အမေရိကန်ပြည်တွင် အရက်သေစာ သောက်စားမှု ပိတ်ပင်ခဲ့သည့်ခေတ်က ရုပ်ရှင်မင်းသမီး မာရီလင်မွန်ရိုးနှင့် နာမည်ကြီး ပြဇာတ်ရေးဆရာ အာသာမေလာတို့ လျှို့ဝှက်အရက်သောက်ခဲ့သော အရက်ဘားပါသည့် ယာတောအိမ် ကန်ဒေါ်လာ ၁ ဒသမ ၂ သန်းဖြင့် အရောင်းဈေးကွက်ဝင်လာ

မာရီလင်မွန်ရိုးသည် ညှို့အားအပြင်းဆုံးအမျိုးသမီးအဖြစ် တခေတ်တခါက ပေါ့ပ်ယဉ်ကျေးမှု၏ Icon အဖြစ် လျှမ်းလျှမ်းတောက်ခဲ့သော ရုပ်ရှင်မင်းသမီးဖြစ်ပြီး ငယ်ငယ်ရွယ်ရွယ်ဖြင့် ကွယ်လွန်သွားခဲ့သူ ဖြစ်သည်။

ကွယ်လွန်ပြီးနောက်ပိုင်း ခင်ပွှန်းဖြစ်သူ၏ ချစ်ခြင်းမေတ္တာမှာလည်း ကမ္ဘာကျော်သတင်းတစ်ပုဒ် ဖြစ်ခဲ့၏။

(ဆက်စပ်သတင်း)

ဇနီးဖြစ်သူ ကွယ်လွန်သွားပြီးနောက် ခင်ပွန်းက ဇနီး၏ အုတ်ဂူသို့ တစ်ပတ်လျှင် ၃ ကြိမ်နှုန်းဖြင့် ၃၇ နှစ်တိုင် နှင်းဆီပန်း ၆ ပွင့် ပို့ပေးခဲ့၊ ထိုအမျိုးသမီးမှာ မည်သည့် ကမ္ဘာကျော် ရုပ်ရှင်မင်းသမီးဖြစ်သည်ကို သင်သိပါသလား

https://www.imyanmarhouse.com/news/read/1117103

((အမေရိကန်ပြည်တွင် အရက်သေစာ ပိတ်ပင်ခဲ့မှု))

အမေရိကန်ပြည်တွင် ၁၉၂၀ ပြည့်နှစ်မှ ၁၉၃၃ ခုနှစ်အထိ အရက်သေစာ ပိတ်ပင်ခဲ့ဖူးသည့် ခေတ်ကာလရှိခဲ့ပြီး အရက်သေစာ ထုတ်လုပ်ခြင်း၊ သယ်ယူပို့ဆောင်ခြင်း၊ ရောင်းချခြင်းများ တားမြစ်ခဲ့သည်။

ထိုသို့ ပိတ်ပင်ရခြင်း၏ အကြောင်းရင်းမှာ အိမ်တွင်းအကြမ်းဖက်မှု၊ ကလေးငယ်များ စွန့်ပစ်ခံရမှုတို့၏ အဓိက အကြောင်းရင်းမှာ အရက်ကြောင့် ဖြစ်သည်ကို တွေ့ရှိခဲ့သောကြောင့် ဖြစ်၏။

((မာရီလင်မွန်ရိုး အရက်ခိုးသောက်ခဲ့သောနေရာ))

အစိုးရ၏ တားမြစ်ပိတ်ပင်မှုများရှိသော်လည်း အမေရိကန်ပြည်တဝန်းတွင် တိတ်တိတ်ပုန်း အရက်ဆိုင်များ အနှံ့အပြားရှိရာ ကွန်နက်တီကပ်ပြည်နယ်မှ ယာတောအိမ်တစ်ခုရှိ အရက်ဘားကလေးလည်း အပါအဝင် ဖြစ်သည်။

အဆိုပါ အရက်ဘားတွင် ပေါ့ပ်ယဉ်ကျေးမှု၏ Icon မာရီလင်မွန်ရိုးနှင့် ခင်ပွန်းဖြစ်သူ ပြဇာတ်ရေးဆရာ အာသာမေလာတို့သည် ဖိတ်ဖိတ်ထ Bugatti တစ်စင်းဖြင့် လျှောက်ပတ်ပြီးလျှင် တိတ်တိတ်ပုန်း အရက်လာမော့လေ့ရှိကြသည်။

အဆိုပါ အရက်ဆိုင်လေးရှိခဲ့ဖူးသော Taunton Hill အမည်ရှိ ယာတောအိမ်မှာ ယခုအခါ ကန်ဒေါ်လာ ၁ ဒသမ ၁၆ သန်းမျှဖြင့် အရောင်းဈေးကွက်ဝင်နေသည်။

