ လုံခြုံစိတ်ချရမှုက အံ့မခန်းပါပဲ” မလေးရှားအမျိုးသမီးတစ်ဦးက ဂျပန်ရှိ စားသောက်ဆိုင်တစ်ခုတွင် iPad ကျန်ခဲ့ရာ နောက်နေ့တွင် ထိုနေရာ၌ပင် ပြန်လည် တွေ့ရှိ

ဂျပန်နိုင်ငံသည် လုံခြုံစိတ်ချရမှု၊ ရိုးသားမှုရှိသော နိုင်ငံအဖြစ် ကမ္ဘာပေါ်တွင် နာမည်ကျော်သည်။

လမ်းပေါ်တွင် ကျပျောက်သော ပစ္စည်းများကို ပိုင်ရှင်တို့က ခြေရာလက်ရာမပျက် ပြန်လည် တွေ့ရှိကြသည်။

ဂျပန်၏ ထူးခြားသော ရိုးသားမှုကို မလေးရှားအမျိုးသမီးတစ်ဦး မကြာသေးမီက ကိုယ်တွေ့ကြုံခဲ့သည်။

ဂျပန်ရှိ Halal စားသောက်ဆိုင်တစ်ခုတွင် သူ၏ iPad မေ့လျော့ကာ ကျန်ရစ်ခဲ့သည်။ ထိုအမျိုးသမီးက TikTok တွင် @-intanizzaty ဟူသော အကောင့်ဖြင့် အဆိုပါ ကြက်သီးမွေးညှင်းထဖွယ် ဖြစ်ရပ်ကို မျှဝေ ပြောပြခဲ့သည်။

စားသောက်ဆိုင်တွင် ညစာစားရင်း iPad ကျန်ခဲ့သည်ကို သိလိုက်ချိန်တွင် အလွန်စိတ်ဓာတ်ကျသွားပြီး မျက်ရည်လည်ရွှဲ ဖြစ်ခဲ့ရသည်။

သိလိုက်ချိန်တွင် ည ၁၀ နာရီခွဲအချိန်ရှိပြီ ဖြစ်သောကြောင့် စားသောက်ဆိုင်ပိတ်သွားပြီဖြစ်ရာ ဖုန်းဆက်၍ မရတော့သဖြင့် သောကအပူမီး ပိုမို ကြီးထွားခဲ့ရသည်။

သို့သော် နောက်နေ့မနက်တွင် သူမနှင့် ခင်ပွန်းဖြစ်သူတို့ စားသောက်ဆိုင်သို့ ပြန်လည်သွားရောက်ခဲ့ရာတွင် စားသောက်ဆိုင်အပြင်ဘက် ဆိုင်းဘုတ်ဘေး၌ iPad ကို ခြေရာလက်ရာမပျက် ပြန်လည်တွေ့ရှိခဲ့သည်။

သူမက ပြောပြသည်မှာ ဂျပန်သို့ သွားရောက်ခဲ့သည့် ခရီးစဉ်အတွင်း အိတ်လည်း ကျပျောက်ခဲ့ဖူးပြီး ပြန်ရခဲ့ကြောင်း ပြောပြသည်။

“ကြီးမြတ်တော်မူတဲ့ အလ္လာဟ်ရှင်မြတ်။ ဂျပန်ရဲ့ လုံခြုံစိတ်ချရမှုက တကယ့်ကို မယုံနိုင်အောင်ပါပဲ။ အဲဒါကြောင့် ကျွန်မ နှစ်တိုင်း ဂျပန်ကို မဖြစ်မနေ ခရီးသွားပါတယ်။”

“ဒီနှစ် ခရီးစဉ်မှာ ကျွန်မရဲ့ iPad နဲ့ အိတ်တွေ မေ့ပြီး ကျန်ခဲ့ပါတယ်။ ၂ ကြိမ်လုံး ပြန်ရတယ်။ ဆိုင်မှာက စားသောက်ဖို့ လာတဲ့လူတွေနဲ့ အမြဲတမ်း ပြည့်နေတာဆိုတော့ တယောက်ယောက် ယူသွားမှာ စိုးရိမ်ခဲ့မိတယ်။”

“ဒါပေမယ့် ဂျပန်တွေက ကိုယ့်ကိစ္စကိုယ် အာရုံထားတဲ့လူတွေပါ။ iPad တစ်ခု လမ်းမှာ တွေ့ရင်တောင် မယူကြဘူး။ ဘာကြောင့်လဲဆိုတော့ သူတို့ပိုင်တဲ့ ပစ္စည်းမဟုတ်လို့ပါ။”

(ဓာတ်ပုံ-@-intanizzaty/TikTok)

သူ၏ TikTok ဗွီဒီယိုမှာ လူမှုကွန်ရက်တွင် ကျော်ကြား ဂယက်ရိုက်သွားပြီး ကြည့်ရှုမှု အကြိမ်ရေ ၇၄၀,၀၀၀ ကျော် ရှိခဲ့သည်။

မလေးရှားနိုင်ငံသားများစွာကလည်း ၎င်းတို့၏ ဂျပန်ရောက် အတွေ့အကြုံများကို မှတ်ချက်ပြုကြရာ ကျကျန်ခဲ့သည့် ပစ္စည်းတိုင်း ပြန်ရကြောင်း ပြောဆိုကြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: “Safety in Japan is incredible” - M’sian leaves iPad at restaurant in Japan, finds it there the next day Photo Credit-@-intanizzaty/TikTok