Adele က သရဲခြောက်သည်ဟုပြောခဲ့သောကြောင့် အင်္ဂလန်မှ ကြီးကျယ်ခမ်းနားလှသော စံအိမ်ကြီးမှာ ၁၀ နှစ်ကြာ အရောင်းတင်ထားသော်လည်း ယနေ့တိုင် ရောင်းမထွက်သေးကြောင်း အိမ်ရှင်ဖြစ်သူ ညည်းတွား

အင်္ဂလန်နိုင်ငံ အနောက်ဆပ်ဆက်စ်ခရိုင်တွင် ဒေါ်လာ ၇ ဒသမ ၄ သန်းတန် ကြီးကျယ်ခမ်းနားလှသော စံအိမ်ကြီးနှင့် ခြံဝန်းကြီးကို အရောင်းဈေးကွက်တင်ထားသည်မှာ ဆယ်စုနှစ်တစ်ခုရှိခဲ့ပြီဖြစ်သော်လည်း ယနေ့တိုင် ရောင်းမထွက်သေးကြောင်း၊ ထိုသို့ ရောင်းမထွက်ခြင်းမှာ ကမ္ဘာကျော်အဆိုတော် Adele ကြောင့်ဖြစ်ကြောင်း အိမ်ရှင်က ညည်းတွားရင်ဖွင့်သည်။

ဂီတ၏ အော်စကာဟုဆိုသော ဂရမ်မီဆု ၁၆ ကြိမ်အထိ ရရှိထားသူ Adele သည် အဆိုပါစံအိမ်ကြီးတွင် ၂၀၁၂ ခုနှစ်အတွင်းက ၆ လခန့် ငှားရမ်းနေထိုင်ခဲ့ဖူးသည်။

Adele က ဤစံအိမ်ကြီးတွင် သရဲအလွန်ခြောက်ကြောင်း ပြောကြားခဲ့မှုမှာ အရောင်းအဝယ်ဖြစ်မည့် အလားအလာမှန်သမျှကို ပျက်သုဉ်းစေခဲ့သည်။ စံအိမ်ကြီးတွင် အိပ်ခန်း ၁၀ ခန်း ပါဝင်ပြီး ရှေးယခင်က ခရစ်ယာန်သီလရှင်ကျောင်းအဖြစ် အသုံးပြုခဲ့သည့် အဆောက်အအုံကြီး ဖြစ်သည်။

အတွင်းအပြင် ရေကူးကန်များ၊ တင်းနစ်ကွင်းနှင့် ရဟတ်ယာဉ်ကွင်းတို့ ပါသောကြောင့် လွယ်လင့်တကူ ရောင်းထွက်မည်ဟု လက်ရှိပိုင်ရှင်က ယူဆခဲ့သည်။

(စံအိမ်အကျယ်အဝန်းမှာ စတုရန်းပေ ၂၀၀၀၀ နီးပါးရှိသည်။ ဓာတ်ပုံ-Strutt & Parker/ BNPS)

(Adele က Lock House ဟု အမည်ပေးထားသည့် ယခုစံအိမ်ကြီးအတွင်း ၂၀၁၂ ခုနှစ်အတွင်းက CBS သတင်းဌာနမှ Anderson Cooper ကို လိုက်လံပြသခဲ့ပုံ။ ဓာတ်ပုံ-CBS)

ထိုသို့ ပြီးပြည့်စုံသည့် စံအိမ်ကြီးဖြစ်သော်လည်း ကာလကြာရှည် ရောင်းမထွက်ဖြစ်နေခြင်းမှာ Adele ပြောခဲ့သည့် စကားကြောင့်ဖြစ်ကြောင်း အိမ်ပိုင်ရှင်ဖြစ်သူ Nicholas Sutton က ပြောသည်။

Adele က ၂၀၁၂ ခုနှစ်အတွင်း CBS သတင်းဌာနနှင့် တွေ့ဆုံမေးမြန်းခန်း ပြုလုပ်ခဲ့ရာတွင် ယခုစံအိမ်ကြီးမှာ အလွန်ခြောက်ခြားစရာကောင်းကြောင်း ပြောခဲ့ဖူးသည်။

(အနောက်ဆပ်ဆက်စ်ခရိုင်တွင် တည်ရှိပြီး Grade II အဆင့် သမိုင်းဝင်အိမ်အဖြစ် သတ်မှတ်ခံထားရသည်။ အိပ်ခန်း ၁၀ ခန်း၊ ရေကူးကန်များ၊ တင်းနစ်ကွင်းနှင့် ရဟတ်ယာဉ်ကွင်းတို့ ပါဝင်သော်လည်း ဝယ်လက်ရှာမတွေ့သည်မှာ ဆယ်စုနှစ် တစ်ခုကျော် ရှိခဲ့ပြီ ဖြစ်သည်။ ဓာတ်ပုံ-Strutt & Parker/ BNPS)

(အဝင်ခန်းမ။ ဓာတ်ပုံ-Strutt & Parker/ BNPS)

Adele နေထိုင်ခဲ့စဉ်ကာလက အလွန်ခြောက်ခြားခဲ့ရသောကြောင့် သက်တော်စောင့်ပင် စောင့်ကြပ်စေ ခဲ့ရသည်ဟု ဆိုသည်။

လက်ရှိပိုင်ရှင်ဖြစ်သူ Sutton က ယခုစံအိမ်ကြီးကို ၂၀၀၃ ခုနှစ်အတွင်းက ဝယ်ယူခဲ့ပြီး ငွေအလုံးအရင်း သုံးစွဲကာ ပြုပြင်မွမ်းမံမှုများ ပြုလုပ်ခဲ့သည်။ ထိုသို့ ငွေအလုံးအရင်းကုန်ကျခဲ့ရပြီးနောက် Adele ၏ စကားတစ်ခွန်းကြောင့် နေအိမ်ရောင်းချရန် မလွယ်တော့ကြောင်း ၎င်းက ပြောသည်။

(ညစာစားခန်း။ ဓာတ်ပုံ-Strutt & Parker/ BNPS)

(အိမ်တွင်း ရေကူးကန်။ ဓာတ်ပုံ-Strutt & Parker/ BNPS)

(ဘိလိယက်ခန်းမ။ ဓာတ်ပုံ-Strutt & Parker/ BNPS)

(မီးလင်းဖိုကြီးရှေ့မှ ရေစိမ်ကန်။ ဓာတ်ပုံ-Strutt & Parker/ BNPS)

(ဧည့်ခန်း။ ဓာတ်ပုံ-Strutt & Parker/ BNPS)

ခြံဝန်းအကျယ်မှာ ၃၂ ဧကရှိပြီး ၁၉၇၀ ပြည့်လွန်ကာလများက ခရစ်ယာန်သီလရှင်ကျောင်းအဖြစ် အသုံးပြုခဲ့ရာ ယနေ့တိုင် သီလရှင်ကျောင်း သွင်ပြင်အငွေ့အသက်များ ရှိနေဆဲ ဖြစ်သည်။

(အိပ်ခန်းများအနက်မှ တစ်ခန်း။ ဓာတ်ပုံ-Strutt & Parker/ BNPS)

(ခြံဝန်းအတွင်းရှိ လူသွားလမ်းလေးများ။ ဓာတ်ပုံ-Strutt & Parker/ BNPS)

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Landlord gripes he can’t sell his home — because Adele said it’s haunted

Photo Credit- Strutt & Parker/ BNPS