ဟယ်ရီဆင်ဖို့ဒ်က တောမီးဦးတည်နေသည့် ဘရန့်ဝုဒ်အရပ်မှ သူ၏ စံအိမ်ဆီသို့ သွားရန် ကြိုးစားရာ ရဲအရာရှိတို့ လိုက်ပါစောင့်ကြပ်ပေးခဲ့

လော့စ်အိန်ဂျလိတောမီးကြီးကြောင့် မိမိ၏ နေအိမ်အပေါ် ရတက်မအေးဖြစ်နေရသူများတွင် ဟယ်ရီဆင်ဖို့ဒ်လည်း အပါအဝင် ဖြစ်သည်။

အသက် ၈၂ နှစ်ရှိပြီဖြစ်သူ ဟယ်ရီဆင်ဖို့ဒ်ကို လော့စ်အိန်ဂျလိမြို့၊ ဘရန့်ဝုဒ်အရပ်ရှိ သူ၏ ကန်ဒေါ်လာ ၁၂ ဒသမ ၆ သန်းတန် စံအိမ်အနီးတွင် ရဲအရာရှိများနှင့် စကားပြောနေသည်ကို မကြာသေးမီက တွေ့ရသည်။

ဘရန့်ဝုဒ်အရပ်သည် လော့စ်အိန်ဂျလိတွင် ကမ္ဘာကျော် ကြယ်ပွင့်များစွာနေထိုင်သော လူကုံထံရပ်ကွက်တစ်ခု ဖြစ်ပြီး လက်ရှိအားဖြင့် တောမီးဦးတည်နေသည့်နေရာ ဖြစ်သည်။

ထိုဒေသရှိ နေထိုင်သူများကို အစိုးရက ရွှေ့ပြောင်းမိန့် ထုတ်ပြန်ထားပြီး Sunset Boulevard နှင့် Mandeville Canyon လမ်းဆုံတွင် ရဲအရာရှိများ စောင့်ကြပ်လျက်ရှိသည်။

ဟယ်ရီဆင်ဖို့ဒ်က အနက်ရောင် Tesla တစ်စင်းဖြင့် ရောက်ရှိလာကာ ရဲအရာရှိများနှင့် စကားပြောခဲ့ရခြင်း ဖြစ်သည်။

(ဟယ်ရီဆင်ဖို့ဒ်သည် မီးညွန့်ဦးတည်နေသော ဘရန့်ဝုဒ်မှ ပြောင်းရွှေ့ပြီးနောက် နေအိမ်ရှိရာသို့ ပြန်လာကြည့်ရန် ကြိုးစားခဲ့ခြင်း ဖြစ်သည်။ ဓာတ်ပုံ-Flash/ BACKGRID)

(ဟယ်ရီဆင်ဖို့ဒ်သည် Mandeville Canyon လမ်းကို ပိတ်ဆို့ထားသော ရဲအရာရှိတို့နှင့် စကားပြောဆိုခဲ့ရသည်။ ဓာတ်ပုံ- Flash/ BACKGRID)

နယူးယောက်ပို့စ် သတင်းဌာနက ရရှိခဲ့သော ဓာတ်ပုံများအရ ဟယ်ရီဆင်ဖို့ဒ်သည် ကားထဲမှ ထွက်လာပြီး လော့စ်အိန်ဂျလိရဲတပ်ဖွဲ့ LAPD မှ အရာရှိများနှင့် စကားပြောနေခဲ့ပြီး ရဲအရာရှိများနှင့် စကားပြောစဉ် ပြုံးပြုံးရွှင်ရွှင်ရှိကြောင်း တွေ့ရသည်။

(မိမိတို့၏ နေအိမ်များအတွက် ရတက်မအေးဖြစ်နေရသူများအနက် ဟယ်ရီဆင်ဖို့ဒ်လည်း အပါအဝင် ဖြစ်သည်။ ဓာတ်ပုံ- Flash/ BACKGRID)

(မိမိ နေအိမ်၏ ကံကြမ္မာကို တွေးရင်း ဟယ်ရီဆင်ဖို့ဒ် စိတ်မချမ်းမသာ ဖြစ်သွားပုံကိုလည်း တွေ့ရသည်။ ဓာတ်ပုံ- Flash/ BACKGRID)

(ဟယ်ရီဆင်ဖို့ဒ်သည် ကားပေါ်မှဆင်းလာကာ ရဲအရာရှိများနှင့် စကားပြောခဲ့သည်။ ဓာတ်ပုံ- Flash/ BACKGRID)

(LAPD အရာရှိများနှင့် ဟယ်ရီဆင်ဖို့ဒ်တို့ ဆွေးနွေးနေပုံ။ ဓာတ်ပုံ-MACE/ BUZZIPPER/ BACKGRID)

(ရဲအရာရှိများနှင့် စကားပြောနေစဉ် ဟယ်ရီဆင်ဖို့ဒ်မှာ ပြုံးပြုံးရွှင်ရွှင်ရှိသည်ကို တွေ့ရသည်။ ဓာတ်ပုံ- Flash/ BACKGRID)

(Pacific Palisades အရပ်တွင် တောမီးကြောင့် ဧကပေါင်း ၁၅၀၀၀ ကျော် ပြာကျသွားပြီ ဖြစ်သည်။ ဓာတ်ပုံ- Flash/ BACKGRID)

(ဘရန့်ဝုဒ်အရပ်ရှိ Sunset Boulevard လမ်းကို ရဲတပ်ဖွဲ့က ပိတ်ဆို့ထားပုံ။ ဓာတ်ပုံ- Flash/ BACKGRID)

(ဟယ်ရီဆင်ဖို့ဒ်ကို သူ၏နေအိမ် သွားရောက်ကြည့်ရှုနိုင်ရန် ရဲတပ်ဖွဲ့က လိုက်လံစောင့်ရှောက်ပေးခဲ့သည်ဟု ဆိုသည်။ ဓာတ်ပုံ-MACE/ BUZZIPPER/ BACKGRID)

(Pacific Palisades အရပ်တွင် အင်္ဂါနေ့ မနက်က စတင်မီးလောင်ခဲ့ခြင်းဖြစ်သည်။ ဓာတ်ပုံ- ဓာတ်ပုံ-MACE/ BUZZIPPER/ BACKGRID)

(ဟယ်ရီဆင်ဖို့ဒ်သည် နေအိမ်မှ ပြောင်းရွှေ့ထွက်ခွာပြီးနောက် တဖန်ပြန်လည် လာရောက်ကြည့်ရှုခြင်း ဖြစ်သည်။ ဓာတ်ပုံ-MACE/ BUZZIPPER/ BACKGRID)

(မီးအန္တရာယ်ရှိနေသော ဒေသကို ဟယ်ရီဆင်ဖို့ဒ်က အနက်ရောင် Tesla တစ်စင်းနှင့် ရောက်လာခဲ့သည်။ ဓာတ်ပုံ-Flash/ BackGrid)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Harrison Ford talks to cops while trying to reach Brentwood home as Palisades Fire tears through Los Angeles Photo Credit-Flash/ BACKGRID, MACE/ BUZZIPPER/ BACKGRID / BUZZIPPER/ BACKGRID