ဒေသတွင်းတွင် Boxwood Farm ဟုလူသိများသော ယာတောခြံကို ၁၇၆၅ ခုနှစ်ကတည်းက စတင်တည်ထောင်ခဲ့ခြင်းဖြစ်သည်။

လက်ရှိပိုင်ရှင်မှာ တယောပညာရှင် (Cellist) ဝီလျံ ဒီရိုဆာနှင့် ဇနီးဖြစ်သူ ကာစတီ ဖာဂူဆန်တို့ဖြစ်သည်။

“ဒီနေအိမ် အဆောက်အအုံဟာ မူရင်း Fairchild မိသားစုအိမ်ပဲ ဖြစ်ပါတယ်။ Fairchild မိသားစုဟာ Newtown ကို စတင်တည်ထောင်ခဲ့ကြသူတွေထဲမှာ ပါဝင်ပါတယ်” ဟု ဝီလျံ ဒီရိုဆာက ပြောသည်။

ယခုခြံသည် Fairchild မိသားစုလက်ထဲတွင် မျိုးဆက်ပေါင်းများစွာ ပိုင်ဆိုင်ခဲ့ကြပြီး ဝီလျံ ဒီရိုဆာက ယခုခြံကို တွေ့ရှိချိန်တွင် ရုပ်ရှင်လုပ်ငန်းရှင်တစ်ဦးက ပိုင်ဆိုင်ထားသည်။

အဆိုပါလုပ်ငန်းရှင်သည် နယူးယောက်မှ Nantucket သို့ သွားလာသော ခရီးတွင် ယခုနေအိမ်ကို ခရီးတစ်ထောက် နားခိုရာအဖြစ် အသုံးပြုခဲ့သည်။

(ယာတောခြံကို ၁၇၆၅ ခုနှစ်ခန့်က စတင်တည်ထောင်ခဲ့ခြင်း ဖြစ်သည်။ ဓာတ်ပုံ-Realtor)

(Newton မြို့တွင် တည်ရှိပြီး ခြံအကျယ် ၂ ဒသမ ၅၁ ဧကရှိသည်။ ဓာတ်ပုံ-Realtor)

(မာရီလင်မွန်ရိုးနှင့် ခင်ပွန်းဖြစ်သူ ပြဇာတ်ရေးဆရာ အာသာမေလာတို့ ဤအခန်းတွင် အရက်သောက်ခဲ့ကြသည်။ ဓာတ်ပုံ-Realtor)

(တောက်ပသော သစ်အယ်သား ကြမ်းခင်းများ။ ဓာတ်ပုံ-Realtor)

Fox Studio မှ အမှုဆောင်တစ်ဦးဖြစ်သူ Walter Hutchinson III က ယခုအိမ်ကို ခရီးတစ်ထောက် နားခိုရာအဖြစ် သုံးရန် ဝယ်ယူခဲ့သည်။

အိပ်ခန်း ၄ ခန်းနှင့် ရေချိုးခန်း ၃ ခန်းပါဝင်သော အိမ်ဖြစ်သည်။

Hutchinson သည် အနီးဝန်းကျင်မှ အကျော်အမော်တို့ကို သူ၏ Bugatti စေလွှတ်ကာ နေအိမ်သို့ ဖိတ်ခေါ်ပြီး အရက်သောက်စားကာ ရုပ်ရှင်အတူ ကြည့်ခဲ့ကြသည်။

ထိုသို့သော အကျော်အမော်များအနက် မာရီလင်မွန်ရိုးတို့ ဇနီးမောင်နှံလည်း ပါဝင်ခဲ့ပြီး ယခုအိမ်သို့ မကြာခဏ လာရောက်လေ့ရှိသည်ဟုဆိုသည်။

(တစ်ခုသောလှေကား။ ဓာတ်ပုံ-Realtor)

(တစ်ခုသောအခန်း။ ဓာတ်ပုံ-Realtor)

(အမိုးအောက် ထပ်ခိုးနေရာကို မိသားစုနားနေခန်းအဖြစ် ပြောင်းလဲထားသည်။ ဓာတ်ပုံ-Realtor)

(မီးဖိုဆောင်။ ဓာတ်ပုံ-Realtor)

(ဆက်စပ်သတင်း)

မာရီလင်မွန်ရိုး မိမိကိုယ်ကို အဆုံးစီရင်မှု ဖြစ်ပွားခဲ့ပြီး မကျွတ်မလွတ်ဖြစ်ကာ ခြောက်လှန့်နေသည် ဟူသော စံအိမ်ကို လက်ရှိပိုင်ရှင်တို့က ဖြိုချဖျက်သိမ်းရန် တင်ပြလျှောက်ထားပြီ

https://www.imyanmarhouse.com/news/read/1084153

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Connecticut Farmhouse With Secret Prohibition-Era Bar Where Marilyn Monroe and Arthur Miller Drank Is Listed for $1.2 Million Photo Credit-realtor