ဆီလီကွန်တောင်ကြားကို တုန်လှုပ်ခြောက်ခြားသွားစေသူ DeepSeek က လျန်ဝမ်ဖန်း တရုတ်နှစ်သစ်ကူးကာလတွင် ဇာတိရွာလေးသို့ ပြန်ခဲ့ရာ သူရဲကောင်းတစ်ဦးသဖွယ် ကြိုဆိုကြ

တစ်ကမ္ဘာလုံးကို AI နည်းပညာဖြင့် ကိုင်လှုပ်လိုက်သော DeepSeek ၏ တည်ထောင်သူ၊ အမှုဆောင် အရာရှိချုပ် လျန်ဝမ်ဖန်းသည် တရုတ်နှစ်သစ်ကူးကာလတွင် ဇာတိမြေသို့ ပြန်ခဲ့ရာ ဒေသခံတို့က သူရဲကောင်းတစ်ဦးသဖွယ် ကြိုဆိုခဲ့ကြသည်။

AI လောကကြီးနှင့် ကမ္ဘာ့ရှယ်ယာဈေးကွက်များကို ကသောင်းကနင်းဖြစ်သွားစေသည့် DeepSeek ကို တစ်ကမ္ဘာလုံးက စိတ်ဝင်တစား စောင့်ကြည့်နေသည်။

အသက် ၄၀ အရွယ်ရှိ လျန်ဝမ်ဖန်းသည် တရုတ်နှစ်သစ်ကူးကာလက တရုတ်ပြည် ကွမ်တုံပြည်နယ် တောင်ပိုင်း မှ ပင်လယ်ဆိပ်ကမ်းမြို့လေးဖြစ်သော ကျန့်ကျန်းမြို့မှ သူ၏ ဇာတိရွာလေးဖြစ်သည့် မီလိလင် ရွာသို့ အလည်အပတ် ရောက်ရှိခဲ့သည်။

မထင်မရှားသာ နေထိုင်တတ်သော လျန်ဝမ်ဖန်းကို ဇာတိမြေအတွက် ဂုဏ်သတင်းဆောင်ကြဉ်းပေးသူအဖြစ် အနီရောင်ပိုစတာကြီး ချိတ်ဆွဲကာ သူရဲကောင်းတစ်ဦးသဖွယ် ကြိုဆိုခဲ့ကြကြောင်း လူမှုကွန်ရက်တွင် ဓာတ်ပုံဖြင့် ဖော်ပြရေးသားခဲ့မှုများ ရှိနေသည်။

တရုတ်နှစ်သစ်ကူးအကြိုကာလသည် တရုတ်ပြည်တဝန်းလုံးတွင် မိသားစု ဆွေမျိုးမိတ်သင်္ဂဟများနှင့် ပြန်လည်ဆုံစည်းကြသော ကာလဖြစ်သည်။ DeepSeek ၏ တစ်ကမ္ဘာလုံးကို ကိုင်လှုပ်ပစ်နိုင်သည်အထိ အောင်မြင်မှုကြီးကြောင့် လျန်ဝမ်ဖန်း၏ ဇာတိမြေမှာ လာရောက်လည်ပတ်သူ တဟုန်ထိုးမြင့်တက်လာနေသော Tourist Attraction တစ်ခု ဖြစ်လာသည်။

လျန်ဝမ်ဖန်း၏ ဝေးလံခေါင်သီသော ဇာတိရွာလေးသို့ တရုတ်ပြည်တွင်းမှ လာရောက်လည်ပတ်သူ အလုံးအရင်းရှိနေကြောင်း ကွမ်တုံပြည်နယ်၏ မြို့တော် ကွမ်ကျိုးမြို့အခြေစိုက် Yangcheng Evening News သတင်းဌာနက ဖော်ပြသည်။

အမေရိက၏ နည်းပညာထိပ်သီးများဖြစ်သော OpenAI, Google နှင့် Meta ၏ platform များ ရင်းနှီးမြှုပ်နှံထားသည့် ပမာဏ၏ အစွန်းထွက်မျှဖြင့် AI model များထုတ်လုပ်ကာ Wall Street နှင့် Silicon Valley တို့ကို ကိုင်လှုပ်လိုက်သည့် DeepSeek သည် တရုတ်ပြည် ဟန်ကျိုးမြို့တွင် ရုံးချုပ် အခြေစိုက်သည်။

(တရုတ်ပြည်၊ ကွမ်တုံပြည်နယ်တောင်ပိုင်း ကျန့်ကျန်း ပင်လယ်ဆိပ်ကမ်းမြို့လေးရှိ မီလိလင်ကျေးရွာတွင် DeepSeek တည်ထောင်သူ လျန်ဝမ်ဖန်းကို ဇာတိမြေဂုဏ်ဆောင်ပုဂ္ဂိုလ်အဖြစ် သူရဲကောင်းသဖွယ် ကြိုဆိုထားသော အနီရောင်ပိုစတာကြီးကို တွေ့ရပုံ။ ဓာတ်ပုံ-Weibo)

DeepSeek သည် ကမ္ဘာ့အဆင့် AI Model များကို ကုန်ကျစရိတ် နည်းပါးစွာဖြင့် ထုတ်လုပ်ခဲ့ကာ ၎င်း Performance မှာ AI နယ်၏ အထင်ကရ Product များနှင့် ရင်ဘောင်တန်းနိုင် (သို့မဟုတ်) ပိုမိုသာလွန်သည့် စွမ်းဆောင်ရည်ကို တွေ့ရသောကြောင့် တကမ္ဘာလုံးကို ကိုင်လှုပ်နိုင်ခဲ့ပြီး နောက်ပိုင်း DeepSeek နှင့် တည်ထောင်သူအပေါ် ပြည်တွင်းနှင့် နိုင်ငံတကာ၏ အာရုံစိုက်မှု အလွန်မြင့်တက်လာခဲ့သည်။

အမေရိကန် ပြည်ထောင်စုက အမေရိကား၏ အဆင့်မြင့် ဆီမီးကွန်ဒတ်တာများနှင့် ဆက်စပ် နည်းပညာများကို တရုတ်ပြည်သို့ ရောင်းချမှု တင်းကျပ်စွာ တားမြစ်ထားသည့် ကြားမှ DeepSeek ၏ အောင်မြင်မှုကြီး ပေါ်ပေါက်လာခြင်း ဖြစ်သည်။

အမေရိကန်က တရုတ်ပြည်သို့ နည်းပညာပိတ်ပင်မှုများ မပြုလုပ်မီ လျန်ဝမ်ဖန်းက Nvidia ထုတ် Chip များ ထောင်နှင့်ချီကာ ဝယ်ယူထားခဲ့ခြင်း ဖြစ်သည်။

မီလိလင် ရွာသားတစ်ဦးက Yangcheng Evening News သတင်းဌာနသို့ ပြောသည်မှာ လျန်ဝမ်ဖန်း မိမိတို့ရွာတွင် မွေးဖွားခဲ့ခြင်းမှာ ရွာလေးအတွက် ဘုရားပေးသည့် လက်ဆောင်ဖြစ်ကြောင်း၊ အတန်းငယ် ကျောင်းသား ဘဝကတည်းက အထက်တန်း ကျောင်းသားတို့၏ သင်္ချာဘာသာရပ်ကို မိမိဘာသာ လေ့လာခဲ့သူဖြစ်ကြောင်း ပြောသည်။

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: DeepSeek founder Liang Wenfeng gets hero’s welcome in Lunar New Year hometown visit