လိုနီဝီလီဆင်၏ ကြေကွဲဖွယ်ဘဝ (သို့မဟုတ်) ဟောလိဝုဒ်ရုပ်ရှင်မင်းသားတစ်ဦး၏ ဇနီးဟောင်း၊ မဂ္ဂဇင်းမျက်နှာဖုံးရှင် ဖက်ရှင်မော်ဒယ်မှာ ယခုအခါ အိမ်ရာမဲ့ဖြစ်နေပြီး လမ်းများပေါ် အမှိုက်ပုံးများ၌ လိုက်လံရှာဖွေ စားသောက်နေရသည့် ဘဝသို့ ရောက်ရှိနေ

9 Jan 2025 10:48 am တွင် တင်ခဲ့သည်

1130 ကြိမ် ကြည့်ရှု့ပြီး

ဗဟုသုတ | Posted by နှင်းအိခင်

ဟောလိဝုဒ် ကြယ်ပွင့်တစ်ဦးနှင့် လက်ထပ်ခဲ့ပြီး ကျန်းမာရေးမဂ္ဂဇင်းများတွင် မျက်နှာဖုံးရှင်အဖြစ် မကြာခဏ တွေ့ခဲ့ရသူ လိုနီဝီလီဆင် Loni Willison ကို အပြင်ပန်းမှ ကြည့်လျှင် ပြီးပြည့်စုံသော ဘဝ ပိုင်ဆိုင်ထားသည်ဟု မှတ်ထင်ကြမည်ဖြစ်သည်။

သို့သော် လိုနီ၏ ဘဝမှာ အများထင်သကဲ့သို့ အဆင်ပြေ ချောမွေ့နေခြင်းမရှိ။

အသက် ၄၁ နှစ်အရွယ် မော်ဒယ်ဟောင်း လိုနီမှာ ယခုအခါ လော့စ်အိန်ဂျလိမြို့တွင် လမ်းပေါ်၌ နေထိုင်ရလျက် ရှိသည်။

Baywatch ဇာတ်လမ်းတွဲဖြင့် နာမည်ကြီးခဲ့သူ ဂျရမီ ဂျက်ဆင် (Jeremy Jackson) ၏ ဇနီးဟောင်းဖြစ်သူ လိုနီ ဝီလီဆင်သည် အသက်ရှင် ရပ်တည်ရေးအတွက် လမ်းများပေါ်ရှိ အမှိုက်ပုံးများတွင် လိုက်လံ မွှေနှောက်ရှာဖွေနေသည်ကို မကြာခဏ တွေ့ရလေ့ရှိသည်။

လိုနီသည် မူးယစ်ဆေး အလွန်အကျွံ အသုံးပြုခဲ့သူ တစ်ဦး ဖြစ်သည်။

RadarOnline သတင်းဌာနက နောက်ဆုံးရရှိခဲ့သော ဓာတ်ပုံများအရ ပြီးခဲ့သော နှစ်သစ်ကူးနေ့တွင် လိုနီသည် အမှိုက်ပုံတွင် လွှင့်ပစ်ထားသော ခရစ်စမတ် သစ်ပင်ကြီးတစ်ခုကို ကောက်ယူကာ သူ၏ တွန်းလှည်းပေါ်သို့ တင်ဆောင် သယ်ယူလာသည်ကို တွေ့ရသည်။

သူ၏ တွန်းလှည်းပေါ်တွင် စောင်များနှင့် တိုလီမိုလီ ပစ္စည်းပေါင်းစုံ အပြည့်ရှိနေသည်။

(ခရစ္စမတ် သစ်ပင်ကြီး အပါအဝင် ပစ္စည်းများ ပြွတ်သိပ်သယ်ဆောင်လာသော တွန်းလှည်းတစ်စင်းဖြင့် လိုနီကို လော့စ်အိန်ဂျလိလမ်းပေါ်တွင် တွေ့ရပုံ။ ဓာတ်ပုံ-MEGA)

ခင်ပွန်းဟောင်းဖြစ်သူ ဂျရမီက လိုနီ မူးယစ်ဆေးစွဲခဲ့သည့် ဖြစ်ရပ်အား ထုတ်ဖော်ပြောပြလာအပြီး ရက်သတ္တပတ် အနည်းငယ်မျှသာရှိသေးချိန်တွင် ယခုဓာတ်ပုံသစ်များ ထွက်ပေါ်လာခြင်း ဖြစ်သည်။

နောက်ဆုံးတွေ့ရသော ဓာတ်ပုံများတွင် လိုနီသည် ခြေကျင်းဝတ်အထိ ကျနေသော ဂါဝန်ရှည်၊ ကျားသစ်ကွက် ဘွတ်ဖိနပ်၊ ခေါင်းတုံးရိတ်ထားဟန်ရသော ဦးခေါင်းတွင် အနက်ရောင် ဦးထုပ်တို့ဖြင့် တွေ့ရသည်။

