တရုတ်ပြည်တွင် လေလွင့်ကလေးငယ် ၇၀၀ ကျော်ကို မွေးစားကာ စောင့်ရှောက်ကူညီပေးနေသော အသက် ၈၀ အရွယ် အညတရ သူရဲကောင်း အဘိုးအိုတစ်ဦးအကြောင်း

တရုတ်ပြည်တွင် ဘဝတလျှောက် တစ်ကြိမ်မှ အိမ်ထောင်ပြုခဲ့ဖူးခြင်းမရှိသည့်အပြင် သားထောက်သမီးခံလည်း မရှိသော အသက် ၈၀ အရွယ်အဘိုးအိုတစ်ဦးမှာ ကလေးငယ် ၇၀၀ ကျော်၏ ဖခင်ဖြစ်လာသည်။

အဘိုးအို၏ အမည်မှာ ဝမ်ဝမ်လင်းဖြစ်ပြီး တရုတ်ပြည်အရှေ့ပိုင်း ကျဲ့ကျန်းပြည်နယ်၊ ဟန်ကျိုးမြို့တွင် နေထိုင်သည်။

အဘိုး ဝမ်သည် ၁၉၇၉ ခုနှစ်မှစတင်ကာ လမ်းပေါ်တွင်တွေ့သော ကလေးငယ်များကို ခိုကိုးရာနေရာပေးပြီး ကူညီစောင့်ရှောက်လာခဲ့သူ ဖြစ်သည်။

အဘိုးဝမ် အသက် ၃၄ နှစ်အရွယ်တွင် သူ၏ ပထမဆုံးသားကို လမ်းပေါ်တွင် စတင်ရှာဖွေတွေ့ရှိခဲ့သည်။

ထိုကလေးမှာ အသက် ၁၅ နှစ်အရွယ်ဖြစ်ပြီး အအေးဒဏ်ကြောင့် ခိုက်ခိုက်တုန်နေသည်ကို တွေ့ခဲ့သည်။

ထိုကလေးက ဝမ်အား ပြောပြသည်မှာ အလွန်ဖိနှိပ်သော ကျောက်မီးသွေးတွင်းမှ ထွက်ပြေးလာခြင်းဖြစ်ကြောင်း ပြောပြသည်။

ရှန်ဟိုင်းမြို့မြောက်ဘက် ကျန်းဆုပြည်နယ်ရှိ သူ၏ဇာတိမြို့မှ တဆင့် ကျောက်မီးသွေးတွင်းရှိရာသို့ လှည့်စားခေါ်ယူခံရခြင်းဖြစ်ကြောင်း ထိုကလေးက ပြောပြသည်။

ဝမ်က ထိုကလေးကို အိမ်သို့ခေါ်လာခဲ့ပြီး တစ်ပတ်ခန့်အကြာတွင် ဇာတိမြေသို့ ပြန်ရန် ရထားလက်မှတ်ဝယ်ပေးခဲ့သည်။

 (အဘိုး ဝမ်သည် ပြီးခဲ့သော ဆယ်စုနှစ် ၄ ခုအတွင်း ကလေးငယ် ရာနှင့်ချီ၍ အကူအညီပေးခဲ့သည်။ ဓာတ်ပုံ-Douyin)

ဝမ်က ပြောသည်မှာ အဆိုပါကလေးကို ကူညီလိုက်ခြင်းသည် မိမိကိုယ်ကို ကယ်တင်ခြင်းလည်းဖြစ်ကြောင်း ပြောသည်။

ဝမ် ဆယ်ကျော်သက်အရွယ်က အဆို အကအဖွဲ့တစ်ခုတွင် အဖွဲ့ဝင်ဖြစ်ခဲ့ပြီး တောက်ပသော အနာဂတ်ရှိခဲ့သည်။

အိမ်နီးချင်းတစ်ဦးက ဝမ်ကို လက်ပတ်နာရီခိုးသည်ဟု မှားယွင်းစွပ်စွဲခဲ့မှုကြောင့် ဝမ်၏ဘဝပြောင်းလဲ သွားခဲ့ရသည်။

အိမ်နီးချင်းက ဝမ်အား ရဲစခန်းတွင် အတင်းအကြပ် ဝန်ခံခိုင်းခဲ့သည်။

ယင်းနောက် ဝမ်ကို ပြုပြင်ပြောင်းလဲစေရန်အတွက်ဟုဆိုကာ လူသူအလှမ်းဝေးကွာသော ဒေသရှိ ယာတောတစ်ခုတွင် ၁၆ နှစ်ခန့် အလုပ်လုပ်ခိုင်းခဲ့သည်။

၁၉၇၈ ခုနှစ်တွင် ဝမ် ပြန်လည်လွတ်မြောက်လာခဲ့ပြီးနောက် ထုပ်ပိုးစက်ရုံတစ်ခု၏ ပိုင်ရှင်က ဝမ်ကို အလုပ်ပေးကာ ဘဝလမ်းကြောင်း ပြန်လည်တည့်မတ်စေရန် ကူညီပေးခဲ့သည်။

 (ဝမ်က ၎င်းကူညီပေးခဲ့သော ကလေးငယ်များစွာကို အမှတ်တရအနေဖြင့် ဓာတ်ပုံများ သိမ်းဆည်းထားသည်။ ဓာတ်ပုံ-Douyin)

“ငယ်ငယ်ရွယ်ရွယ်မှာ မကောင်းတဲ့လူတွေနဲ့တွေ့ရင် သူ့ဘဝက ပိုပြီး အမှောင်ကျသွားနိုင်ပါတယ်။ ကျွန်တော့်အနေနဲ့ သူ့ကို ပြန်ဆွဲတင်ပေးဖို့ လိုအပ်ပါတယ်” ဟု ဝမ်က ပထမဆုံးကလေးငယ်နှင့် ဆုံစည်းခဲ့ပုံကို Phoenix TV သို့ ပြောသည်။

ယင်းနောက်ပိုင်းမှစပြီး ဝမ်သည် လမ်းပေါ်မှ အိမ်ရာမဲ့ကလေးငယ်များကို လိုက်လံရှာဖွေခြင်း၊ သူ၏အိမ်သို့ ခေါ်လာကာ ခိုလှုံခွင့်ပေးခြင်း၊ ကိုယ်ပိုင်ငွေဖြင့် စားစရာများ ဝယ်ယူကျွေးမွေးကာ အိမ်ပြန်ရန် ရထားလက်မှတ်ဝယ်ပေးခြင်းတို့ လုပ်ဆောင်ပေးခဲ့သည်။

ဝမ်က သူကူညီခဲ့သောကလေးငယ်များကို တစ်ခုသာ ပြန်လည်တောင်းဆိုရာ အိမ်သို့ ပြန်ရောက်ပါက ဘေးကင်းစွာ အိမ်ပြန်ရောက်ကြောင်း စာရေးရန် ဖြစ်သည်။

အိမ်မပြန်နိုင်လောက်သည့် အတိဒုက္ခကြီးမားသော ကလေးငယ်ပေါင်းများစွာကိုမူ ဝမ်က မွေးစားထားသည်။

သူ၏ နေအိမ်တွင် ခိုကိုးရာမဲ့ ကလေးငယ်ပေါင်း ၂၀ ခန့်အထိ အမြဲရှိနေသည်။

 (ဝမ်က ကလေးငယ်များ ပေးပို့ထားသည့် ရာနှင့်ချီသော စာများကို အမှတ်တရ သိမ်းဆည်းထားသည်။ ဓာတ်ပုံ-Douyin)

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Chinese man shelters more than 700 young drifters, helps them return home, fosters some Photo Credit-Douyin