TikTok လူမှုကွန်ရက်မှာ နာမည်ကြီးနေတဲ့ ထူးဆန်းသော အိမ်ခြံမြေကြော်ငြာတစ်ခုအကြောင်း

အိမ်ရှာသူတို့မှာ ပြီးပြည့်စုံသောအိမ်တစ်လုံးကိုသာ အမြဲရှာဖွေကြသည်။

တခါတရံတွင် အချို့အချက်များမှာ အိမ်ရှင်တို့ မပြောပြဘဲ ချန်ထားခဲ့သည်များ ရှိသည်။

သို့သော် တစ်ခုသော အိမ်အရောင်းကြော်ငြာမှာမူ တမျိုးတဖုံ ဆန်းပြားနေသည်။

TikTok လူမှုကွန်ရက်တွင် @housinghorrors အမည်ရှိအကောင့်က တင်ခဲ့သည့် ကြော်ငြာဗွီဒီယိုဖိုင်မှာ ကြည့်ရှုရသူတိုင်းကို အူတက်မတတ် ရယ်မောစေခဲ့ပြီး လူမှုကွန်ရက်သုံးစွဲသူတို့အကြား အလွန်ပျံ့နှံ့ ဂယက်ရိုက်ခဲ့သည်။

ပေါင် ၃၂၈၀၀၀ ဈေးခေါ်ထားသော အိပ်ခန်း ၅ ခန်းပါ နေအိမ်ဖြစ်ပြီး TikTok အကောင့်ရှင်က ကျယ်ပြောသော မီးဖိုဆောင်ကို စတင်ပြသသည်။

မီးဖိုဆောင် တစ်နေရာတွင် fridge ၅ ခုရှိနေသည်ကို တွေ့ရသည်။

ထို့နောက် ဆက်လက်ပြသသည်မှာ ရှုပ်ပွနေသော အိပ်ခန်းများအနက်တစ်ခုတွင် အမျိုးသားတစ်ဦး အိပ်စက်နေသည်ကို တွေ့ရသည်။

TikTok အကောင့်ရှင်က ပြောသည်မှာ “ဒီဘဲကတော့ ညဘက် night out ထွက်ပြီး အရက်နာ ကျနေတာ (ဒါမှမဟုတ်) ညဘက်အလုပ်ဆင်းထားတာ ဖြစ်နိုင်ပါတယ်” ဟု ဆိုသည်။

အိမ်ခြံမြေကြော်ငြာတစ်ခုတွင် အိပ်ပျော်နေသူကိုပါ ထည့်သွင်းပြသခြင်းမှာ ရယ်ဖွယ်လိလိ ဖြစ်နေသည်။

“အိမ်ရောင်းတဲ့ ဘယ်သူမဆို နောက်ဆုံးလိုချင်တဲ့ ဆန္ဒတစ်ခုက ကိုယ့်ကိုဓာတ်ပုံရိုက်ပေးမယ့် အိမ်ခြံမြေ အကျိုးဆောင်တစ်ယောက် ဖြစ်နိုင်ပါတယ်။ ဒါက Privacy ချိုးဖောက်တာ ဖြစ်နိုင်ပါတယ်။ ဒါမျိုးကို ဘယ်လိုများ ခွင့်ပြုခဲ့တာလဲ။ ဒီဘဲရဲ့ မျက်နှာက ကျွန်တော့်ကို ရယ်ချင်စိတ်တွေ ပေါ်လာစေပါတယ်။ တကယ်ကို မယုံနိုင်အောင်ပါပဲ”

အဆိုပါဗွီဒီယိုကြည့်ရှုရသော လူမှုကွန်ရက် သုံးစွဲသူတို့က အမျိုးမျိုး အဖုံဖုံ မှတ်ချက်ပေးကြရာ တစ်ဦးက “အခုလို ဟက်ဟက်ပက်ပက် မရယ်ရတာ အတော်ကြာပြီ” ဟု ဆိုသည်။

အချို့ကမူ မိမိတို့၏ ကိုယ်တွေ့ဖြစ်ရပ်များကို ရင်ဖွင့် ပြောပြမှတ်ချက်ပြုကြသည်။ “ကျွန်တော့် အိမ်ရှင်ဟောင်းတစ်ယောက်ဆို ကျွန်တော့်ကို အသိပေးမထားဘဲ အိမ်ပြဖို့ လူတွေ ခေါ်ခေါ်လာတယ်။ တခါတလေဆိုရင် ကျွန်တော်အိပ်ယာထဲမှာအိပ်နေတုန်း သူတို့ ရောက်လာကြတယ်” ဟု တစ်ဦးက မှတ်ချက်ပြုကြသည်။

အခြားတစ်ဦးက မှတ်ချက်ပြုသည်မှာ “ကျွန်တော်နဲ့ အတူနေ အိမ်ရှင်ဟာ ကျွန်တော့်အခန်းကို ငှားမယ့်သူတွေပြဖို့ဆိုပြီး ည ၁၁ နာရီမှာ ခေါ်လာပါတယ်။ ကျွန်တော့်ကို ဘာမှ ကြိုမပြောခဲ့ပါဘူး” ဟု ဆိုသည်။

အချို့ကမူ ယခုဖြစ်ရပ်မှာ နားလည်မှုလွဲခြင်းဖြစ်နိုင်ကြောင်း၊ အိပ်နေသော အမျိုးသားမှာ အိမ်ရောင်းရာတွင် ပါဝင်သည့်ပစ္စည်းတစ်ခုဖြစ်နိုင်ကြောင်း အရွှန်းဖောက်ကြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: House hunters in hysterics over bizarre detail in viral listing cs over bizarre detail in viral listing