စွန့်လွှတ်ခြင်းစာချုပ် ပြုလုပ်ချုပ်ဆိုသည့်အခါ သိရှိထားသင့်သည့်အချက်အလက်များ ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

စွန့်လွှတ်ခြင်းစာချုပ် မချုပ်ဆိုခင် မြေပုံ/မြေရာဇဝင်ကူးယူရမည်ဖြစ်ရာ အဆိုပါမြေပုံမှာ ပူးတွဲပိုင်ဆိုင် သူ၊ မှတ်ပုံတင်စာချုပ် အဆက်အစပ်ဖြင့် ပိုင်ဆိုင်သူတို့မှ များသာ လျှောက်ထားနိုင်သော မြေပုံတစ်ရပ်ပင်ဖြစ် ပါသည်။ မြေအမျိုးအစားများရှိသည့်အနက် မြေပိုင်မြေ၊ ဘိုးဘွားပိုင်မြေ၊ ဂရန်ရှိမြေပိုင်မြေ၊ မြေငှားစာချုပ် (ဂရန်မြေ)နှင့် လယ်ယာမြေနှင့် အကျုံးမဝင်ကြောင်း ဝန်ခံချက်လက်မှတ် ၃-(ခ) (သို့) ၃(က) ရရှိပြီး မြေများကို စွန့်လွှတ်စာချုပ်ချုပ်ဆိုရန်အတွက် မြေပုံ/မြေရာဇဝင် ကူးယူ လျှောက်ထားခြင်းပြုနိုင်ပါသည်။

စွန့်လွှတ်ခြင်းအတွက် မြေပုံလျှောက်ထားရာတွင် သတ်မှတ်ခွင့်ပြု လျှောက်လွှာပုံစံအတိုင်း ဖြည့်စွက်ကာ လျှောက်ထားရမည်ဖြစ်ပြီး လျှောက်ထားသူ၏မှတ်ပုံတင်၊ ဂရန်မြေဖြစ်ပါက မြေငှားချကြွေး ကျန်ကင်းရှင်း ကြောင်း ထောက်ခံချက် (သို့) မြေငှားခ နောက်ဆုံးပေးဆောင်ပြီးကြောင်း ပြေစာ၊ ဂရန်မြေဖြစ်ပါက မြေငှားစာ ချုပ်၊ မြေပိုင်မြေ၊ ဘိုးဘွားမြေနှင့် ဂရန် မြေဖြစ်ပါက မှတ်ပုံတင်ထားသော စာချုပ်စာတမ်းနှင့် ပိုင်ဆိုင်မှုနှင့် ပတ်သတ်သည့် တရားရုံးအမိန့်တစ်ရပ်ရှိလျှင် ပူးတွဲ၍ တင်ပြပေးရန်လိုအပ်ပါသည်။

ဌာနမှ လျှောက်ထားမြေမှာ ဂရန်သက်တမ်းကျန်ရှိခြင်းရှိမရှိ၊ မြေသိမ်း မှတ်ချက်ရှိမရှိ၊ မြေစာရင်းတွင် အစိုးရတားမြစ်ချက်၊ တားဝရမ်း ဘဏ်ကန့်ကွက်ရှိမရှိ စစ်ဆေးမည်ဖြစ်ပါသည်။ ထို့အပြင် စွန့်လွှတ်စာချုပ်ချုပ် ဆိုမည့်သူများမှ တရားရုံးဒီကရီ တစ်ရပ်ရပ်ရရှိထားသူဖြစ်ပါက ကန့်ကွက်ရှိမရှိ သတင်းစာကြေငြာခြင်းနှင့် မြေ ပြင် ကွင်းဆင်းစစ်ဆေးခြင်းတို့လဲ ဌာနမှပြုမည်ဖြစ်ပါသည်။

မြေပုံထွက်ရှိသောအခါ စွန့်လွှတ်စာချုပ်ကို မှတ်ပုံတင်ထားရှိရန် လိုအပ်ပါသည်။ စွန့်လွှတ်ခြင်း မြောက် မမြောက်မှာ စွန့်လွှတ်ပစ္စည်းအား အမှန်တကယ်လွှဲပြောင်းကာ မှတ်ပုံတင်စာချုပ် ချုပ်ဆိုသည့်အခါမှသာ စွန့် လွှတ်ခြင်း အထမြောက်မည် ဖြစ်ပါသည်။ စာချုပ်စာတမ်းမှတ်ပုံတင်ရုံးတွင် မှတ်ပုံတင်ရှိထားခြင်းမရှိသော စွန့်လွှတ်ခြင်းစာချုပ်မှာ မှတ်ပုံတင် ဥပဒေပုဒ်မ - ၁၇ (၁) (ခ)အရ စွန့်လွှတ်မှု အထမမြောက်မည်မဟုတ်ပါ။

အမွေဆိုင်များနှင့် ဂရန်မြေအမည်ပေါက် ပူးတွဲပိုင်ဆိုင်ကြသူများမှာ စွန့်လွှတ်စာချုပ်ချုပ်ဆိုခြင်းပြုနိုင် ပါသည်။ ပစ္စည်းတစ်စုံအား ပေးကမ်းခြင်းပြုလိုလျှင် မေတ္တာဖြင့် အပိုင်ပေးကမ်းခြင်းစာချုပ်လဲချုပ်ဆိုခြင်းပြုနိုင် ပြီး မေတ္တာဖြင့် အပိုင်ပေးကမ်းခြင်းမှာ ပူးတွဲပိုင်ဆိုင်သူမဟုတ်သူကိုသာ ပေးကမ်းမှုပြုနိုင်ပါသည်။ ပစ္စည်းပိုင်ဆိုင်မှုမှာ ပူးတွဲသက်ဆိုင်ခွင့်ရှိသည့်အခါ တစ်ဦးမှာ စွန့်လွှတ်စာချုပ်ချုပ်ဆို မှတ်ပုံတင်ထားပြီး အမှန်တကယ်လွှဲပြောင်းပေးအပ်လျှင် ကျန်တစ်ဦးမှာ ပစ္စည်းအား အလုံးစုံအလိုအလျောက် ပိုင်ဆိုင်ခွင့်ရှိသွားမည် ဖြစ်ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com