လိုနီ၏ လက်ရှိအခြေအနေကို RadarOnline က Facebook လူမှုကွန်ရက်တွင် ဖော်ပြခဲ့ရာ လူမှုကွန်ရက် သုံးစွဲသူတို့အကြား အလွန်ပျံ့နှံ့ခဲ့ပြီး မှတ်ချက်ပြုသူ ၈၂၀၀ ကျော်ရှိကာ ပြန်လည်မျှဝေသူ ၂၁၀၀ ကျော် ရှိခဲ့သည်။

(ဖက်ရှင်မော်ဒယ်ဟောင်းတစ်ဦးဖြစ်သူ လိုနီသည် အမှိုက်ပုံတွင် စွန့်ပစ်ထားသော ခရစ္စမတ်ပင်ကြီးကို သူ၏ တွန်းလှည်းပေါ် တင်ဆောင်ပြီးနောက် အမှိုက်ပုံးအတွင်း လိုက်လံရှာဖွေနေပုံ။ ဓာတ်ပုံ-MEGA)

လိုနီသည် အမှိုက်ပုံများကို လိုက်ဖွ မွှေနှောက်ကာ စွန့်ပစ်ထားသော ပစ္စည်းများကို ရှာဖွေယူဆောင်ရာ သူ၏ လက်များမှာ ညစ်ပတ်ပေရေ နေပုံပေါ်နေသည်။

တချိန်က ပုရိသတို့ စွဲမက်ဖွယ် မော်ဒယ်တစ်ဦးဖြစ်ခဲ့သူ လိုနီသည် ၂၀၁၈ ခုနှစ်အတွင်း လော့စ်အိန်ဂျလိခရိုင်၊ Venice Beach အရပ်ရှိ လမ်းများပေါ်တွင် အမှိုက်ပုံးများကို လိုက်လံမွှေနှောက်ရှာဖွေနေသည့် ဓာတ်ပုံများ စတင် ထွက်ပေါ်လာရာ ခင်ပွန်းဟောင်း ဂျရမီအပါအဝင် လူတိုင်း မယုံနိုင်အောင် ဖြစ်ခဲ့ရသည်။

(ယခုအခါ အိမ်ရာမဲ့ဖြစ်နေပြီဖြစ်သူ လိုနီ၏ ရုပ်သွင်မှာ ရွှေအိုရောင်တောက်ပခဲ့သော နေ့ရက်များနှင့်ယှဉ်လျှင် မမှတ်မိနိုင်အောင် ပြောင်းလဲသွားသည်။ ဓာတ်ပုံ-Splash News)

သဃ်န်းကျွန်း ကိုယ်ပိုင်ခြံဝန်းထဲမှာရှိတဲ့ ရှားပါးထွက်တဲ့ ဦးညိုကွန်ဒိုအရောင်းခန်းလေးပါရှင့် 09-26265

6,700 သိန်း (ကျပ်)

သင်္ဃန်းကျွန်း | ရန်ကုန်တိုင်းဒေသကြီး

ဗဟန်းမြို့နယ်ရှိကွန်ဒိုများရောင်းမည်

5,644 သိန်း (ကျပ်)

ဗဟန်း | ရန်ကုန်တိုင်းဒေသကြီး

မြောက်ဒဂုံ ၃၆ ရပ်ကွက် ထပင်ရွှေထီးလမ်းမအနီး နေရာကောင်း 3Rc ရောင်းမည်။

11,500 သိန်း (ကျပ်)

မြောက်ဒဂုံ | ရန်ကုန်တိုင်းဒေသကြီး

အေးချမ်းတိတ်ဆိတ်စွာနေချင်သူများအတွက်လှိုင်သာယာ FMI City က 2RC အရောင်း 📢

15,000 သိန်း (ကျပ်)

လှိုင်သာယာ | ရန်ကုန်တိုင်းဒေသကြီး

ရန်ကုန်မြိုရှိနေရာကောင်းမြေနှင်လုံးချင်းအိမ်အရောင်းများ/Land Only and Landed House for Sales in Yang

23,500 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

စမ်းချောင်း၊နေရာကောင်း၊စျေးတန်၊အခန်းကောင်းအရောင်းမို့၊စရန်ဦးသူရ

1,680 သိန်း (ကျပ်)

စမ်းချောင်း | ရန်ကုန်တိုင်းဒေသကြီး

သင်္ဃန်းကျွန်းမြို့နယ်Sapal Phyu Condominiumအရောင်း/Sapal Phyu Condominium for Sales Thingangyun Tow

6,500 သိန်း (ကျပ်)

