တရုတ်ပြည်တွင် လေပေါ် ပေ ၅၀၀၀ အမြင့်တွင် ရှိနေသည့် ကျောချမ်းဖွယ် ကောင်းကင်လှေကား စတင်ဖွင့်လှစ်

တရုတ်ပြည်တွင် အံ့မခန်း tourist attraction တစ်ခုရှိနေပြီး ကမ္ဘာတဝန်းမှ ပရိသတ်များအနေဖြင့် အပြောကျယ်သော တောတောင်ရှုခင်းများကို ကောင်းကင်မှ တွေ့မြင်ခွင့်ရမည့်နေရာ ဖြစ်သည်။

တရုတ်ဘာသာအားဖြင့် ထျန်းတီဟုခေါ်ပြီး ကောင်းကင်ဘုံသို့လှေကားဟု အဓိပ္ပာယ်ရသည်။

ထျန်းတီ တည်ရှိသည့်နေရာမှာ တရုတ်ပြည် အနောက်တောင်ပိုင်း ဟူနန်ပြည်နယ်၊ ကျောင်းကျားကျယ် (Zhangjiajie) သဘာဝဥယျာဉ်ရှိ ရှီးရှင်း (Qixing) တောင်တွင် ဖြစ်သည်။

တရုတ်အစိုးရ၏ နိုင်ငံပိုင်သတင်းမီဒီယာတွင် ဖော်ပြချက်အရ ထျန်းတီ ကောင်းကင်လှေကား၏ အလျားမှာ ၅၅၁ ပေရှိပြီး တောင်နံရံ ချောက်ကမ်းပါး ၂ ခုကြား ဆက်သွယ်ပေးထားကာ မြေပြင်အထက် အမြင့်ပေ ၅၀၀၀ တွင်တည်ရှိသည်ဟု ဆိုသည်။

သံမဏိလက်ရန်းများ၊ ခြေနင်းပြားများနှင့် ဆိုင်းကြိုးများ အသုံးပြုထားပြီး အသည်းကောင်းသူများအနေဖြင့် ကောင်းကင်လှေကားမှတက်ကာ ကောင်းကင်ဆီသို့ အရောက်လှမ်းနိုင်မည် ဖြစ်သည်။

သြစထရီးယားနိုင်ငံတွင်လည်း Via Ferrata အမည်ရှိ ကောင်းကင်လှေကားရှိသည်။ Via Ferrata နှင့် စပ်လျဉ်းပြီး iMyanmarHouse.com ဝက်ဘ်ဆိုက်ကြီးတွင် တင်ပြခဲ့ပြီး ဖြစ်ပါသည်။

ထျန်းတီကို ၂၀၂၄ ခုနှစ်၊ နှစ်ကုန်ပိုင်းတွင် စတင်ဖွင့်လှစ်ခဲ့ပြီး ကနဦးတွင် သတင်းမီဒီယာများနှင့် social influencer များကိုသာ ဝင်ခွင့်ပြုခဲ့ပြီး နောက်ပိုင်းတွင်မူ အများပြည်သူတို့ ဝင်ရောက်ခွင့်ပေးခဲ့သည်။

ဝင်ခွင့်လက်မှတ်မှာ ဒေါ်လာ ၁၀၀ ဝန်းကျင်ရှိပြီး ထျန်းတီမှ ဝန်ထမ်းတစ်ဦးထံတွင် ဝယ်ယူနိုင်ကြောင်း နယူးယောက်ပို့စ် သတင်းတစ်ရပ်တွင် ဖော်ပြသည်။

ကောင်းကင်လှေကားသို့ အရပ်အမြင့် အနည်းဆုံး ၄ ပေရှိသူများသာ တက်နိုင်မည်ဖြစ်ပြီး သွေးတိုးနှင့် နှလုံးရောဂါရှိသူများကို တက်ခွင့်မပြုချေ။

ထျန်းတီ ကောင်းကင်လှေကားကို တရုတ်စူးစမ်းလေ့လာရေးအသင်းက ဆောက်လုပ်ခဲ့ခြင်း ဖြစ်သည်။

(ထျန်းတီ ကောင်းကင်လှေကားကို တက်ရန် အနည်းဆုံး အရပ်အမြင့် ၄ ပေရှိမှ တက်နိုင်မည် ဖြစ်သည်။ ဓာတ်ပုံ-NX)

(မြေပြင်မှ ပေ ၅၀၀၀ အထိ မြင့်မားသည်။ ဓာတ်ပုံ-NX)

(ကောင်းကင်လှေကား၏ အလျားမှာ ၅၅၁ ပေရှိသည်။ ဓာတ်ပုံ-NX)

ရင်သိမ့်တုန် ကျောချမ်းဖွယ် ကောင်းကင်လှေကားသို့ နေ့စဉ် လာရောက်လည်ပတ်သော ကမ္ဘာလှည့်ခရီးသွား ၁၂၀၀ ခန့်ရှိကြောင်း နိုင်ငံပိုင် CCTV သတင်းဌာနက ဖော်ပြသည်။

ဖွင့်လှစ်သည်မှာ မကြာသေးသော်လည်း စွန့်စားသွားလာလိုသူတို့အကြား အလွန်နာမည်ကြီးလာနေပြီး တခါတရံတွင် လူသူပြည့်သိပ်နေလေ့ရှိကြောင်း CCTV သတင်းက ဖော်ပြသည်။

ကောင်းကင်လှေကားသည် လူတိုင်းနှင့်မူ မသင့်တော်ချေ။ သည်းထိတ်ရင်ဖို အတွေ့အကြုံ နှစ်သက်သူ အချို့ပင် အခက်ကြုံရသည့်အခါမျိုးရှိသည်။

(ဆက်စပ်သတင်း)

ဒေါ်လာသန်းချီ ငွေပုံပေးလျှင်ပင် မသွားပါဟု ကမ္ဘာလှည့်ခရီးသွားများ ပြောကြသော ဥရောပမှ ခြောက်ခြားဖွယ်နေရာ

https://www.imyanmarhouse.com/news/read/1102911

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: China's incredible 'sky ladder' which reaches a staggering 5,000ft high Photo Credit-NX