သင်္ဃန်းကျွန်း | ရန်ကုန်တိုင်းဒေသကြီး

မေတ္တာလမ်းမအနီး စျေးတန်နေရာကောင်း မြေသီးသန့် အရောင်း/Land Only for Sales South Okkalapa Township in

13,800 သိန်း (ကျပ်)

တောင်ဥက္ကလာပ | ရန်ကုန်တိုင်းဒေသကြီး

Photo: BackGrid

အသက် ၄၄ နှစ်အရွယ် ခင်ပွန်းဟောင်း ဂျရမီက ပြောသည်မှာ ဇနီးဟောင်း လိုနီကို မတွေ့မိသည်မှာ ၄ နှစ်ခန့် ရှိပြီဖြစ်ကြောင်း ပြောသည်။

(လမ်းပေါ်တွင် နေထိုင်ရခြင်းဖြစ်သောကြောင့် မတော်မတရား ပြုကျင့်မှု မခံရစေရန်အတွက် မိမိကိုယ်ကို ညစ်ညစ်ပတ်ပတ်ဖြစ်အောင် နေထိုင်ကြောင်း လိုနီပြောဖူးသည်။ ဓာတ်ပုံ-BackGrid)

ဇနီးဟောင်း လိုနီကို ဆုံးရှုံးရခြင်းမှာ မိမိ၏ မိသားစုဝင်တစ်ဦး သေဆုံးသွားသကဲ့သို့ ခံစားရကြောင်း ဂျရမီက ပြောသည်။

မူးယစ်ဆေးစွဲကာ စိတ်ဝေဒနာ ခံစားနေရသော လိုနီအတွက် များစွာကြိုးစားပေးခဲ့သော်လည်း အရာမထင် ဖြစ်ခဲ့ရပုံကို ဂျရမီက ပြောပြသည်။

“တချိန်က ကျွန်တော်ချစ်ခဲ့တဲ့ အမျိုးသမီး မရှိတော့ပါဘူး။ အခုအမျိုးသမီးက စိတ်ပိုင်းအခြေအနေ ဘယ်လိုရှိသည်ဖြစ်ပါစေ ကျွန်တော်သိတဲ့အမျိုးသမီး မဟုတ်ပါဘူး”

(ဓာတ်ပုံ-BackGrid)

“ကျွန်တော့်ဘဝရဲ့ အချစ်ကို ဆုံးရှုံးသွားခဲ့ရပါတယ်။ ကျွန်တော် ချစ်ရေးဆိုဖူးတဲ့၊ လက်ထပ်ချင်ခဲ့တဲ့ တစ်ဦးတည်းသော အမျိုးသမီးကို ကျွန်တော် ဆုံးရှုံးခဲ့တယ်။ ကျွန်တော့်အသက် အခု ၄၄ နှစ်ရှိပါပြီ။ ဘယ်သူ့ကိုမှ ထပ်ပြီးချစ်ရေးမဆိုထားသလို လက်ထပ်ချင်စိတ်လည်း မရှိပါဘူး”

“သူက ကျွန်တော့်ရဲ့ ရွေးချယ်မှုပါ။ ကျွန်တော် တစ်ကြိမ်တည်းပဲ လုပ်ဆောင်ဖူးတဲ့ ရွေးချယ်မှုပါ။ အဲဒါကို ကျွန်တော် ဆုံးရှုံးခဲ့ပါတယ်”

ဂျရမီနှင့် လိုနီတို့ လက်တွဲခဲ့သော အိမ်ထောင်ရေးကာလ၏ နောက်ဆုံးနှစ်တွင် လိုနီ၏ စိတ်ကျန်းမာရေး အခြေအနေမှာ အလွန်ဆိုးရွားနေခဲ့သည်။

အခြားသူက ရန်ပြုမည်ကို အလွန်စိုးရိမ်ကြောက်ရွံ့စိတ်ပေါ်ပေါက်ခြင်း၊ စိတ်ခြောက်ခြားကာ ထင်ယောင်ထင်မှား ဖြစ်ခြင်းများ ဆိုးရွားစွာ ခံစားခဲ့ရပြီး ခင်ပွန်းဖြစ်သူ ဂျရမီကို မိမိ၏ ရန်သူဖြစ်သည်ဟု မှတ်ထင်နေခဲ့သည်။

(ဓာတ်ပုံ-Getty Images)

(ဓာတ်ပုံ-Facebook)

(ဓာတ်ပုံ-Splash News)

(ဓာတ်ပုံ-BackGrid)

(ဓာတ်ပုံ-Splash News)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Jeremy Jackson's Homeless Ex Loni Willison Spotted Going Through Trash After The 'Baywatch' Star's Heartbreaking Confession About 'Losing The Love of His Life' Photo Credit- Splash News, BackGrid, Facebook, Getty, GlamFit, MEGA

ဗဟုသုတ သိမွတ္ဖြယ္ရာ

Share on Facebook

Share on Twitter